Jeremiah 23:5 - Tedim Bible

⁵ “En un, Topa in kong cihin-ah, keimah in David’ suan lak panin kumpi dingin a diktat mi khat ka khankhiatsak ni hong tung ding hi. Amah gam uk siam mahmah ding a, gam sungah thuman thutang tawh thu hong khen ding hi.

Tedim Bible Revision 2017

⁵ “En un, Topa in kong cih in ah, keimah in Davidʼ suan lak panin kumpi dingin a dik tat mi khat ka khan khiatsak ni hong tung ding hi. Amah gam uk siam mahmah dinga, gam sungah thuman thutang tawh thu hong khen ding hi.

Jeremiah 23:5 Referans Kwoze

Isaiah 4:2

Tua ni ciangin Topa’ bulsel pen melhoihin minthang ding a, leitung panin a piang gahte pen, a suakta lai Israel mite’ kiphatsakna le minthanna hi ding hi.

Isaiah 52:13

Topa in, “En un; ka nasempa a dau pai-in, amah a lianin kikoihin kilaamto ding a, sang mahmah ding hi.

Isaiah 9:7

Tuhun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Zekhariah 3:8

Tua ahih ciangin siampi lianpen pa Joshua aw ngai in: Ama siampipih ahi no a dangte in zong ngai un. Note pen mailam thuhoihna ding lim na hi uh hi. Sing bangin A Sel a kici min nei khat kong paisak ding hi.

Isaiah 53:2

Bang hang hiam cih leh amah pen kungno khat ahi a, lei keu sungah a om singzung khat bangin ahi zongin ama mai-ah khangto lel hi. Eite’ et dingin amah in lim le deihhuaina mel bangmah nei lo a, eite’ deih dingin hoihna nei lo hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

Mangmuhna 19:11

Tua ciangin vantung a kihong ka mu a, sakol kang khat a om hi. A tungah a tuang pa pen a Citak a Thuman pa kici hi. Amah in thumanin thu khenin gal a do hi.

Amos 9:11

Tua ciangin inn tawh kibangin a siasa David ukna gam keimah in ka puahkik ding a, a vang teng hu-in, a sia teng ka puahkik ding a, a nidanga a ngeina lui mah uh ka bangsakkik ding hi.

Jeremiah 30:9

Topa, amau’ Pasian’ na ahi a, amaute’ kumpipa-in ka koih ding David’ na ahi zongin a semzaw ding uh hi.

Jeremiah 30:3

Bang hang hiam cih leh Topa in kong cihin-ah, ka mi Israel le Judah-te a saltanna uh ka beisakkik ni a hong tung ding hi. A pu a pate uh tungah ka piaksa gamah ka tunpihkik ding a, amaute in tua gam a tangkik ding uh hi, Topa in kong ci hi,” hong ci hi.

Jeremiah 23:6

Ama hun hong tun ciangin Judah mite kihonkhia ding a, Israel mite lungmuang takin a teng ding uh hi. Amah a kilawh nadingin a min, ‘Topa, Eite’ Diktanna,’ ci-in a kiphuak ding hi.

Hebru 8:8

Tua ahih manin Pasian in ama mite mawhsakna thu na gen a, “Topa in hih bangin ci hi: Israel mite le Judah mite tawh thuciamna thak ka bawl ding hun hong tung ding hi.

Johan 1:45

Nethanel tawh a kituah ciangin Filip in, “Moses in Thukham laibu sungah a gelh mipa, le kamsangte in zong a gelh mipa ka mu khin uh hi. Amah Jesuh hi a, Nazareth khuami Josef’ tapa ahi hi,” a ci hi.

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawmsagih mun sagih sung a kisehzo hi. Tua ciangin mawhna kimaisak ding a, a tawntung thutang thu a hong tung ding hi. Genkholhna le maangmuhna thu a mantakin hong tangtung ding a, a Siangtho Pen Mun biakinnpi kisiansuah ding hi.

Jeremiah 31:27

Topa in kong cihin-ah, “Israel gam le Judah gam, mihing le ganhing tawh ka dimsak hun hong tung ding hi.

Jeremiah 22:3

Topa in a cihin-ah, thumanin diktat unla, a bawlsiate’ khutsung panin bawlsiatna a thuak mite honkhia un. Minam dangte, pa nei lote le meigongte simmawhbawl kha loin amau’ tungah ngongtat kei unla, hih munah zong mawhna nei lo mite that kei un.

Isaiah 53:10

Ahih hangin amah a kisatnim ding pen Topa’ deihna ahi hi. Amah in natna thuaksak hi. Mawhna hangin ama pumpi a kipiak ciangin amah in a suanlekhakte mu ding a, ama khan a sau ding hi. Topa’ deihna ama khut sungah pung ding hi.

Johan 1:49

Tua ciangin Nethanel in, “Sia aw, nang, Pasian’ Tapa na hi hi. Israel mite’ Kumpi zong na hi hi,” a cih ciangin

Mattiu 2:2

“Jew mite’ kumpi ding ahi naungek a hong suak pen koi lai-ah om ahi hiam? Nisuahna lam pan ama aksi hong suah ciangin ka mu uh a, amah a bia dingin a hong pai ka hi uh hi,” hong ci uh hi.

Ezekiel 34:29

Amaute tungah logam hoih pia ding ka hih manin gam sungah gilkial dangtak om nawn lo ding hi. Minam dangte in amaute simmawhbawl nawn lo ding uh hi.

Late 45:4

Thumanna a omna ding le thuman a hu dingin na minliatna tawh gualzo-in hong pusuak inla, dipkuathuai hihnate na taklam khut nangmah kihilhsak in.

Jeremiah 22:30

Topa in hih bangin ci hi: “Hih pa, ta nei lopa, a khan tawntungin a gualzo ngei lopa, ci-in ciamteh un. Ama suanlekhakte khat beek in David’ tokhom luah lo ding a, Judah gam a uk kei ding hi,” a ci hi.

Jeremiah 22:15

Taamtak sing tawh inn na lam manin kumpi kisa na hi hiam? Na pa in an ne tui dawn a, thumanna le diktatna tawh na a sep manin a maa pai hi lo ahi hiam?

1 KORIN MASA 1:30

Ahi zongin Pasian in Jesuh Khrih hangin note tungah nuntakna hong pia a, tua Jesuh Khrih pen eite’ pilna, Pasian tawh i kipawl theihna, Pasian’ mi siangtho suakin, hotkhiatna i ngah theihna ahi hi.

Isaiah 42:6

“Kei pen Topa ka hi a, thumanna tawh nangmah hong samin, ka khut tawh hong lenin nang ka hong kem hi. Mittawte a vaksak ding, leinuai thong sung panin thongkiate a lakhia ding, thong sung a mialna munah a tu mite a lakhia ding, mite tungah thuciamna ahi ding, minam dangte tungah khuavak ahi dingin nang ka hong koih khin hi.

Jeremiah 29:11

Bang hang hiam cih leh Topa in kong cihin-ah, mai lamah lametna note kong piakkik ding, na siatna ding uh hi loin na phattuamna ding uh geelna ka neihte kei bek in ka thei hi.

Ezekiel 21:27

Siacip! Siacip! Hih khuapi ka siacimitsak ding a, a mel a mang zong kimu nawn lo ding hi. A uk dingin a kilawm mipa hong om ciang bekin ama khut sungah ka pia ding hi.

Ezekiel 45:8

Hih munteng pen Israel gam sung panin Israel uliante’ neih hi ding hi. Tua ahih manin amaute in Israel mite bawlsia nawn lo ding uh a, mun a omlaiteng khempeuh, a minam zui-in Israel minamte a tangsak ding uh hi.

Hosea 1:11

Judah mite le Israel mite kigawmkik ding uh a, amaute a makai dingin mi khat a seh ding uh hi. Amaute khangin citheikik ding uh a, tua Jezreel hun pen a nuam mahmah hun hi ding hi.

2 SAMUEL NIHNA 23:3

Israel Pasian kampau khin a, Israel a hupa in kei kiangah hong ci khin hi: Mi khat in mite tungah thutang takin ukin Pasian zahtakna tawh limtakin a uk ciangin

Late 99:4

Thutang a deih, Vanglian Kumpipa aw, nangmah in thuman na phut khin a, Israel-te sungah thutang le thuman na semkhia hi.

Isaiah 9:5

Galkap hangte’ khedap khempeuh le si a baang puan khempeuh mei-in kicih ding hi.

Isaiah 9:6

Bang hang hiam cih leh eite a dingin naungek khat hong suak a, eite’ tungah tapa khat hong kipia hi. Amah pen eite hong ukpa hi ding a, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Isaiah 33:5

A sangna munah teng ahih manin Topa kipahtawi hi. Amah in thutang le thuman tawh Jerusalem dimsak ding hi.

Isaiah 45:24

Topa’ hang bekin gualzawhna le thahatna kingah hi, hong kici ding hi. Kei hong mudahte khempeuh mindai-in maizum ding uh hi.

Ezekiel 34:16

Keimah in a mangte zongin, a lampialte kaikhawmin, a liamte a liamma tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh kei pen a manin a gamta tuucingpa ka hi hi.

Micah 5:3

Tua ahih ciangin, numei naupaii nu, a nau a suah khit mateng, amau’ galte’ khut sungah Topa in a mite a pia phot hi. Ama hong khan ciangin sala a om a gammite a mipihte uh tawh hong kigawmkik ding hi.