Jeremiah 26:4 - Tedim Bible

⁴ Nangmah in amaute kiangah, ‘Topa in hih bangin ci hi: Note in ka thu hong ngai loin, note mai-a kong lahsa ka thukham bangin na gamtat kei uh a,

Tedim Bible Revision 2017

⁴ Nangmah in amaute kiangah, ‘Topa in hih bangin ci hi: Note in ka thu hong ngai loin, note mai-a kong lah sa ka thukham bangin na gamtat kei uh a,

Jeremiah 26:4 Referans Kwoze

1 KUMPI MASATE 9:6

Ahih hangin nang na hi a, na tate ahi zongin, keimah zuihna panin pialin, note mai-ah ka koih ka thupiaknate le ka thukhamte na zuih kei uh a, pasian dangte’ na a sem ding le a bia dingin na pai uhleh,

Jeremiah 44:10

Tuni ciang dong note na kiniamkhiat kei uh a, kei hong zahtak loin, note le na pute na pate uh tungah kong piak ka thukhamte le ka ngeinate na zui kei uh hi.

Isaiah 1:20

Ahih hangin note in kei hong nialin na hong lehdo uhleh namsau in note hong vatmai ding hi. Bang hang hiam cih leh Topa in hih thu gen khinzo hi,” a ci hi.

Hebru 6:18

Tua hi a, a kikheel thei lo thu nih kithuap ahih manin Pasian in zuau gen thei lo ding hi. Tua hi a, amah a beel eite in eite mai-ah hong kikoih lametna thu kiptakin i letcip nadingin i tha hong nuamsak hi.

Thu-hilhkikna 31:20

Bang hang hiam cih leh a pu a pate uh tungah piak dinga ka kiciamna, bawngnawi le khuaizu tui bangin a luanna gamah amaute tunpih khinin, amaute in ne-in khamin a thau khit uh ciangin, pasian dangte a bia dingin kihei-in kei hong simmawhin ka thuciamna siasak ding uh hi.

Thu-hilhkikna 11:32

tuni-a note kong piak thukhamte le ngeina kipte khempeuh na zuih ding uh limtakin na ngaihsun ding uh hi.

Thu-hilhkikna 4:44

Moses in Israel mite tungah thu pia hi.

Thu-hilhkikna 4:8

Tuni-in note kong hilh thute bangin thukham le ngeina kip a man a nei minam lian koi-ah om ahi hiam?

Jeremiah 17:27

Ahih hangin ka thu nong ngaih kei uh a, Sabbath ni siangthosak loin, Jerusalem khua kongpite-ah van pua-in nong lutpih uhleh, tua kongpite ka hal ding hi. A mei in Jerusalem khua kumpi innte lawhin kangtum ding a, a mei a kiphelhzo kei ding hi,’ va ci in,” hong ci hi.

Jeremiah 22:5

Ahih hangin note in hih thute na zuih kei uhleh keimah Topa in kong genin-ah, hih inn gamlak a suaksak dingin ka kiciam hi.

Jeremiah 32:23

Amau zong lutin a luahpah uh hi. Ahih hangin amaute in na thu hong mang loin, thukham hong zui lo uh a, hih dinga na thupiakte khat beek a hih kei uh hi. Tua ahih manin amaute tungah hih siatna khempeuh na tungsak hi.

Jeremiah 44:23

Note in paknamtui halin, Topa’ tungah mawh tham loin, Topa’ thu mang loin ama thukhamte, a ngeinate, le a hong thupiakte zui lo na hih manun tuni mahmahin zong hih gimna note tungah hong tung ahi hi,” ka ci hi.

Jeremiah 7:14

ka min tawh a kilo, note in na muan uh hih Jerusalem biakinn le note le na pu na pate uh’ kiangah kong piak hih mun pen Shiloh-a biakinn tungah ka hih bangin ka hih ding hi.