Jeremiah 27:5 - Tedim Bible

⁵ ‘Keimah in a lian mahmah ka vangliatna tawh ka khut zanin, leitung le leitung a om mite le ganhingte ka bawl a, piak tuak ka sakte tungah ka pia hi.

Tedim Bible Revision 2017

⁵ ‘Keimah in a lian mahmah ka vangliatna tawh ka khut zanin, leitung le leitung a om mite le ganhingte ka bawl a, piak tuak ka sakte tungah ka pia hi.

Jeremiah 27:5 Referans Kwoze

Jeremiah 51:15

“Pasian in ama vangliatna tawh leitung bawl a, ama pilna tawh leitung piangsakin, ama siamna tawh vantung a zal hi.

Jeremiah 32:17

‘Topa Pasian! Nangma vangpi le na khut tawh vantung le leitung na bawl khinzo hi. Nang a dingin a haksalua khat beek om lo hi.

Daniel 4:17

Hih pen a vil, a patau vantungmi’ thukhenna ahi hi. Tua ahih ciangin mun khempeuhah a om mi khempeuhte in, a Lian Pasian in mite’ kumpi gamah vai a hawm hi, cih a thei ding uh hi. Amah in a teel peuhpeuh a neupente nangawn kumpi a suaksak thei ding hi,’ a ci hi.

Isaiah 45:12

Keimah in leitung ka bawl a, tua tungah mi ka piangsak hi. Keima khut in vantungte zal a, keimah in vantung na honpite khempeuh thu ka pia hi.

Kolose 1:16

Vantung le leitungah a om na khempeuh, kha thu tawh kisai vangliatna, tote, mi ukte, aana neihnate a kipan a kimuthei hitaleh a kimu thei lo hitaleh na khempeuh, Pasian in amah zangin a piangsak hi. Leitung a kipanin huih lakah a om khempeuh dongin, Pasian in Khrih a dingin amahmah zangin a piangsak hi.

Isaiah 42:5

Vantungte piangsakin a zal, leitung phahin, a tung panin a hong paikhia nate a piangsak, leitungah a om mite tungah husanna pia-in, leitungah a paite khempeuh husanna a guan Topa Pasian in hih bangin ci hi:

Mangmuhna 4:11

“Kote’ Topa Pasian aw, nangmah in na khempeuh piangsakin, nangma deihna bangin na khempeuh omin, na khempeuh kipiangsak ahih manin, minthanna, pahtawina, le vangliatna na ngah tawntung dingin a kilawm hi,” a ci uh hi.

Hebru 1:2

Ahi zongin tuhun nunung ciangin leitung vantung na khempeuh a bawlin a zat, a tawpna-ah na khempeuh a luah dingin a seh a Tapa zangin eite tungah thu hong gen hi.

Sawltak 17:24

Tua Pasian pen leitung buppi le a tunga om khempeuh a piangsak Pasian hi a, van le lei a uk Topa ahih manin mihingte’ lamsa biakinn sungah teng lo hi.

Sawltak 14:15

“Lawmte aw, bang hangin hih bangin gamta na hi uh hiam? Kote pen note mah bangin mihing ka hi lel uh hi. Bangmahin a kimang lo hih milimte na biakna uh panin kihei-in, vantung, leitung, tuipi le tuate tung le a sunga om khempeuh a bawl a nungta Pasian na biak nadingun Lungdamna Thu note kiangah a gen dingin hih lai-ah a hong om ka hi uh hi.

Isaiah 51:13

Vantungte zalin, lei bulpite a koih, note a hong bawl Topa hong mangngilh khinta na hi uh hiam? Note susia dingin a kithawi, no a hong nengniamte’ hehna, bang hangin kihta-in lau tawntung na hi uh hiam? Amaute’ hehna in note hong susiazo het lo ding hi.

Isaiah 48:13

Ka khut in leitung bulpi koih a, ka khut taklam in vantungte zal hi. Amaute ka sap ciangin amaute omkhawm pah uh hi.

Isaiah 44:24

Gil sung panin nangmah a hong piangsak, nangmah hong Honpa, Topa in hih bangin ci hi: “Keimah in na khempeuh bawlin, keimah guak in vantungte zalin, kuama seppih lohin leitung ka zal hi.

Ezra 1:2

“Persia kumpi Sairas in hih bangin ci hi: Vantung Pasian, Topa in leitung kumpi gam khempeuh keima tungah hong pia khin a, Judah gam sung Jerusalem khua-ah ama a dingin biakinn khat ka lamsak ding hong sawl hi.

Thu-hilhkikna 2:7

“‘Bang hang hiam cih leh na sepna khempeuh uhah Topa na Pasian un note thupha hong pia hi. Hih a zai sehnel gam na paina uh amah in hong thei hi. Hih kum sawmli sung Topa na Pasian uh no tawh hong om hi. Bangmah na kisam kei uh hi, ci-in gen in,’ hong ci hi.

Late 102:25

Tanglai hunin nangmah in leitung bulpi na koih a, vantungte zong nangma khut tawh na bawlsa ahi hi.

Thu-hilhkikna 32:8

Sang Pen pa in minam dangte tungah amau’ gamh pia a, mihingte a ten nading mun a seh ciangin vantungmi a phazah tawh a kizui-in mite’ gamgi a phut hi.

Thu-hilhkikna 9:29

Bang hang hiam cih leh amaute pen na vangliatna le na thahatna tawh na paikhiatpih na mihingte le na luahte ahi hi,’ ka ci hi.

Thu-hilhkikna 5:16

“‘Topa note’ Pasian in hong piak leitang tungah na khan uh sau-in na nopsak theih nadingun Topa note’ Pasian in hong thupiak bangin na nu na pa uh zahtak un.

Thu-hilhkikna 4:35

Topa Pasian hi, ci-in na theih nadingun note’ tungah hih thu hong kilak hi a, amah simloh kuamah dang om lo hi.

Thu-hilhkikna 4:32

“Pasian in leitungah mi a piansak ni a kipan, note’ pian’ ma-a hun beisa thu tu-in kan unla, van mong khat pan mong khat kikal thu zong kan un. Hih bang na lian piang ngei-in, a kiza ngei peuhmah hiam?

Thu-hilhkikna 4:25

“Note in tuleta nei-in gam sungah mi khangham na suah uh ciangin, na khat peuhpeuh tawh a kibang limin a kiseek milim bawlna le Topa na Pasian uh’ muhna-ah a sia bawlna tawh amah a heh nadingin na siat gamtat uhleh,

Thu-hilhkikna 4:17

leitung a om ganhing khat peuhpeuh tawh a kibang hitaleh, huihlaka leeng kha a nei vasa khat peuhpeuh tawh a kibang hitaleh,

Thu-hilhkikna 2:19

Ammon mite’ leitang na neih dingun khat zong hong pia lo ding ka hih manin, Ammon mite’ gamgi na nai uh ciangin amaute gimsak kei unla, amaute tawh kido kei un; bang hang hiam cih leh a neih dingun Lot’ suanlekhakte tungah ka pia khin hi,’ hong ci hi.

Thu-hilhkikna 2:9

Topa in kei kiangah, ‘Amau’ leitang na neih dingun note’ tungah hong pia lo ding ka hih manin Moab mite gimsak kei unla, amaute tawh galin kido kei un; bang hang hiam cih leh a neih dingun Lot’ suanlekhakte tungah Ar khua ka piazo hi,’ hong ci hi.

Paikhiatna 20:11

Bang hang hiam cih leh a ni guk sung tengin Topa in van le lei, tuipi le tuate sunga om khempeuh bawl a, a ni sagih ni tawlnga hi. Tua ahih ciangin Topa in Sabbath ni thupha pia-in siangthosak hi.

Piancilna 9:6

Mi a that peuhmahte pen, midangte in amah that ding hi. Bang hang hiam cih leh Pasian in ama lim bangin mi bawl hi.

Sawltak 17:26

Mihing khat tung panin leitung minam khempeuh hong piangsakin, leitung khempeuhah a omsak hi. Amah in mihingte a piansakma pekin, mihingte’ nuntak tanvei ding le a ten nading uh mun a sehsa ahi hi.

Piancilna 1:25

Innsa, gamsa, le a bokvak ganhing khempeuh amau nam ciatin Pasian in a piangsak hi. Pasian in tua pen hoih hi, ci-in a mu hi.

Late 96:5

Bang hang hiam cih leh minam dangte’ pasian khempeuh milim hi lel a, ahih hangin Topa ahihleh vantungte a bawlpa ahi hi.

Jeremiah 27:4

Amaute in a kumpite uh tungah, Vanglian Topa, Israel mite’ Pasian in hih bangin ci hi, ci-in gen uh hen.

Daniel 4:25

Mite sung panin hong kihawlkhia ding a, gamsate tawh na tengkhawm ding hi. Bawngtal bangin lopa na ne ding a, a pualamah lumin, kum sagih sung na tungah daitui a hong kia ding hi. Tua ciangin a Lian Pasian in mihingte’ kumpi gam uk a, a teel mi peuhpeuh kumpi suaksak thei hi, na ci ding hi.

Daniel 5:18

A Lianpen Pasian in na pa Nebukhadnezzar kumpi lianin koih a, zahtakna le vangliatna a pia hi.

Paikhiatna 6:6

Tua ahih ciangin Israel mite’ tungah, ‘Kei pen Topa ka hi hi. Egypt mite’ na na sepna uh panin note kong paikhiatpih ding hi. Amau’ sal hihna panin note kong khahkhia ding a, a thahat ka khut zanin thukhenna nasep lian tawh note kong honkhia ding hi.

1 KUMPI MASATE 8:42

(bang hang hiam cih leh amaute in a lian nangma minthanna le nangma mite a dingin na sepsak na liante’ thu za ding uh hi), hih biakinn lamah thu hong nget ciangin,

Nehemiah 9:22

Nangmah in amaute tungah kumpi gamte le mite na pia a, tuate pen galsung van ngah dingin na piak ahi hi. Tua ahih ciangin amaute in Heshbon kumpipa Sihon’ gam le Bashan kumpipa Og’ gam luah uh hi.

Daniel 2:38

Amah in mi’ tenna leitungteng, ganhingteng le vasate a uk dingin nang a hong koih hi. Tua kham lutang pen nangmah na hi hi.

Daniel 4:14

Amah nakpi-in kiko-in, ‘A singkung phuk inla, a hiangteng sattan in. A tehteng heuhsiang inla, a gahteng thehthang in. A nuai-a ganhingteng le a hiang tunga vasateng hawlkhia in.

Daniel 4:22

Kumpipa aw, nang pen tua singkung na hi hi. Nang na lian a, na thahat hi. Nakpi takin khangin lian mahmah na hih manin vantung dong na banto a, leitung khempeuhah na vangliatna kizel hi.