Jeremiah 23:14 - Tedim Bible

¹⁴ Ahih hangin Jerusalem khuasunga om kamsangte’ sungah a mulkimhuaizaw na khat ke’n ka mu hi. Angkawmin zuauthu gen uh a, mite a gitlohna uh pan a kikhel loh nadingin mi hoih lote a hanthawn zawlai uh hi. A vekpi-un kei’ muhna-ah Sodom khuamite tawh kibang khin ka sa a, Gomorrah khuamite tawh zong kilamdang lo uh hi.

Tedim Bible Revision 2017

¹⁴ Ahih hangin Jerusalem khua sunga om kamsangteʼ sungah a mulkimhuai zaw na khat keʼn ka mu hi. Angkawmin zuau thu gen uh a, mite a gitlohna uh pan a kikhel loh nadingin mihoih lote a hanthawn zaw lai uh hi. A vekpi-un keiʼ muhna ah Sodom khua mite tawh kibang khin ka sa a, Gomorrah khua mite tawh zong kilamdang lo uh hi.

Jeremiah 23:14 Referans Kwoze

Jeremiah 29:23

Bang hang hiam cih leh amaute, Israel gamah hai gamtat uh hi: A innvengte’ zite mawhpih uh a, thu ka piak lohpi ka min tawh zuauthu a gen uh hi. Keimah Topa in ka mu a, teci ka hi hi, hong ci hi,” ci-in ka gelh hi.

Ezekiel 22:25

A uliante uh, ganhing a that humpinelkai hawk tawh kibang uh hi. Amaute in mi thatin, a sum le a neihsa khempeuh laksak uh a, a mi thahna hangun numei tampi tak meigong suaksak uh hi.

Micah 3:11

Khuapi ukte in sumgolh ngahtheihna ding ngaihsutna bek tawh thu khen a, siampite in sum ngahtheihna ding ngaihsutna bek tawh thu gen a, kamsangte in zong sum ngahtheihna ding ngaihsutna bek mah tawh mailam thu genkhol uh hi. Tua bang hinapi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Jeremiah 23:32

En un, Topa in kong genin-ah, ka sawl lohpi zuau mang manin tua thu hilh a, a zuauthu uh le a kiphatsakna uh tawh ka mite lam a khialhpih mite’ langkhatah kei ka pang hi. Ka mite a dingin amaute a kimanna uh themkha beek om lo hi, Topa in kong ci hi.

Jeremiah 14:14

Tua ciangin Topa in, “Tua kamsangte in kei’ min suangin zuauthu hong gen uh hi. Amaute ka sawl kei a, thu ka pia kei a, zong ka hopih kei hi. Note kiangah hong gen uh thute a man lo maangmuhna, bangmahin a kimang lo aisanna, le amau’ ngaihsuttawm thute ahi hi.

Thu-hilhkikna 32:32

Amaute, Sodom le Gomorrah bangin siahuai uh a, gu nei-in a kha leenggah a gah leenggui tawh kibang uh hi.

Piancilna 18:20

Tua ciangin Topa in, “Sodom le Gomorrah a kimawhsakna lianin, amaute’ khialhna nasia mahmah kici ahih manin,

Mattiu 11:24

Tua ahih manin thukhen ni ciangin note’ thuakna sangin Sodom khuamite’ thuakna baihzaw lai ding ahihna thu phawk ta un,” a ci hi.

Zefaniah 3:4

A kamsangte kihisak uh a, kamsang citak hi lo uh hi. A siampite in a siangtho nate ninsak uh a, amau angsung ding bek a khualna-un Pasian’ thukham lehhei uh hi.

Jeremiah 20:16

Topa in hehpih loin a lumlet khuapite tawh tua pa kibang tahen. Zingsangin kahna aw za hen la, sun ciangin patauhna aw za tahen.

Piancilna 13:13

Tua laitakin Sodom mite migi lo hi a, Topa’ tungah nakpitakin a khialte ahi hi.

Mangmuhna 22:15

Ahi zongin a lampial mite, aisan mite, a paktat mite, mi thatte, milim biate, le zuaugen nuamsa-in zuau a gengen mite, khuapi pualamah a om uh hi.

Mangmuhna 21:8

Ahi zongin a meidawite, a lehtatte, a lampialte, mi thatte, a paktatte, aisante, milim biate, le zuaugente om nading mun pen sihna nihna ahi kat a kikhulna meiphualpi kuang sung ahi hi,” a ci hi.

Mangmuhna 19:20

Tua ciangin a ganhing le tua ganhing omna-ah nalamdang a bawl kamsang zuau pa kiman khawm hi. Ganhing ciaptehna a neite le ganhing lim a biate pen tua na lamdangte tawh a kikhem ahi hi. Ganhing le kamsang zuau pa, a nihun kat kikhulna meiphualpi sungah a hingtangun kilawn hi.

Mangmuhna 11:8

singlamteh tungah amaute’ Topa a kithahna mun Sodom ahih kei leh Egypt minkhem a pua khuapi kongzingah a luanghawm uh kipaidak ding hi.

Juda 1:7

Sodom khua le Gomorrah khua le a kiima om khuapi mite zong tua vantung mite mah bangin gamta uh a, numei tawh mawhnopna bek tham loin pasal le pasal kilunggulhna ciang dong nei uh ahih manin midangte’ etteh dingin tawntung meikuang a thuak uh hi.

2 PETER NIHNA 2:6

Pasian in Sodom le Gomorrah khuapite tungah thu khenin mei tawh haltum a, Pasian a um lo mite’ thuak nading limin a bawl hi.

1 TIMOTI MASA 4:2

Tua bang zuau thuhilhnate pen zuau genin mi a khem, sik emsa tawh tatgawp bangin a lungsim un a hoih le a hoih lo a khenthei nawn lote’ kam panin hong gingkhia ding hi.

Malakhi 1:1

Topa in Malakhi tungtawnin Israel-te tungah thu gen hi.

Ezekiel 13:16

thu hoih lo napi-in thu hoih hi, ci-in Jerusalem a lungmuan nadingin thu a gen kamsangte zong bei khinta hi,’ ka ci ding hi. Topa Pasian ahi keimah in hih thu ka gen hi,” a hong ci hi.

Jeremiah 23:17

Keimah Topa’ thugennna a hong ngai lo mite kiangah, hong hoih na ve, ci-in a gen tawntung uh hi. Amau’ lungsim’ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

Jeremiah 18:13

“Tua ahih manin Topa in kong cihin-ah: Minam dangte’ lakah hih bang thu a kiza ngei hiam, dong dih un. Keima mituam Israel in a mulkimhuai mahmah na khat a hihzo hi.

Isaiah 9:15

Upa pa le a zahtakhuai mipa pen a lutang hi a, zuauthu a hilh kamsangpa pen a mei ahi hi.

Jeremiah 23:22

Ahih hangin amaute in keima lungsim tawng hong thei uh hileh keima thugente ka mite tungah taangko ding uh a, a nuntakna uh a hoih lote panin kikhelsakin, a gamtat hoih lote uh panin zong kikhelsak khinzo ding uh hi.

Jeremiah 36:2

“Laizial khat la inla, tua sungah Josiah kumpi a suah kum, nang kong hopih masak hun a kipan tuni ciang dong Israel gam le gamdang khempeuhte’ langkhatah ka thugente khempeuh gelh in.

Jeremiah 49:18

Topa in kong cihin-ah, Sodom khua, Gomorrah khua, le a kiima khuate a kisiatgawp bangin, tua lai munah kuamah teng lo ding a, kuamah a peem kei ding hi.

Ezekiel 13:19

Mangbuhham khut khat dim le anlum them tawmkhat na ngah theih nadingun ka mite’ mai-ah kei nong minsiasak uh hi. A si dingin a kilawm lopite na that nuam uh a, a hing dingin a kilawm lopite na hingsak nuam uh hi. Tua bangin ka mite tungah zuauthu genin, amaute in note’ thugen hong um uh hi.

Hosea 6:10

Israel mite lakah siatna lianpi khat ka mu hi. Milim biakna tawh amaute kininsak uh hi.

Amos 4:11

Sodom le Gomorrah khuapite ka suksiat bangin note pawlkhat kong susia hi. Meikhuk panin a kiteenkhia singkhuah khat tawh na kibang uh hi. Tua bang hinapi-in kei lamah nong kihei kei uh hi, Topa in ci hi.

Zekhariah 13:2

Tua ni ciangin gam sung panin milim khempeuh ka phiatsiang ding a, kuamah in a milim min nangawn uh phawkkha nawn lo ding uh hi. Kamsang zuautheite zong phiatin, milim biaknopna lungsim ka beisak ding hi.

Piancilna 19:24

Tua ciangin Topa in vantung panin Sodom le Gomorrah khuate tungah kaat le meikuang zusak hi.

Piancilna 19:25

Amah in tua khuapite, kuamte khempeuh, khuapite sunga mi tengte khempeuh le leitung a a po khempeuh a susia hi.

Jeremiah 29:21

“Vanglian Topa, Israel mite’ Pasian in, kei’ min tawh note kiangah zuauthu a hong hilh Kolaiah’ tapa Ahab le Maaseiah’ tapa Zedekiah-te tawh kisai-in kong genin-ah: En un, keimah in amaute Babylon kumpipa Nebukhadnezzar’ khut sungah ka pia ding a, amah in note’ muhin amaute a thatlum ding hi.

Kah la 4:6

Jerusalem’ mawhna Sodom khuapi’ mawhna sangin lianzaw ahih manin, thakhatin Pasian’ khutsung pan kisiatna a ngah uh hi.

Micah 1:5

Pasian’ tungah Israel-te’ mawhna le a khialhnate uh hangin hih thute khempeuh a piang ahi hi. Israel-te’ khialhna kua ngawh ding ihi hiam? Samaria mite ngawh ding ihi hiam? Judah gam sungah milim bia-in a khial kua ahi hiam? Jerusalem mite ahi hi.