Jeremiah 23:18 - Tedim Bible

¹⁸ Amaute’ lakah kua pen Topa tawh thu kikum khawm ngei a, a thugennate va thei ngei, va za ngei ahi uh hiam? Kua in ama kammal va ngai ngei a, va thupi ngaihsut ngei ahi uh hiam?

Tedim Bible Revision 2017

¹⁸ Amauteʼ lakah kua pen Topa tawh thu kikum khawm ngei a, a thugennate va thei ngei, va za ngei ahi uh hiam? Kua in ama kammal va ngai ngei a, va thupi ngaihsut ngei ahi uh hiam?

Jeremiah 23:18 Referans Kwoze

Jeremiah 23:22

Ahih hangin amaute in keima lungsim tawng hong thei uh hileh keima thugente ka mite tungah taangko ding uh a, a nuntakna uh a hoih lote panin kikhelsakin, a gamtat hoih lote uh panin zong kikhelsak khinzo ding uh hi.

1 KORIN MASA 2:16

Tua ahih manin Lai Siangtho in, “Kua in Topa’ lungsim thei a, ama gamtat nading lam lak thei ahi hiam?” na ci hi. Ahi zongin eite in Khrih lungsim i nei hi.

Johan 15:15

Nasemte in a tote’ nasepna bangmah thei lo ahih manin note pen nasemte ka hong ci nawn kei ding hi. Ka Pa’ tung panin ka zak thu khempeuh note kiangah hong genkhin ka hih manin note, lawm, ka hong ci zaw ding hi.

Amos 3:7

Topa Pasian in ama nasem kamsangte tungah ama geelna theisak masa lopi-in bangmah hih het lo hi.

Late 25:14

Topa tawh kilawmtatna pen amah a zahtakte a’ ding hi a, a thuciamna amau tungah kitheithangsak hi.

2 KHANG TANGTHU NIHNATE 18:23

Tua ciangin Khenaanah’ tapa Zedekiah a nai-ah hong pai-in Mikaiah a paang bengin, “Cik hun a kipan Topa’ kha in kei hong nusia-in, hih bang na gen nadingin nang tungah hong tung ahi hiam?” a ci hi.

1 KUMPI MASATE 22:24

Tua ciangin Khenaanah’ tapa Zedekiah a nai-ah hong pai-in Mikaiah a paang bengin, “Nang’ tungah thu a gen dingin Topa’ kha in cikin kei hong nusia-in nang kiang hong tung ahi hiam?” a ci hi.

JOB (Job) 33:31

“Job aw, ka thugente limtakin hong ngai in. Gamdai-in om inla, kei thu hong gensak in.

JOB (Job) 21:22

Mi khat in Pasian’ tungah thu hilh thei ding ahi hiam? Vanglianpa tungah thu khen thei ding ahi hiam?