Jeremiah 23:40 - Tedim Bible

⁴⁰ A tawntungin simmawhna le maizumna kong thuaksak ding a, cikmah hunin na mangngilh ngei nawn kei ding uh hi,” a ci hi.

Tedim Bible Revision 2017

⁴⁰ A tawntungin simmawhna le maizumna kong thuaksak dinga, cikmah hunin na mangngilh ngei nawn kei ding uh hi,” a ci hi.

Jeremiah 23:40 Referans Kwoze

Jeremiah 20:11

Ahih hangin Topa pen a kihtakhuai galhang pa bangin kei tawh hong omkhawm gige hi. Tua ahih manin kei hong bawlsiate tuk ding uh a, kei hong zo lo ding uh hi. A tawntung a a mindaina uh kimangngilh ngei lo ding hi.

Jeremiah 42:18

“Bang hang hiam cih leh Vanglian Topa, Israel mite’ Pasian in kong cihin-ah: Jerusalem khua-ah a teng mite’ tungah ka hehna le ka thangpaihna a kibuak bangmahin Egypt gamah na pai uhleh note tungah ka hehna hong kibua ding hi. Mite in note hong lipkhap ding a, kihamsiatna-in hong zangin hong zahko ding uh hi. Note in hih mun na mukik nawn kei ding uh hi, ci-in gen hi,” ka ci hi.

Hosea 4:7

Siampi tam semsem leh kei tungah a khialhna uh tam semsem hi. Amau’ minthanna pen mindaina ka suaksak ding hi.

Daniel 12:2

A sisa mi tampite in nuntakna a ngahkik ding uh hi. Pawlkhatte nungta tawntung ding uh a, pawlkhatte in a tawntung zumna le minsiatna a ngah ding uh hi.

Daniel 9:16

Nang na siangtho hi. Tua ahih ciangin Jerusalem tungah hong heh nawn peuhmah kei in. Tua pen na khuapi hi a, na mual siangtho ahi hi. Kote le ka pate uh khialhna le gitlohna hangin, ka kiim ka pam uha mite khempeuh in Jerusalem le na mite a hong simmawh uh hi.

Jeremiah 24:9

Amaute ka hawlkhiatna ding mun khempeuhah mite in kihamsiatna-in a zat dingun simmawhna le zahkonate ka thuaksak ding a, amaute’ thuakna hangin leitung gam khempeuh ka lausak ding hi.

Thu-hilhkikna 28:37

Topa in note hong paikhiatpihna mite lakah a cikzethuai, paunak, le gentehna na suak ding uh hi.

Ezekiel 16:52

Tu-in na mindainateng na thuak kul hi. Na sanggam numeite’ mawhna sangin nangma mawhnate naksiatzaw lua ahih manin nang kiang panin amaute a mawh lo tawh kibang phial hi. Na sanggam numeite a siangtho bangsak phial na hih manin zahla inla maizum in.