Jeremiah 22:23 - Tedim Bible

²³ Lebanon gam panin a kila taamtak inn sungah nuamtakin na teng uh hi. Ahih hangin gimna hong tun ciangin bangzah takin na tau ding uh hiam? Numei nausuak dingte tawh na kibang ding uh hi.

Tedim Bible Revision 2017

²³ Lebanon gam panin a kila taamtak inn sungah nuam takin na teeng uh hi. Ahih hangin gimna hong tun ciangin bangzah takin na tau ding uh hiam? Numei nausuak dingte tawh na kibang ding uh hi.

Jeremiah 22:23 Referans Kwoze

Jeremiah 6:24

Tua thu i za a, bangmah i cih thei kei hi. Lungkhamna in hong lencip a, nupi nausuak ding bangin na i sa hi.

Jeremiah 22:6

Bang hang hiam cih leh Judah kumpi inn tawh kisai-in Topa in kong cihin-ah: Nang pen Gilead gam ahi a, Lebanon mual bangin ahi zongin na hoih mahmah hi. Ahih hangin nang sehnel gam kong suaksak ding a, kuamah a ten lohna khua kong suaksak ding hi.

Habakkuk 2:9

Mi’ van na suhna uh tawh na mite uh hausakin, lauhuaina le siatna a ngah loh nadingin na innkuan uh bawl na hih manun gim na ngah ding uh hi.

Obadiah 1:4

Muvanlai bangin sangpi-ah leengin, aksite lakah bu na bawl hangun no kong khiasuk veve ding hi, Topa in a ci hi.

Amos 9:2

Lei tosukin misite’ omna Leinuai-ah a va tun uh hangin tua lai-ah amaute ka su ding a, vantungah a kahtoh uh hangin zong, tua lai mahah amaute ka su veve ding hi.

Hosea 7:14

Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.

Hosea 5:15

Ka mite in a mawhna hangun gimna thuakin kei hong zonkik mateng ka tuaci nusiat phot ding hi. A lungkham uh ciangin kei hong zong ding uh hi.

Jeremiah 49:16

Na kisaktheihna in nang hong khem a, na ngaihsut bangin mite in nang hong kihta lo hi. Suangkeen dawnah na teng a, mualsang tungah na teng hi. Muvanlai bu zahin sangpi-in na ten hangin tua lai mun panin kong lakhiasuk veve ding hi, Topa in kong ci hi.

Jeremiah 48:28

Moab gam a teng mite aw, khuapite nusia unla, kawl lakah teng un! Keen pangah vakhu bu bawl bangin va om un.

Jeremiah 21:13

Mualkuam zang pan kilaamto a, zanglei lak a suangtum bangin a sangto Jerusalem aw, Topa in kong cihin-ah, na langkhatah ka pang ding hi. Nangmah in, ‘Kua in kei hong simsuk ding a, ka omna-ah kua hong lut ding ahi hiam?’ na ci hi.

Jeremiah 3:21

Mualtung panin awging khat hong kiza a, Israel mite’ kahna le tauna awging ahi hi. Lam a pialna hang uh le Topa a Pasian uh a mangngilhna hang uh ahi hi.

Gamlak-vakna 24:21

Tua ciangin amah in Ken mite enin, ama thugen ding teng genin, “Na omna mun kho a, suangpi sungah na bu kibawl hi.

Ezekiel 17:3

Topa Pasian in hih bangin ci hi, ci-in gen in: Muvanlai a gol mahmah, a khate zong golin a kizal deda khat om hi. Tua muvanlai in khaveng hoih mahmah nei hi. Lebanon Mual tungah va leengin taamtak kung khat a dawn va kuaitan a,