Jeremiah 22:7 - Tedim Bible

⁷ Nang’ langkhatah a hong susia ding mi ka kithawisak ding a, a hei uh hong keng ding uh hi. Amaute in na sidar khuam hoihpente hong phuksakin mei-ah hong khulsak ding uh hi.

Tedim Bible Revision 2017

⁷ Nangʼ lang khat ah a hong susia ding mi ka kithawisak dinga, a hei uh hong keng ding uh hi. Amaute in na sidar khuam hoih pente hong phuksakin mei ah hong khulsak ding uh hi.

Jeremiah 22:7 Referans Kwoze

Isaiah 37:24

Nangmah in na nasempa zangin Topa na zahko a, Lebanon mual dong pek, mual sangte tungah ka leeng tampite tawh ka pai khin hi. Taamtak sing a sangpente, taksing hoihpente ka phuk khin hi. A sangpen mun, tulak a thukpenna munah ka pai khin hi.

Jeremiah 21:14

Na gamtatna tawh kizui-in gimna ka hong pia ding hi, Topa in kong ci hi. Tulaka sing hoihte tawh a kilam na kumpi innte uh mei tawh kihal ding a, a kimkot khempeuh ka kangtumsak ding hi,” a ci hi.

Mattiu 22:7

Kumpipa zong heh mahmah a, a galkapte kuansakin tua mi thatte a thahsak khit ciangin a khua a haltumsak hi.

Zekhariah 11:1

Lebanon aw, mei in na taamtak kungte a kattheih nadingin na kongpite hong in.

Jeremiah 5:15

“En un, Israel minamte aw, Topa in kong cihin-ah, gamlapi panin note a hong sim dingin gam khat kong kuansak ding hi. Tua gam pen tanglai pekin a om khinsa, a hat mahmah, amaute’ pau na theih loh uh gam khat ahi hi.

Jeremiah 15:8

Tuipi a sehnel omzah sangin nupi meigong ka tamsakzaw ding hi. Na tangvalte uh a khan laitakin ka that ding a, a nute uh ka lunggimsak ding hi. Note’ tungah thakhat thu-in lungkhamna le launa ka hong tungsak ding hi.