Jeremiah 27:6 - Tedim Bible

⁶ Tu-in hih gamte, ka nasempa ahi Babylon kumpipa Nebukhadnezzar’ khut sungah ka pia khinzo hi. Gamsate nangawn ama nasem dingin ka pia lai hi.

Tedim Bible Revision 2017

⁶ Tu-in hih gamte, ka nasem pa ahi Babylon kumpipa Nebukhadnezzarʼ khut sungah ka pia khinzo hi. Gamsate nangawn ama nasem dingin ka pia lai hi.

Jeremiah 27:6 Referans Kwoze

Jeremiah 28:14

Bang hang hiam cih leh Vanglian Topa, Israel mite’ Pasian in hong genin-ah: Hih gam khempeuhte’ ngawngah sik hakkol ka thuah khinzo a, amaute in Babylon kumpipa Nebukhadnezzar’ na a sem ding uh hi. Bang hang hiam cih leh gamsate nangawn ama tungah ka pia khinzo hi, ci hi,’ va ci in,” hong ci hi.

Jeremiah 25:9

en un, leilu lama om minam khempeuhte le ka nasempa ahi Babylon kumpipa Nebukhadnezzar ka vaikhak ding a, hih gam le a sunga a teng mi khempeuh le hih kiima om gam khempeuh a sim dingin ka va la ding hi. Keimah in amaute ka susia mangkhin ding a, amaute a tawntungin siacipin simmawhna ka thuaksak ding hi, ci-in Topa in kong gen hi.

Jeremiah 43:10

Tua ciangin amaute kiangah, ‘Vanglian Topa, Israel mite’ Pasian in hong genin-ah: En un, keimah in ka nasempa ahi Babylon kumpipa Nebukhadnezzar ka la ding a, hih ka suang phumte tungah ama kumpi tokhom hong phut ding a, tuate tungah a kumpi puanbuk a lam ding hi.

Isaiah 44:28

‘Sairas kumpipa pen ka tuucingpa hi a, ka deihna teng tungsak ding hi,’ a ci pa; ‘Jerusalem kilamkik ding a,’ biakinn pen, ‘Na bulpi kiphutkik ding hi,’ a ci Topa ka hi hi,” a ci hi.

Jeremiah 24:1

Babylon Kumpi Nebukhadnezzar in Jerusalem khua panin Jehoiakim’ tapa Judah kumpipa Jehoiakhin le Judah kumpi uliante, khutsiamte le sikseek siamte, Babylon khua-ah sal dingin a paikhiatpih khit ciangin Topa in hih maang hong musak hi. Topa’ biakinn mai-ah theigah bawm nih dim ka mu hi.

Jeremiah 21:7

Tua khit ciangin, Topa in kong cihin-ah, Judah kumpipa Zedekiah le a nasemte, le pulnatna, namsau, le kialin a si lo a nungta laiteng pen, amau’ galte le amaute a thatnuam Babylon kumpipa Nebukhadnezzar’ khut sungah ka pia ding hi. Amah in amaute namsau tawh that ding a, hehpih loin, zong a maap kei ding a, itna lungsim a nei kei ding hi,’ va ci un,” a ci hi.

Jeremiah 22:25

na kihtak, nang hong thatnuamte’ khut sungah kong pia ding hi. Babylon kumpipa Nebukhadnezzar le Khaldea mite’ khut sungah nang kong pia ding hi.

Jeremiah 49:30

“Hazor khua-ah a teng mi khempeuhte aw, Topa in kong cihin-ah, gamlapi-ah taimang unla, guam thuk sungah bu un. Bang hang hiam cih leh Babylon kumpipa Nebukhadnezzar in note a hong langpang dingin geelna le ngimna a nei khinzo hi.

Ezekiel 29:12

Leitung gam khempeuh lakah Egypt gam pen a gamkhing penin ka bawl ding hi. Kum sawmli sung khuapi sia dang khempeuh sangin a siazaw-in Egypt khuapite ka bawl ding hi. Egypt mite galtai-in ka bawl ding a, gam khempeuh le minam dang khempeuh kiangah taisakin ka kithehthangsak ding hi.

Daniel 4:12

A tehte hoih mahmah a, leitung bup khamkhop ding gah a gah hi. Gamsate in a liim beel uh a, vasate in a hiang kawmah bu bawl uh a, a nungta thei khempeuh in a gah a ne uh hi.

Daniel 4:22

Kumpipa aw, nang pen tua singkung na hi hi. Nang na lian a, na thahat hi. Nakpi takin khangin lian mahmah na hih manin vantung dong na banto a, leitung khempeuhah na vangliatna kizel hi.

2 KUMPI NIHNATE 25:28

Amah in migitna kam tawh amah hopih a, Babylon sunga amah tawh a om kumpi a mat dangte khempeuh sangin a sangzaw-in amah a pahtawi hi.

2 KHANG TANGTHU NIHNATE 36:23

“Persia kumpipa Sairas in hih bangin ci hi: ‘Vantung Pasian, Topa in leitung kumpi gam khempeuh kei hong pia khin a, Judah gam sung Jerusalem khua-ah ama a dingin biakinn khat ka lamsak ding hong sawl hi. Note lakah ama mi ahi khempeuh, Topa a Pasian uh in ompih tahen. Biakinn lam dingin Jerusalem-ah amaute paito sak un,’ ci hi,” a ci hi.

Ezekiel 30:24

Tua ciangin Babylon kumpipa’ khut ka khauhsak ding a, ama khut sungah ka namsau ka pia ding hi. Ahi zongin Egypt kumpipa Faro’ khut ka kuaihtansak ding a, a langte’ mai-ah tai-in a si ding hi.