Jeremiah 26:19 - Tedim Bible

¹⁹ “Tua hinapi, Judah kumpipa Hezekiah le Judah mi khempeuhte in amah that zenzen uh ahi hiam? Kumpipa in Topa zahtakin, Topa’ pahtak ding a nget ciangin Topa in zong amau’ tungah siatna tunsak dingin a gensa khelkikzaw hi lo ahi hiam? Ahih hangin eite in eite’ tungah siatna lianpi khat i tungsak dektak hi,” a ci uh hi.

Tedim Bible Revision 2017

¹⁹ “Tua hi napi, Judah kumpipa Hezekiah le Judah mi khempeuhte in amah that zenzen uh ahi hiam? Kumpipa in Topa zahtakin, Topaʼ pahtak ding a nget ciangin Topa in zong amauʼ tungah siatna tunsak dingin a gen sa khelkik zaw hi lo ahi hiam? Ahih hangin eite in eiteʼ tungah siatna lianpi khat i tungsak dektak hi,” a ci uh hi.

Jeremiah 26:19 Referans Kwoze

2 SAMUEL NIHNA 24:16

Vantung mi in Jerusalem khua a susia dingin kithawi-in a khut a zan ciangin tua tatsiatna panin Topa kisik a, mite lakah suksiatna na a sem vantungmi kiangah, “Phazo hi; tu-in khawl ta in,” a ci hi. Topa’ vantungmi pen Jebus mi Araunah’ ancilna gei-ah a om hi.

Paikhiatna 32:14

Tua ciangin Topa in a lungsim kheel a, ama mite’ tungah a tunsak ding siatna tungsak nawn lo hi.

Sawltak 5:39

Ahi zongin Pasian kiang panin a hong pai thu ahihleh na zo zo ngei kei ding uh hi. Pasian tawh a kido na hi ding uh hi,” ci-in a gen hi.

Isaiah 37:4

A nungta Pasian a zahko dingin ama topa, Assiria kumpipa in a sawl a ulianpa’ thugente, Topa na Pasian in za hen la, tua bang thu a gente gim pia tahen. Tua ahih ciangin a omlai i mite a dingin thu ngen in,’ ci hi,” ci-in a gen uh hi.

Isaiah 37:1

Kumpi Hezekiah in a zak ciangin dahin ama puante balkek a, Topa’ inn sungah a pai hi.

Mangmuhna 16:6

Amaute in mi siangthote le kamsangte’ sisan luangsak uh ahih manin tu-in amaute’ dawn dingin sisan a pia na hi hi. Hih pen amaute’ ngah dingin a kilawm ahi hi,” a cihna thu ka za hi.

Mattiu 23:35

Tua thu hangin, mawh nei lo Abel a kithah hun a kipanin biakinn le biakna tau kikal-a na thah uh, Barakhiah’ tapa Zekhariah hun ciang dongin, mawhna nei lo a kithat mite khempeuh hangin gimna note in na thuak ding uh hi.

Habakkuk 2:10

Note’ vaihawmna mah in na mite uh tungah maizumna hong tun a, minam dangte na suksiatna uh tawh, note mahmah’ siatna ding a bawl na hi uh hi.

Jeremiah 44:7

“Tu-in Vanglian Topa Pasian, Israel mite’ Pasian in kong genin-ah: Bang hangin note in hih bangin note’ siat nadingin mawhna lianpi bawl na hi uh hiam? Judah gam sungah papi, nupi, naupang, le naungek a kipan a nungtalai kuamah om nawn kei hen, cih na deihna uh ahi hiam?

Jeremiah 26:15

Kei nong thah uhleh bel, mawh nei lo mi khat na thah manun note mahmah a kipan hih khuapi le a sunga tengte in na thuak ding uh thei ta un. Bang hang hiam cih leh note’ bil mahmahin na zak dingun hih thute a gen dingin Topa’ hong sawl taktak ka hi hi,” a ci hi.

Jeremiah 26:3

Amaute in na thugen hong ngai-in, a gitlohna uh pan kihei khathei ding uh hi. Tua hileh amau’ gitlohna hanga amaute suksiat dingin ka ngaihsutsa ka kheelkik ding hi.

Isaiah 26:21

Bang hang hiam cih leh en un, amau’ mawhna hangin leitungah a teng mite gim a pia dingin ama omna panin Topa hong paikhia a, leitung in ama tunga a kithat mite lakkhia ding a, a kithat ama mite sincip nawn lo ding hi.

2 KHANG TANGTHU NIHNATE 34:21

“Pai unla, a kimu laibu sunga kammalte tawh kisai-in keima a’ ding le Israel le Judah-ah a omlai mite a dingin Topa thu va dong un; bang hang hiam cih leh i pu i pate in hih laibu sungah a kigelh khempeuh bangin sep ding Topa’ kammal na zui lo uh ahih manin eite tungah Topa’ hehna lian hi,” a ci hi.

2 KHANG TANGTHU NIHNATE 32:20

Tua ciangin kumpipa Hezekiah le Amoz’ tapa, kamsang Isaiah in hih thu hangin thu ngenin vantung lamah kiko uh hi.

Gamlak-vakna 16:38

amau’ nuntakna a beina dongin a khial hih mite’ paknamtui beelte a siangtho hi. Tua ahih ciangin biakna tau sitna kuangdai dingin seek un; bang hang hiam cih leh amaute in Topa’ mai-ah tuate pia uh hi. Tua ahih ciangin tua nate siangtho hi. Israel mite tungah tua bangin hih nate pen lim khat hi ding hi,” a ci hi.

Amos 7:3

Topa in zong a lungsim hong kheelkik a, “Tua na muh bangin hong piang nawn lo ding hi,” hong ci hi.

Zekhariah 7:2

Bethel khuamite in, Topa’ tung panin thupha a ngen ding, le Vanglian Topa’ biakinn sunga a om siampite le kamsangte tungah, “A beisa kum tampi sung ka hihsa uh mah bangin biakinn siatna hangin kapkap lai-in, kha ngana sungin an na tangtanglai ding ka hi uh hiam?” ci-in a dong dingin Sharezer le Regemmelek, le a mite uh na sawl uh hi.