Jeremiah 25:3 - Tedim Bible

³ “Amon’ tapa Josiah, Judah gamah kumpi a suahzawh a kum sawm le thum pan tu ciang dong kum sawmnih le kum thum sung Topa in kei hong hopih a, ke’n zong note kiangah kong gensawn tawntung hangin note in na ngai kei uh hi.

Tedim Bible Revision 2017

³ “Amonʼ tapa Josiah, Judah gamah kumpi a suah zawh a kum sawm le kum thum pan tu ciang dong kum sawm nih le kum thum sung Topa in kei hong hopih a, keʼn zong note kiangah kong gen sawn tawntung hangin note in na ngai kei uh hi.

Jeremiah 25:3 Referans Kwoze

Jeremiah 26:5

note in a thu na man’ ngei loh uh ahi, kong sawl zelzel ka nasem kamsangte’ thu na thupi sim kei uhleh

Jeremiah 11:7

Bang hang hiam cih leh Egypt gam panin ka lakkhiat pan a kipan tuni ciang dong ka thu hong mang un, ci-in na pute na pate uh tungah tam veipi nakpitakin ka hilh ngitnget hi.

Jeremiah 1:2

Amon’ tapa Josiah, Judah gamah kumpi a suahzawh kum sawm le kum thum a cin kumin ‘Topa in Jeremiah a hopih hi.

Jeremiah 7:13

Tu-in zong hih nate khempeuh na hih uh a, kong gengen hangin hong ngai tuan loin kong sapsap hangin hong dawng lo na hih manun Topa in kong cihin-ah,

Jeremiah 29:19

Bang hang hiam cih leh, Topa in kong cihin-ah, ka nasem ka kamsangte’ tungtawnin kong puak ngitnget thute amaute in thupisim loin a hong mang kei uh hi.

2 KHANG TANGTHU NIHNATE 34:8

Tu-in ama uk a kum sawm le giatna, gam sung le biakinn a siansak khit ciangin, Topa a Pasian’ biakinn a puah dingin amah in Azariah’ tapa Shafan, le khuapi sung ukpa Maaseiah, le thu ciamteh pa ahi, Joahaz’ tapa Joah a sawl hi.

2 KHANG TANGTHU NIHNATE 34:3

Ama uk a kum giatna sung, naupang ahi laipi mahin, amah in a pu David’ Pasian zon ding kipan hi. A kum sawm le nihna ciangin amah in Judah le Jerusalem panin mual dawna biaknate, Asherah milimte, le a kiseek le a kisung milimte beisiangsak ding kipan hi.

2 TIMOTI NIHNA 4:2

hunhoih hunsia cih khen tuan loin Pasian’ thu hilh ding na kin ngaihsut nading, lungduaina tawh mite’ lungsim zo-in, mite taii-in, hanthawnin na hilh nadingin thu a hong pia ka hi hi.

Johan 8:47

Pasian kiang panin a paite in Pasian’ thugen za thei hi. Ahi zongin note pen Pasian kiang pan hi lo na hih manun Pasian’ thu na ngai nuam kei uh hi,” ci-in a dawng hi.

Johan 8:2

Ahi zongin a zing ciang zingsang tungin biakinn-ah paikik a, mihon tampi ama kiangah hong kikhawm uh ahih manin amaute tungah thuhilh ding a kipan hi.

Marka 1:35

A zing ciang phalvak ma-in Jesuh tho-in gamdaihna mun khatah na pai-in thu a ngen hi.

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na gamta nawn kei un,’ ci-in kong gensak tawntung hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak-uhleh note le na pu na pate uh kiangah ka piak gam sungah na teng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Jeremiah 25:4

Topa in ama nasem ahi kamsangte khempeuh hong sawl tawntung hinapi-in note in ngai loin na bil uh na ngat kei uh hi.

Isaiah 55:2

An ahi lo nate lei nadingin bang hangin na sum uh zang a, hong gilvahsak thei lo nate ngah nadingin bang hangin na sem na hi uh hiam? Keima thu limtakin ngai-in a limci an ne unla, anlimte ah nuamsa-in om un.

Late 81:13

Ka mite in ka thu hong ngai-in, keima deih bangin Israel a gamta hileh!

1 KUMPI MASATE 22:3

Tua ciangin Israel kumpipa in a nasemte kiangah, “Ramothgilead eima a’ hi a, eite pau loin omin Syria kumpipa’ khutsung panin i lakkhiat lohna thu na thei uh hiam?” a ci hi.

Paikhiatna 8:20

Tua ciangin Topa in Moses kiangah, “Zingsangin tho baihin gun-ah Faro hong pai ding ngakin ama kiangah, ‘Topa in hih bangin ci hi: “Amaute in keimah hong biak theih nadingun ka mite paisak in.

Piancilna 22:3

Tua ahih ciangin zingsangin Abraham tho baih a, a la tutphah vawhin, ama nasem tangval nih le a tapa Isaac a paipih hi. Amah in meihal biakpiak nadingin sing ek a, ama tunga Pasian’ gensa munah a pai hi.

2 KHANG TANGTHU NIHNATE 34:1

Josiah in uk ding a kipatin kum giat pha a, amah in Jerusalem-ah kum sawmthum le khat sung uk hi.

2 KHANG TANGTHU NIHNATE 36:15

A mite le ama tenna mun khasiat ahih manin amau’ pute pate’ Pasian, Topa in a kamtaite amaute kiangah sawl teitei hi.

Jeremiah 7:25

Na pu na pate uh Egypt gam panin a hong paikhiat ni uh a kipan tuni ciang dong, ni khat khit ni khat, ka nasemte ahi kamsangte ka sawl tawntung a,

Jeremiah 32:33

Amaute in kei hong nungngatin hong maingat lo uh a, ka hilh tawntung hangin ka hilhna a hong mang kei uh hi.

Jeremiah 35:14

Rekhab’ tapa Jonadab in a suanlekhakte tungah leenggahzu a dawn loh nading uh a thupiakna amaute in zui uh a, tuni ciang dong bangmah a dawn kei uh hi. Bang hang hiam cih leh amaute in a pu uh’ thupiakna a mang uh hi. Keimah in note kong hopih tawntung hangin ka thu nong mang kei uh hi.

Jeremiah 36:1

Josiah’ tapa Judah kumpipa Jehoiakim in a ukzawh kum li a phakna kumin Topa in kei hong hopih a,

Jeremiah 36:2

“Laizial khat la inla, tua sungah Josiah kumpi a suah kum, nang kong hopih masak hun a kipan tuni ciang dong Israel gam le gamdang khempeuhte’ langkhatah ka thugente khempeuh gelh in.

2 KUMPI NIHNATE 17:13

Ahi zongin Topa in kamsangte khempeuh le thumute khempeuh tungtawnin Israel le Judah mite hilhkhol a, “Na pu na pate uh ka thupiak thukhamte khempeuh, le kamsangte ahi ka nasemte’ tungtawnin note kiangah thu kong puak bangin na gamtat siate panun kihei-in ka thupiaknate le ka thukhamte zui un,” a ci hi.

2 KHANG TANGTHU NIHNATE 24:19

Ahi zongin Topa’ lamah amaute a paipih kik dingin amah in amaute lakah kamsangte a puak hi. Hihte in amau’ langkhatah teci pang a, ahih hangin amaute in don lo uh hi.

Jeremiah 19:15

“Vanglian Topa, Israel mite’ Pasian in a cihin-ah: En un, hih khuapi le a kiima khuaneute tungah ka gensa siatna khempeuh ka tungsak ding hi. Bang hang hiam cih leh amaute in a lungsim uh khauhsak uh a, ka thute a ngai nuam kei uh hi, ci hi,” ka ci hi.

Jeremiah 22:21

Na daupai laitakun kong hopih hangin na hong ngai nuam kei uh hi. Na neu tung uh a kipan nong tuacih ngitnget uh a, keima thu nong mang ngei kei uh hi.

Ezekiel 33:4

Mi khatpeuh in tua pataukohna za napi-in don loin a ommawk a, a galte hong pai-in tua mipa a thah leh, ama sihna pen amahmah ngawh ding ahi hi.

Zekhariah 1:4

Na pu na pate uh bang nawn kei un. Nidanga kamsangte in amaute kiangah ka thu gen uh a, gamtatsia gamta loin, a mawh nawn loh nading hilh uh hi. Ahi zongin amaute in ka thu ngainuam loin, ka thu hong mang lo uh hi.