Jeremiah 26:6 - Tedim Bible

⁶ hih Jerusalem biakinnpi Shiloh khua-a biakinn ka bawl bangin ka bawl ding a, hih khuapi pen leitung gam khempeuhte’ kihamsiatna-in ka zangsak ding hi,’ na ci ding hi,” a ci hi.

Tedim Bible Revision 2017

⁶ hih Jerusalem biakinnpi Shiloh khua-a biakinn ka bawl bangin ka bawl dinga, hih khuapi pen leitung gam khempeuhteʼ kihamsiatna-in ka zangsak ding hi,’ na ci ding hi,” a ci hi.

Jeremiah 26:6 Referans Kwoze

Jeremiah 24:9

Amaute ka hawlkhiatna ding mun khempeuhah mite in kihamsiatna-in a zat dingun simmawhna le zahkonate ka thuaksak ding a, amaute’ thuakna hangin leitung gam khempeuh ka lausak ding hi.

2 KUMPI NIHNATE 22:19

amaute gamkhing le samsiat a ngahte a suah nadingin hih mun le a tungah a teng mite tungah ka kampauna na zak ciangin na lungsim kisikin Topa’ mai-ah nangmahmah kiniamkhiatin, na puante balkekin ka mai-ah na kahna thu, keimah in zong ka za hi, Topa in ci hi.

Jeremiah 25:18

Jerusalem le Judah gam a khuapite, a kumpite uh le a gam uliante uh ka dawnsak a, tuni dongin gam simtham suakin, mite’ simmawhna thuakin, a min uh hamsiat nadingin a kizang hi. Tua hai panin a dawn a dangte:

Isaiah 65:15

Keima teel mite in samsiatna-in na min uh zang ding uh a, Topa Pasian in note hong that ding hi. Ahih hangin ama nasemte pen min dang a phuah ding hi.

Malakhi 4:6

Amah in pate le tate lemtuahin a kilemsakkik ding hi. Tua bang hikeileh keimah hong pai-in na gam khempeuh uh ka susiagawp ding hi,” ci hi, a ci hi.

Daniel 9:11

Israel-te khempeuh in na gensa thute le na thukhamte khempeuh a palsat khinzo uh hi. Na tungah khialhna ka hong bawl manun, na nasem Moses’ thukham sunga kigelh bangin kote’ tungah samsiatna a hong tung hi.

Jeremiah 44:22

Topa in na hoih lohnate uh le na bawl uh kihhuainate hangin note hong thuakzo nawn lo hi. Tua ahih manin tuni mahmahin zong na gam uh gamlak suakkhin a, mite’ kihamsiatna suakin kuamah teng nawn lo hi.

Jeremiah 42:18

“Bang hang hiam cih leh Vanglian Topa, Israel mite’ Pasian in kong cihin-ah: Jerusalem khua-ah a teng mite’ tungah ka hehna le ka thangpaihna a kibuak bangmahin Egypt gamah na pai uhleh note tungah ka hehna hong kibua ding hi. Mite in note hong lipkhap ding a, kihamsiatna-in hong zangin hong zahko ding uh hi. Note in hih mun na mukik nawn kei ding uh hi, ci-in gen hi,” ka ci hi.

Jeremiah 29:22

Amaute’ hangin Judah gam panin Babylon khua-ah saltang mi khempeuh in, ‘Babylon kumpipa in Zedekiah le Ahab, a hingtangin mei sungah a hal bangin Topa in nang hong hal ta hen,’ ci-in kihamsiatna-in a zang ding uh hi.

Isaiah 43:28

Na uliante un ka biakinn mindaisak uh ahih manin Israel tungah siatna ka tungsak a, Jakob ka mindaisak hi,” a ci hi.

Joshua 18:1

Tua ciangin Israel mihon buppi Shiloh-ah kikhawmin tua lai-ah kikhopna buk lam uh a, amaute’ mai-ah gam zawhsa-in om hi.

Zekhariah 5:3

Tua ciangin amah in kei kiangah, “Leitung gam khempeuhah a tung ding hamsiatnate, hih lai tungah kigelh hi. Guta khempeuh, gam sung panin kisiakmang ding hi, ci-in laizial dal lang khatah kigelh a, a man lopi-in ka min tawh thuciam mi khempeuh zong kisiakkhia mang ding hi, ci-in a lang khatah kigelh hi.

Jeremiah 29:18

Amaute, namsau, kialpi, le pulnatna tawh ka nungdelh ding a, ka hawlkhiatna ding mun khempeuhah mite in kihamsiatna-in a zat dingun simmawhna le zahkonate ka thuaksak ding a, amaute’ thuakna hangin leitung gam khempeuh ka lausak ding hi.

Kah la 2:15

Tua khuapi a siatna a mu mi peuhmah in awi-in a khut a betsan uh hi. A kisia Jerusalem khuapi a muh uh ciangin awi-in a lu uh pei-in a nuihsan uh hi. “Khuapi it-huai i cih hih maw, leitung bup in a kisaktheihpih hih khua maw,” ci-in a nui uh hi.

Kah la 2:16

Na galte in nang hong simmawh uh a, muhdahna tawh a hong sik-et uh hi. “Khuapi susiazo ta hang! I suksiatzawh mateng i cihcih niloh mah hi,” ci-in a hagawi uh hi.