Jeremiah 27:19 - Tedim Bible

^19-20 “Bang hang hiam cih leh, Jehoiakim’ tapa Judah kumpi Jehoiakhin le, Judah gam le Jerusalem khua-a kumpi ulian khempeuh Jerusalem khua pan Babylon khua-ah Babylon kumpipa Nebukhadnezzar in sal dingin a paikhiatpih laitakin, a nusiatlai khuampite, tuikuangpite, a kingaknate, le hih khuapi sungah a kinusia lai beelte tawh kisai-in ahi a,

Tedim Bible Revision 2017

^19-20 “Bang hang hiam cih leh, Jehoiakimʼ tapa Judah kumpi Jehoiakhin le, Judah gam le Jerusalem khua-a kumpi ulian khempeuh Jerusalem khua pan Babylon khua ah Babylon kumpipa Nebukhadnezzar in sal dingin a paikhiatpih laitakin, a nusiat lai khuampite, tuikuangpite, a kingaknate le hih khuapi sungah a kinusia lai beelte tawh kisai-in ahi a,

Jeremiah 27:19 Referans Kwoze

2 KUMPI NIHNATE 25:13

Tua ciangin Topa’ biakinn sungah a om sumngo khuampite, Topa’ biakinn sungah a om tuikuang kingaknate, le sumngo tuikuangpi, Khaldea mite in satnen uh a, Babylon-ah a sumngo pua uh hi.

2 KUMPI NIHNATE 25:17

Khuampi khat a sanna pi sawmnih le sagih hi a, tua tungah sumngo khuamluzepna khat om hi; khuamluzepna a sanna pi li le alang ahi hi. Sumngo tawh a kibawl ngen banga kikalh simsiam le mang kawlsingte khuamluzepna kimkotah om hi. A khuampi nihna zong tua mah bangin, ngen banga kikalh simsiam tawh ahi hi.

Daniel 1:2

Topa in kumpi Jehoiakim le biakinnpi na manphate kumpi Nebukhadnezzar a mansak hi. Amah in a mi matte Babylon gam ama pasian biakinn-ah paipih a, na manpha a matte sumkoihna inn-ah a koih hi.

1 KUMPI MASATE 7:23

Tua ciangin amah in a kisung tuikuangpi a bawl hi. Tua tuikuang a bem hi a, a gei khat pan a gei khat pi sawm le nga pha-in, pi sagih le alang thuk a, a kimkot pi sawmli le nga a pha hi.

1 KUMPI MASATE 7:27

Amah in sumngo kibawl tuikuang a kingakna sawm zong a bawl hi. Tua a bawlte pi guk sau, pi guk zai, pi li le alang sang hi.

2 KHANG TANGTHU NIHNATE 36:18

Tua ciangin Topa’ biakinn-a umlebeel khempeuh a lian a neu, le Topa’ biakinn-a vanmanphate, le kumpipa le a uliante’ vanmanphate khempeuh amah in Babylon-ah paipih hi.

Kah la 1:10

A galte in a neih a lam khempeuh a laksak khinmang hi. Biakinnpi sungah lut uh a, Topa in Gentail-te a pai ding a phal lohna munah a lut uh a mu hi.