Jeremiah 24:3 - Tedim Bible

³ Topa in hong hopih a, “Jeremiah aw, bang mu na hi hiam?” ci-in hong dong hi. Kei zong, “Theigah ka mu hi. A limcite limci mahmah a, a limci lote limci lo lua ahih manin nektheih ding bang hi lo hi,” ka ci hi.

Tedim Bible Revision 2017

³ Topa in hong hopih a, “Jeremiah aw, bang mu na hi hiam?” ci-in hong dong hi. Kei zong, “Theigah ka mu hi. A limcite limci mahmah a, a limci lote limci lo lua ahih manin nek theih ding bang hi lo hi,” ka ci hi.

Jeremiah 24:3 Referans Kwoze

Amos 8:2

Topa in, “Amos aw, bang na mu hiam?” hong ci hi. “Seeng sunga kikoih singgah min ka mu hi,” ci-in kei zong ka dawng hi. Tua ciangin Topa in, “Ka mi Israel-te a dingin a bei hun uh tungta hi. Amaute gim ka piak ding ka khawl nawn kei ding hi.

Zekhariah 4:2

Amah in, “Bang na mu hiam?” ci-in hong dong hi. Kei zong, “Kham tawh a kibawl meivakkhuam khat ka mu hi. Tua meivakkhuam in meivak sagih nei a, meivaktui koihna ding hai khat zong a khuam dawnah om hi. Tua meivak sagihte in meivakkhau nei ciat uh hi.

Amos 7:8

Tua ciangin Topa in kei kiangah, “Amos aw, bang na mu hiam?” hong ci hi. Kei zong dawngin, “Khaukhai khat mu ing,” ka ci hi. Tua ciangin Topa in, “En in, ka mi Israel-te a khialhna uh a kitheih nadingin hih khaukhai tawh ka en hi. Amaute gim ka piak ding ka khiakik nawn kei ding hi.

1 SAMUEL MASA 9:9

(Tua ma lai-in Israel-te sungah mi khat in Pasian kiangah thudong dingin a pai ciangin amah in, “Hong pai in, thumu pa kiangah va pai ni,” ci hi. Bang hang hiam cih leh tuhuna kamsang i cihte tua ma-in thumu pa kici hi.)

Zekhariah 5:2

Vantung mi in, “Bang na mu hiam?” ci-in hong dong a, kei zong, “Laizial a leeng khat ka mu a, a dung pi sawmthum pha-in, a vai pi sawm le pi nga pha hi,” ci-in ka dawng hi.

Jeremiah 24:4

Tua ciangin Topa in, “Topa, Israel mite’ Pasian in kong cihin-ah:

Jeremiah 29:17

En un, amaute tungah namsau tawh kithahna, kialpi le pulnatna ka tungsak ding a, amaute, a kine thei lo theigah muat ka bangsak ding hi.