Biblia Todo Logo
Bib sou entènèt

- Piblisite -




Jeremiah 26:5 - Tedim Bible

5 note in a thu na man’ ngei loh uh ahi, kong sawl zelzel ka nasem kamsangte’ thu na thupi sim kei uhleh

Gade chapit la Kopi

Tedim Bible Revision 2017

5 note in a thu na man ngei loh uh ahi, kong sawl zelzel ka nasem kamsangteʼ thu na thupi sim kei uh leh

Gade chapit la Kopi




Jeremiah 26:5
20 Referans Kwoze  

Bang hang hiam cih leh Egypt gam panin ka lakkhiat pan a kipan tuni ciang dong ka thu hong mang un, ci-in na pute na pate uh tungah tam veipi nakpitakin ka hilh ngitnget hi.


Na pu na pate uh Egypt gam panin a hong paikhiat ni uh a kipan tuni ciang dong, ni khat khit ni khat, ka nasemte ahi kamsangte ka sawl tawntung a,


Tu-in zong hih nate khempeuh na hih uh a, kong gengen hangin hong ngai tuan loin kong sapsap hangin hong dawng lo na hih manun Topa in kong cihin-ah,


Kamsang ka nasemte a thahna le Topa’ nasemte khempeuh a thahna hangin Jezebel’ tungah phu ka laktheih nadingin na topa Ahab’ innkuan na satpuk ding hi.


Na hehna hong kilat hun hong tungta a, misite thukhen nading hun hong tungta ahih manin minam dangte heh mahmah uh hi. Nangma nasem kamsangte, a lian a neu, nang hong kihta mi khempeuhte thaman na piak ding hun hi ta a, leitung a susia mite na suksiat ding hun hi ta hi,” a ci uh hi.


A sagihna vantungmi in a peengkul a tum ciangin ama nasem kamsangte tungah a gensa bangin Pasian in ama ip thusim a geelte hong semkhia ding hi,” a ci hi.


Ahi zongin ka nasem ahi kamsangte’ tungtawnin ka hilhkholhna le ka thupiaknate in note dongin hong sukhalo ding sa na hi uh hiam, ka ci hi. Tua ahih ciangin a tawpna-ah amaute kisik uh a, hih dinga ka lungsimah ka geelsa bangin amau’ gamtatna tawh kizui-in gim a pia ka hihna thu a phawk uh hi,’ ci in,” a ci hi.


Topa Pasian in ama nasem kamsangte tungah ama geelna theisak masa lopi-in bangmah hih het lo hi.


Ni khat ni ciangin Israel mite a sim dingin mi khat ka sawl ding hi, ci-in keima nasem Israel kamsangte tungtawnin, sawtpek lai-in ka gengen niloh mipa pen nang na hi hi. Hih thu Topa Pasian in gen khinzo hi.


Tua ciangin ama nasem kamsangte tungtawnin a gen Topa’ thugenna bangin Judah a susia dingin ama langkhatah Topa in Khaldea mihonte, Syria mihonte, Moab mihonte, le Ammon mihonte a sawl hi.


Ahi zongin Topa in kamsangte khempeuh le thumute khempeuh tungtawnin Israel le Judah mite hilhkhol a, “Na pu na pate uh ka thupiak thukhamte khempeuh, le kamsangte ahi ka nasemte’ tungtawnin note kiangah thu kong puak bangin na gamtat siate panun kihei-in ka thupiaknate le ka thukhamte zui un,” a ci hi.


Bang hang hiam cih leh, Topa in kong cihin-ah, ka nasem ka kamsangte’ tungtawnin kong puak ngitnget thute amaute in thupisim loin a hong mang kei uh hi.


Amaute in kei hong nungngatin hong maingat lo uh a, ka hilh tawntung hangin ka hilhna a hong mang kei uh hi.


Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak-uhleh note le na pu na pate uh kiangah ka piak gam sungah na teng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.


Tua ahih manin keimah Topa Vanglian Pasian in kong genin-ah: En un, Judah mite le Jerusalem khua-ah a teng mi khempeuh tungah a tung dingin ka gen khiatsa khempeuh ka tungsak ding hi. Bang hang hiam cih leh amau tungah ka gen hangin amaute in ka thu hong ngai lo uh a, amaute ka sap hangin hong dawngkik lo uh hi, ci hi, ci-in va gen in,” a hong ci hi.


Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na gamta nawn kei un,’ ci-in kong gensak tawntung hi.


Swiv nou:

Piblisite


Piblisite