Jeremiah 23:9 - Tedim Bible

⁹ Kamsangte tawh kisai-in: Topa’ hang le ama thugen kammal siangthote’ hangin keima sungah ka lungsim hong kitamkham a, ka guh ka taang a ling hi. Zu tam ne lua-in a kham mipa tawh ka kibang hi.

Tedim Bible Revision 2017

⁹ Kamsangte tawh kisai-in: Topaʼ hang le ama thugen kammal siangthoteʼ hangin keima sungah ka lungsim hong kitam kham a, ka guh ka taang a liing hi. Zu tam ne lua-in a kham mipa tawh ka kibang hi.

Jeremiah 23:9 Referans Kwoze

Habakkuk 3:16

Hih thute khempeuh ka zak ciangin ka pumlin’ a, lau lua-in ka muk ling sapsap hi. Ka guh ka taang hong zen a, guh nei lo bangin ka pukcipsuk hi. Ko hong simgawp mite Pasian in gim a piak ding hun daitakin ka ngak khikhe ding hi.

Daniel 8:27

Keimah Daniel, ni tawmvei sung thazaw gawpin ka ci a na hi. Tua ciangin tho-in ka nasep ngei a semkik dingin kumpi inn-ah ka pai hi. Ka maangmuhna thu thei zo lo ka hih manin cih nading mel thei loin daptakin ka om hi.

Kah la 3:15

Amah in ka ut lohpipi-in tuikha hong dawnsak a, ka duh lohpipi-in an kha a hong nesak hi.

Isaiah 51:21

Tua ahih ciangin gimna a thuak, zu ne lopi-in zukham a bang note in hih thu za un.

Late 60:3

Nangmah in na mite a haksa na thuaksak khin hi. Ka dawn dingun ko a hong hoisak leenggahzu na hong pia khin hi.

ROM (Romans) 7:9

Thukham ka theih ma-in mi nungta ka hi ngei a, thukham ka theih ciangin mawhnopna lungsim hong khangin kei ka si hi.

Ezekiel 9:6

Puteek, nungak, tangval, numei, naupang dong takin va thatlum un la, ahi zongin a taltangah ciaptehna a nei peuhmah su kei un. Hih ka biakinn mahmah panin kipan pah un,” a cihna ka za hi. Tua ahih manin tua biakinn sungah a ding Israel makaite, kipatna-in a nei pah uh hi.

Ezekiel 9:4

“Jerusalem khuasung khempeuhah pai kawikawi inla, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltangah ciaptehna va bawl in,” ci-in a sawl hi.

Jeremiah 9:1

Ka lutang tuikhuk hong hithei hen la, ka mitte khitui nak hong hithei leh ka mite’ kithahlupna hangin a sun a zanin ka kapkap ding hi.

Jeremiah 5:31

Kamsangte in thuman gen lo uh a, siampite in zong amau’ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Isaiah 29:9

Lamdang kisasak unla lamdang a sa hi un! Kimittawsak unla a mittaw hi un! Leenggahzu a dawn lopi-in a zukham hi unla, khamtheihzu a ne lopi-in hoi un!

Isaiah 28:1

Israel Kumpi gam in siatna a thuak ding hita hi. Zu a kham, a gam makaite’ lu tungah a om pak tawh a kibawl Kumpi lukhu bangin a minthanna maimangta hi. A lutang uh paknamtui kinuh napi-in zukhamin tukmangkhin uh hi.

Isaiah 6:5

Tua ciangin keimah in, “Gim ngah pa hi ta ing! Bang hang hiam cih leh a mawknapi ka hi hi; ka kama ka thugen khempeuh a mawkna vive hi a, a thugen khempeuh uh mawhna le nitna ahi mite lakah ka tengkha hi. Vanglian Topa, Kumpipa ka mukha khinta hi,” ka ci hi.

Late 69:20

Simmawhna in ka lungsim hong zo a, kei ka cimawh ta hi. Kei a hong hehpih ding mi ka zonzon hangin kuamah om lo a, hong huh ding ka zon hangin kuamah ka mu kei hi.

Jeremiah 8:18

Ka dahna dam thei lo a, ka lungsim na mahmah hi.

Jeremiah 20:9

Keimah in, “Ama thu ka gen kei ding a, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gimlua a, gen loin ka om thei kei hi.

Jeremiah 36:16

Tua thute khempeuh a zak khit uh ciangin lau-in khatlekhat ki-en gapgap uh a, Baruk kiangah, “Hih thute khempeuh kumpipa kiangah i koh kul ding hi,” a ci uh hi.

Ezekiel 13:3

Topa Pasian’ thugen hih bang ahi hi: Hih kamsang haite in gimna thuak ding uh hi. Amaute in amau’ lungsim bangin thu gentawmin, maangmu kineih uh hi.