Jeremiah 27:22 - Tedim Bible

²² Tuate Babylon khua-ah kipuakhia ding a, ka kankik mateng tua lai-ah a omsuak ding hi. Tua khit ciangin tuate ka lakik ding a, hih munah ka koihkik ding hi, Topa in hong ci hi,” ci-in ka gen hi.

Tedim Bible Revision 2017

²² Tuate Babylon khua ah kipua khia dinga, ka kankik mateng tua lai ah a omsuak ding hi. Tua khit ciangin tuate ka lakik dinga, hih munah ka koihkik ding hi, Topa in hong ci hi,” ci-in ka gen hi.

Jeremiah 27:22 Referans Kwoze

Jeremiah 29:10

“Topa in kong cihin-ah: Babylon khua-ah kum sawmsagih na om khit uh ciangin, note kong kan kik ding a, kong kamciamnasa hong tangtung sakin hih munah kong lakik ding hi.

Jeremiah 32:5

Amah in Babylon khua-ah Zedekiah la ding a, ama tungah na ka sep mateng tua lai-ah om ding hi. Khaldea mite na do uh hangin na zo kei ding uh hi, Topa in hong ci hi,’ ci-in bang hangin thu hilh na hi hiam?” ci-in thong sungah a khum hi.

Ezra 7:19

Na Pasian’ biakinn-ah zat dingin hong kipia umlebeelte pen Jerusalem Pasian tungah na va pia ding hi.

Ezra 1:11

Kham le ngun kibawl umlebeelte khempeuh a vekpi-in tulnga zali sawmguk kua pha hi. Tua hi a, Babylon panin salte a kiciahpih kik ciangin Sheshbazzar in tua nate khempeuh Jerusalem-ah a ciahpih hi.

Paunak 21:30

Mihingte’ pilna, a thutheihna le a thugente khempeuh, Topa’ deihna tawh a kituah kei leh a kimanna om lo hi.

Daniel 9:2

Amah kumpi a suah a kum masa kumin keimah Daniel in, Topa in kamsang Jeremiah tungah Jerusalem kum sawmsagih sung kisia ding hi, ci-in a genna thu ngaihsunin biakna laibute ka sim hi.

Daniel 5:23

Vantung Topa’ langah na pang hi. A biakinnpi hai le kuangte la-in sabuai tungah nangmah tawh, na miliante tawh a zineute le na zite uh tawh zunekna-in na zang uh hi. Theihna a nei lo, a mu thei lo, khua a za thei lo ngun, kham, sumngo, sik, sing, le suang tawh a kibawl pasian-te’ min na phat uh hi. Na nuntakna le na hihna khempeuh a hong uk Pasian na zahtak kei hi.

Jeremiah 34:5

Nuamtakin na si ding a, nang’ ma-a kumpi a suak na pu na pate-a’ dingin paknamtui a kihal mah bangin nang a dingin zong paknamtui hong kihal ding a, “Aw, topa aw,” ci-in hong kah ding uh hi. Bang hang hiam cih leh Topa in hong gen khinzo hi,’ ci-in va gen in,” a hong ci hi.

Ezra 7:9

A kha masa a ni khat ni-in Babylon pan a ding khia dingin Ezra in a ni sehkhol a, a kha ngana a ni khat ni-in Jerusalem a tung uh hi; bang hang hiam cih leh Pasian in amah ompih hi.

2 KHANG TANGTHU NIHNATE 36:21

Tua sungin Israel leitang in a sabbath-te a kicingin na tang hi. Kamsang Jeremiah tungtawnin Topa’ thugen a tun nadingin kum sawmsagih a cin nadingin leitang a kinusiat sung khempeuh leitang in sabbath tawlngakna a nei ahi hi.

2 KUMPI NIHNATE 25:13

Tua ciangin Topa’ biakinn sungah a om sumngo khuampite, Topa’ biakinn sungah a om tuikuang kingaknate, le sumngo tuikuangpi, Khaldea mite in satnen uh a, Babylon-ah a sumngo pua uh hi.

Jeremiah 20:5

Tua tham loin khuapi sunga hauhna khempeuh, a nasepsa uh khempeuh, a neih a lam a thupiteng khempeuh uh le Judah kumpite’ sumlepai khempeuhte a galte’ khut sungah ka pia ding a, amaute in sutin, manin, Babylon khua-ah a paipih ding uh hi.

Jeremiah 27:7

Ama gam a kisiat hun a tun mateng gam khempeuh in amah a kipan a tapa le a tupa’ na a sepsak ding uh hi. Tua khit ciangin gam tampi le kumpi liante in amah salin a lehneih kik ding uh hi.

Jeremiah 27:21

Topa’ biakinnpi sung, Judah kumpipa’ innsung, le Jerusalem khua sungah a kinusia lai beelte tawh kisai-in ahi zongin Vanglian Topa, Israel mite’ Pasian in a genin-ah:

Jeremiah 34:2

“Topa, Israel mite’ Pasian in kong cihin-ah: Judah kumpipa Zedekiah kiangah pai inla, hih bangin va gen in: ‘Topa in hong genin-ah: En in, keimah in Babylon kumpipa’ khut sungah hih khuapi ka pia ding a, amah in mei tawh a hal ding hi.

Jeremiah 34:3

Ama khutsung panin na suakta kei ding a, hong kimanin ama khut sungah nang hong kipia taktak ding hi. Nang le Babylon kumpipa maitang kimu-in na kiho ding uh a, Babylon khua-ah na pai ding hi.