Jeremiah 23:1 - Tedim Bible

¹ Topa in thu gen a, “Ka mite sisakin, a kikhenthangsak gam ukte in gimna ngah ta hen!” a ci hi.

Tedim Bible Revision 2017

¹ Topa in thu gen a, “Ka mite sisakin, a kikhenthangsak gam ukte in gimna ngah tahen!” a ci hi.

Jeremiah 23:1 Referans Kwoze

Jeremiah 10:21

Bang hang hiam cih leh makaite hai khin uh a, Topa’ deihna dong lo uh hi. Tua thu hangin amaute mapai lo uh a, a mite uh kithehthang mang hi.

Ezekiel 13:3

Topa Pasian’ thugen hih bang ahi hi: Hih kamsang haite in gimna thuak ding uh hi. Amaute in amau’ lungsim bangin thu gentawmin, maangmu kineih uh hi.

Mattiu 9:36

Mihonte a muh ciangin, a cing nei lo tuuhon bangin gimna ngahin lungkhamin om uh ahih manin hehpihhuai a sa hi.

Jeremiah 22:22

Na makaite uh huih in hong mut mangsak ding a, na pawlte uh salin kiman ding uh hi. Tua ciangin na gitlohna uh hangin maizumin na lung-am ding uh hi.

Jeremiah 12:10

Tuucing dang tampi in ka leenggah lo hong suksiatsak uh a, kei a’ teng hong tuatcilsak uh hi. A hoih mahmah ka leenggah lo pawnlak, gamlak, a suaksak uh hi.

Jeremiah 50:6

“Ka mite tuu mangthang bang ahi khin uh hi. Makai tuucingte in mualtung tengah lamkhialin a gammanpih uh hi. Mual khat panin mual khatah a pai kawikawi uh a, a giahna inn uh a thei nawn kei uh hi.

Jeremiah 2:8

Siampite in, ‘Topa koi-ah om ahi hiam?’ ci-in dong lo uh hi. Thukham a theite nangawn in kei hong thei lo uh hi. Kei tungah kumpi uliante hong khial khin uh a, kamsangte in Baal min tawh thu genin kimanna a nei lo milimte a bia uh hi.

Johan 10:12

Tuu nei taktak ahi lo, a kicialtawm tuucingpa in ngia khawng a muh ciangin a tuute nusia-in taisan ahih manin ngia in tuute man a, tuute a kithehthang gawp hi.

Johan 10:10

Gutate pen a gu ding, a that ding, le a siasak ding bekin hong pai hi. Kei ka hih leh tuute a nungta maimai bek hi loin nuntakna cingtaak a neihtheih nadingun a hong pai ka hi hi.

Jeremiah 23:2

Tua ahih manin ka mipihte a kem gam ukte tawh kisai-in Topa, Israel mite’ Pasian in hong genin-ah, “Note in ka mite kikhenthang sakin na hawlkhiamang uh a, amaute na don kei uh hi. En un, Topa in kong cihin-ah, na gamtatsiate uh hangin gim kong pia ding hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kiakhawm ding uh hi,” ci-in a dawng hi.

Ezekiel 34:31

“No ka ta ahi tuute aw, an ka hong vak tuuhon ahi keima mite na hi uh a, kei pen note’ Pasian ka hi hi. Topa Pasian ahi keimah in hih thu kong gen khin hi,” hong ci hi.

Ezekiel 34:21

Note in a cidam lote na ki uh tawh si gawpin, a hon lak panin na nawtkhia uh hi.

Jeremiah 2:26

“Guta khatpeuh a kimat ciangin a zum bangin, Israel mite, a kumpite, a uliante, a siampite, le a kamsangte uh zong a maizum ding uh hi.

Johan 10:8

Keima hun ma-in a hong pai mite ahihleh guta buluhte ahih manun tuute in amaute don lo uh hi.

Jeremiah 13:17

Ahih hangin ka thu nong ngaih kei uhleh na kisaktheihna uh hangin ka kapsim ding a, khitui luangin nakpitakin ka kidik ding hi. Bang hang hiam cih leh Topa’ tuuhonte sal dingin kikaikhia zo hi.

Ezekiel 36:38

Tuhunin a sia-in a omcip khuapite pen a kiseh pawi hun ciangin biak nadingin a kipaipih, Jerusalem-a tuuhonpi om muamua bangin, mi tampi tawh kidim ding uh hi. Tua ciangin Topa ka hihna thu hong thei ding uh hi,” hong ci hi.

Ezekiel 34:1

Topa in kei kiangah thu hong gen a,

Zekhariah 10:3

Ka mi a makaite tungah ka heh suak mahmah a, amaute gim ka pia ding hi. Judah mite pen Vanglian Topa ahi keima a’ hi a, amaute limtakin kemin, ka sakol galkap thahatte a suak ding uh hi.