Jeremiah 22:9 - Tedim Bible

⁹ Tua ciangin, ‘A Pasian uh Topa’ thuciamna taisan uh a, pasian dang peuh bia-in a na a sepsak man uh ahi hi,’ ci-in a kidawngkik ding uh hi, va ci in,” hong ci hi.

Tedim Bible Revision 2017

⁹ Tua ciangin, ‘A Pasian uh Topaʼ thuciamna taisan uh a, pasian dang peuh bia-in a na a sepsak man uh ahi hi,’ ci-in a kidawngkik ding uh hi, va ci in,” hong ci hi.

Jeremiah 22:9 Referans Kwoze

2 KHANG TANGTHU NIHNATE 34:25

Amaute in amau’ gamtatna tawh kei hong hehsak theih nadingun amaute in kei hong nusia-in pasian dangte tungah paknamtui hal uh ahih manin hih mun tungah ka hehna kisungin dai lo ding hi.

2 KUMPI NIHNATE 22:17

Bang hang hiam cih leh amaute in kei hong nusia-in pasian dangte tungah paknamtui hal uh a, amau khut tawh a bawl milimte tawh kei hong hehsak uh ahih manin hih mun tungah ka hehna so ding a, ka hehna dai lo ding hi.

Jeremiah 50:7

Amau a mute in na ne gawp uh hi. A galte un, ‘Ko bangmah khialhna ka nei kei uh hi. Bang hang hiam cih leh a pute a pate un a muan leh a lametna uh Topa’ tungah amaute a khial uh hi,’ a ci uh hi.

1 KUMPI MASATE 9:8

Tua ciangin hih biakinn pen ninbulomtang suak ding a, a nawkkha mi khempeuh in lamdangsa-in, eh! ci ding uh hi. Amaute in, ‘Bang hangin Topa in hih leitang le hih biakinn hih bangin hih ahi hiam?’ ci ding uh hi.

Jeremiah 9:13

Topa in, “Amaute in a mai uha ka lah ka thukham nusia uh a, ka thu hong mang loin ka cih bangin ta lo uh a,

Jeremiah 11:3

Topa, Israel mite’ Pasian in kong cihin-ah, hih thuciamna a mang lo mi peuhmah in hamsiatna thuak ta hen, ci-in va gen in.

Jeremiah 16:11

Tua ciangin nangmah in amaute kiangah, ‘Topa in, “Na pu na pate un kei hong taisan khin uh a, kei hong nusia-in ka thukham a zui kei uh hi.

Ezekiel 5:15

Note tungah hehin sinsona tawh gim kong piak ciangin na kim uha a om minam dangte khempeuh lau ding uh hi. Amaute in note hong muhdah et-in hong simmawhbawl ding uh hi.

Ezekiel 12:16

Ahi zongin galsung, kialpi, le natna sung panin tawmkhat ka suaktasak ding a, minam dangte’ lakah a omna mun panun a gamtatnasate uh a muhdahhuaina phawkin, kei pen Topa ka hihna thu hong thei ding uh hi,” a hong ci hi.

Ezekiel 14:23

Amaute’ gitlohna zia na muh ciangin ka hihnate khempeuh a kilawm mah ahihna na phawk ding hi. Topa Pasian in thu hong gen khinta hi,” a hong ci hi.

Ezekiel 39:23

Tua ciangin kei tungah hong khialhna uh hangin Israel mite sal suak uh a, amaute nungngatin, a galte uh khut sungah pia-in gal sungah a vekun a sisak ka hihna,

Thu-hilhkikna 29:24

Minam khempeuhte in, ‘Bang hangin Topa in hih bangin hih gam bawl ahi hiam? Hih hehna lian, bang a cihnopna ahi hiam?’ ci takpi ding uh hi.

Jeremiah 11:10

Ka thu a ngai nuam lo a pu a pate uh’ mawhna lamah kilehhei khinzo uh a, pasian dangte’ na a sem dingin a zui khinzo uh hi. Israel mite le Judah mite in a pu a pate uh tawh ka bawlsa uh thuciamna a palsat khinzo uh hi.