Jeremiah 26:10 - Tedim Bible

¹⁰ Judah gam uk uliante in hih thu a zak uh ciangin kumpipa’ innsung pan Topa’ biakinnpi-ah hong paito uh a, Topa’ biakinnpi lutna Kongpi Thak-ah a tu uh hi.

Tedim Bible Revision 2017

¹⁰ Judah gam uk uliante in hih thu a zak uh ciangin kumpipaʼ inn sung pan Topaʼ biakinnpi ah hong pai to uh a, Topaʼ biakinnpi lutna Kongpi Thak ah a tu uh hi.

Jeremiah 26:10 Referans Kwoze

Jeremiah 36:10

Tua ciangin Topa’ biakinnsung, a Kongpi Thak tumna gei, a dei tungnunga Shafan’ tapa thuvanpi pa Gemariah’ inndei sungah mi khempeuh’ zakin Baruk in laizial sunga ka gelhsak kammalte a simkhia hi.

Ezekiel 22:27

A kumpi uliante uh, a sa matsa uh a bal gawpgawp ngiahon tawh kibang uh hi. Sum ngahtheih nadingin mi that uh hi.

Ezekiel 22:6

Na sunga om Israel ulian khempeuh in amau’ thatang muang uh a, mi that uh hi.

Jeremiah 36:25

Elnathan, Delaiah, le Gemariah in kumpipa in laizial a hal loh nading a khoh uh hangin amah in a mang kei hi.

Jeremiah 26:24

Ahih hangin Shafan’ tapa Ahikam in Jeremiah hu ahih manin thah dingin mite’ khut sungah kipia lo hi.

2 KUMPI NIHNATE 15:35

Ahi zongin mualtung a biaknate kikoihkhia lo hi. Mite in tuate’ tungah biaknate pia-in paknamtui hal lai uh hi. Amah in Topa’ biakinn kulhkongpi tungnung bawl hi.

Jeremiah 26:21

Kumpi Jehoiakim le a galkapmang khempeuh le kumpi ulian khempeuhte in ama thugente a zak uh ciangin kumpipa in thah dingin a zong hi. Ahih hangin Uriah in tua thu a zak ciangin lau-in Egypt gamah a taisim hi.

Jeremiah 34:10

Mi khempeuh in a silate uh numei ahi a, pasal ahi zongin khahkhia-in sila-in khawikik thei nawn lo ding hi, ci-in thuciamna a nei kumpi uliante a kipan mi khempeuh in mang uh a, a khahkhia uh hi.

2 KHANG TANGTHU NIHNATE 27:3

Jotham in Topa’ biakinn kulhkongpi tungnung lam a, Ofel kulh tungah zong inn tampi a lam hi.

Jeremiah 20:2

Tua ciangin Pashhur in kamsang Jeremiah sat a, Benjamin Kongpi saknung gei, Topa’ biakinn sungah kol a bulh hi.