Jeremiah 26:15 - Tedim Bible

¹⁵ Kei nong thah uhleh bel, mawh nei lo mi khat na thah manun note mahmah a kipan hih khuapi le a sunga tengte in na thuak ding uh thei ta un. Bang hang hiam cih leh note’ bil mahmahin na zak dingun hih thute a gen dingin Topa’ hong sawl taktak ka hi hi,” a ci hi.

Tedim Bible Revision 2017

¹⁵ Kei nong thah uh leh bel, mawhnei lo mi khat na thah manun note mahmah a kipan hih khuapi le a sunga teengte in na thuak ding uh thei ta un. Bang hang hiam cih leh noteʼ bil mahmah in na zak dingun hih thute a gen dingin Topaʼ hong sawl taktak ka hi hi,” a ci hi.

Jeremiah 26:15 Referans Kwoze

Paunak 6:17

kihihsakna, zuauthu genna, mawhnei lo mi thahna,

Gamlak-vakna 35:33

Na tenna uh leitang na ninsak kei ding uh hi; bang hang hiam cih leh mi thahna in leitang ninsak a, a that mipa a kithah kei buang leh, tua mi kithahna leitang siansak nading thudang om thei lo hi.

Mangmuhna 16:6

Amaute in mi siangthote le kamsangte’ sisan luangsak uh ahih manin tu-in amaute’ dawn dingin sisan a pia na hi hi. Hih pen amaute’ ngah dingin a kilawm ahi hi,” a cihna thu ka za hi.

Sawltak 7:60

Tua ciangin amah kunin nakpitakin kiko a, “Topa aw, hih mite’ mawhna na maisak in,” a cih khit ciangin a si ta hi.

Mattiu 26:25

Jesuh a lehhek pa Judas in, “Topa aw, kei ka hi hiam?” a cih ciangin, “Na ci khin hi,” ci-in Jesuh in a dawng hi.

Jeremiah 22:3

Topa in a cihin-ah, thumanin diktat unla, a bawlsiate’ khutsung panin bawlsiatna a thuak mite honkhia un. Minam dangte, pa nei lote le meigongte simmawhbawl kha loin amau’ tungah ngongtat kei unla, hih munah zong mawhna nei lo mite that kei un.

Jeremiah 7:6

namdang mite, pa nei lote le meigongte na nuaisiah kei uh a, hih munah mawhnei lo mite that nawn loin, note’ gimna ding mah ahi pasian dang peuh na biak nawn kei uhleh,

Mattiu 26:4

kuama theih lohin Jesuh simmatin a thahtheih nading uh a vaihawm uh hi.

Jeremiah 22:17

Ahih hangin note in thuman lo tawh ngahna ding ahi zongin, mimawh lote’ sisan luanna ding ahi zongin, mi nuaisiahna le ngongtatna ding ahi zongin, na mitte uh le na lungsim uh na zang uh hi.

Jeremiah 2:34

Mawhnei lo mizawngte’ sisan na puan tungah baang hi. Amaute in na inn hong luhngei beek lo uh hi. “Tua bang teng hinapi-in

Jeremiah 2:30

Na tate uh thuhilhin ka sat hangin a mawkna suakzo ta hi. Amaute kibawlpha tuan lo uh hi. Humpinelkai hawk bangin na namsaute un na kamsangte uh a that khinzo uh hi.

Thu-hilhkikna 19:10

Tua hikeileh Topa na Pasian un luah dingin note hong piak leitang tungah mawhbaang lo mi kithat kha ding a, tua mi thahna hanga mawhna note’ tungah hong tu ding hi.

Piancilna 42:22

Reuben in amaute dawng a, “Tangvalpa tungah khial kei un, ci-in note tungah hong gen hi lo ka hi hiam? Ahih hangin ka thu nong mang kei uh hi. Tua ahih ciangin tu-in ama sihna thaman eite’ tungah hong tung ahi hi,” a ci hi.

Piancilna 4:10

Topa in, “Bang hangin hici gamtat na hi hiam? Na sanggampa’ sisan, leilak panin kei tungah hong kiko hi.

Paunak 6:16

Topa in a muhdah, a khahkhong ngei loh ding, thu guk, tua zah bek hi lo, thu sagih tak om a, tuate pen

Jeremiah 26:12

Tua ciangin Jeremiah in kumpi ulian khempeuhte le mi khempeuhte’ kiangah, “Topa in na zaksa uh ahi hih biakinnpi le hih khuapi langkhatah ka gen thu khempeuh a gen dingin kei hong sawl hi.

2 KHANG TANGTHU NIHNATE 24:22

Tua bangin kumpipa Joash in Zekhariah’ pa Jehoiada in ama tungah a lah dikna phawk nawn loin ama tapa thahsak mawk hi. Amah in a sih ding ciangin, “Topa in mu hen la thuk ta hen!” a ci hi.

Jeremiah 30:1

Topa in hong hopih a,