Jeremiah 24:5 - Tedim Bible

⁵ Hih mun panin Khaldea mite’ gam a ka puakkhiat Judah mi saltangte hih theigah hoihte bangin a hoihin ka ngaihsun ding hi.

Tedim Bible Revision 2017

⁵ Hih mun panin Khaldea miteʼ gam a ka puakkhiat Judah mi saltangte hih theigah hoihte bangin a hoihin ka ngaihsun ding hi.

Jeremiah 24:5 Referans Kwoze

Zekhariah 13:9

Tua a suakta sehkhatte pen meikhukah ngun a kisiansak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ thungetna ka pia ding hi. Keima mi ahihna uh amaute tungah ka gen ding a, amaute in kei pen amau’ Pasian ka hihna thu a kam uh tawh pulak ding uh hi,” a ci hi.

Nahum 1:7

Topa hoih hi; lungkham hunin a mite huh a, amah a beel mite limtakin a kem hi.

Mangmuhna 3:19

Ka it mite thuhilhin ka taii hi. Tua ahih manin lungsim tak tawh na mawhna panun kisik kik un.

2 TIMOTI NIHNA 2:19

Ahi zongin Pasian in a phuhsa sutpi kilokzo ngei lo ding hi. Tua sutpi tungah, “Topa in ama mi kua teng hiam cih thei hi,” cihna le, “Topa tawh kipawl ing, a ci peuhmah in mawhna sukhalo ding hi,” cihna kigelh hi.

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a ginalo tua bangte lamah kiheikik nuam a, sila va suakkik nuam na hi uh hiam?

1 KORIN MASA 8:3

Mi khat in Pasian a it leh Pasian in tua mipa a na thei hi.

ROM (Romans) 8:28

Ama deihna bang a sem dingin Pasian in a hong sap, amah a it eite a dingin na khempeuh a hoihlamin piangsak hi, ci-in i thei hi.

Johan 10:27

Keima tuute in ka aw za-in thei uh ahih manin kei hong zui uh hi.

Mattiu 25:12

amah in, ‘Note ka hong thei het kei hi,’ na cihsan hi.”

Late 119:71

Nangma ngeina kipte ka sin theih nadingin gimna ka thuak pen kei a dingin hoih mahmah hi.

Late 119:67

Gim nong piak ma-in lam ka pial thei zel a, ahih hangin tu-in na thu ka zui hi.

Thu-hilhkikna 8:16

a tawpna-ah a hoihin na gamtat theih nading uh a deihna-in note hong niamkhiatin a hong ze-et theih nadingin na pu na pate un a theih loh manna tawh sehnel gamah a hong vak Topa na Pasian uh na mangngilh kha ding uh hi.

Jeremiah 24:4

Tua ciangin Topa in, “Topa, Israel mite’ Pasian in kong cihin-ah:

Jeremiah 29:4

“Jerusalem panin Babylon-ah a hong kipuakkhia saltang mi khempeuhte’ tungah Vanglian Topa, Pasian in hih bangin hong ci hi:

Jeremiah 29:20

Jerusalem khua panin Babylon khua-ah kong puakkhiat, no saltangte khempeuh aw, Topa’ kammal ngai dih un:

Ezekiel 11:17

“Tua ahih manin Topa ahi keimah in amaute kiangah ka gen thu va gen in. Amaute ka thehthangna gam panin khawmkikin, amaute tungah Israel gam ka piakik ding hi.

Siampi Laibu 26:44

Bangbang ahi zongin, a galte uh gam sungah amaute a om sungteng uh keimah in amaute nilkhia loin, amaute a susia maimang zah ding le amaute tawh ka thuciamna a pelhzah dingin amaute ka mudah kei ding hi; bang hang hiam cih leh kei pen Topa amau’ Pasian ka hi hi.

Jeremiah 29:11

Bang hang hiam cih leh Topa in kong cihin-ah, mai lamah lametna note kong piakkik ding, na siatna ding uh hi loin na phattuamna ding uh geelna ka neihte kei bek in ka thei hi.

Ezekiel 11:20

Tua ciangin amaute in ka thukhamte zui-in ka thupiak khempeuh citakin mang ding uh hi. Amaute pen keima mi hi-in, kei pen amaute’ Pasian ka hi ding hi.