Jeremiah 22:15 - Tedim Bible

¹⁵ Taamtak sing tawh inn na lam manin kumpi kisa na hi hiam? Na pa in an ne tui dawn a, thumanna le diktatna tawh na a sep manin a maa pai hi lo ahi hiam?

Tedim Bible Revision 2017

¹⁵ Taamtak sing tawh inn na lam manin kumpi kisa na hi hiam? Na pa in an ne tui dawn a, thumanna le diktatna tawh na a sep manin a maa pai hi lo ahi hiam?

Jeremiah 22:15 Referans Kwoze

2 KUMPI NIHNATE 23:25

Ama hun ma-in, amah tawh a kibang, Moses thukham tawh kizui-in a lungsim khempeuh, a nuntakna khempeuh, le a thahatna khempeuh tawh Topa’ lamah a kihei kumpi om lo a, ama nungah zong amah tawh a kibang khat zong hong khang nawn lo hi.

Isaiah 3:10

Amaute tungah thu hoih ding hi, ci-in thuman mite kiangah hih thu gen un. Bang hang hiam cih leh amaute in amau’ gamtat hoih thaman ngah ding uh hi.

Thuhilh-sia 10:17

A kumpipa in lungsim khentatna nei thei a, a makaite in annek tuidawn a hun thei a, amau ki-uk thei-in zu a kham lo makai a nei, gam khat peuhpeuh a hampha gam ahi hi.

Paunak 25:5

Kumpipa kiang pan migilote nilkhia lehang thumanin ama ukna kip thei bek hi.

Paunak 29:4

Thumanin a gamta kumpi in a gam kipsak a, sum bek a ngaihsun kumpi in a gam siasak hi.

2 KUMPI NIHNATE 22:2

Topa’ mitah amah a manin gamta-in, a pu David’ khekhap khempeuh zui cinten a, themkhat zong pial lo hi.

Jeremiah 42:6

Nang kong sawlna uh Topa i Pasian’ hong gen bangbang hoih taleh sia taleh ka mang ding uh hi. Bang hang hiam cih leh Topa i Pasian’ thu mang leeng, ei a dingin na hong hoih ding hi,” a hong ci uh hi.

Paunak 21:3

Topa in biakpiakna sangin thuman thutang deihzaw hi.

1 KUMPI MASATE 10:9

Nang tungah lungdamin Israel kumpi tokhom tungah nang a hong koih Topa na Pasian in thupha ngah ta hen! Topa in Israel it tawntung ahih manin nangmah in thutang le thuman na sepkhiat theih nadingin amah in kumpi-in nang hong bawl hi,” a ci hi.

2 SAMUEL NIHNA 8:15

Tua ahih ciangin David in Israel-te khempeuh uk a, a mite khempeuh tungah thutang le thuman a zang hi.

1 KORIN MASA 10:31

Tua ahih manin keimah in ka hong gennop thu in: Na hihna khempeuh uh, nekna dawnna-ah ahi zongin Pasian’ minthan nadingin na hih un.

Sawltak 2:46

Nisimin biakinn-ah kikhawm uh a, a innte uhah an nekhawmin, lungdamna le kiniamkhiatna tawh a ne ciat uh hi.

Luka 11:41

Ahi zongin na hai leh na kuang sung uhah a omte pen itna tawh mizawngte tungah pia le-uhcin, note a dingin na khempeuh hong siang ding hi.

Jeremiah 23:5

“En un, Topa in kong cihin-ah, keimah in David’ suan lak panin kumpi dingin a diktat mi khat ka khankhiatsak ni hong tung ding hi. Amah gam uk siam mahmah ding a, gam sungah thuman thutang tawh thu hong khen ding hi.

Jeremiah 22:18

Tua ahih manin Judah kumpipa Josiah’ tapa Jehoiakim thu tawh kisai-in Topa in hih bangin kong ci hi: “Amaute in, ‘Sanggampa aw,’ ‘Sanggamnu aw,’ ci-in a sih ciangun a kikah bangun amah a sih ciangin a kah kei ding uh a, ‘Topa aw, kumpipa aw,’ ci-in zong a kah kei ding uh hi.

Jeremiah 22:3

Topa in a cihin-ah, thumanin diktat unla, a bawlsiate’ khutsung panin bawlsiatna a thuak mite honkhia un. Minam dangte, pa nei lote le meigongte simmawhbawl kha loin amau’ tungah ngongtat kei unla, hih munah zong mawhna nei lo mite that kei un.

Isaiah 33:16

Tua hileh na tangtung ding uh a, kulh muanhuai mahmah sungah a om bangin lungnuam takin na om ding uh hi. Annek tuidawn na kitasam kei ding uh hi.

Isaiah 9:7

Tuhun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Thuhilh-sia 2:24

Mihing khat in a nasepna thamanin an ne tui dawnin nuamsa-in a om sangin a hoihzaw bangmah dang om lo hi. Ahi zongin tua nangawn zong, Pasian’ hang ahihna ka phawk hi.

Paunak 31:9

Amau a’ ding thu genin thu a tangin khen inla, a zawng a cimawh mite amau a dingin a kilawm hamphatna ngahsak in.

Paunak 20:28

Kumpipa in thuman, thutang, citakin a uk laiteng a kumpi za-ah kip bek hi.

2 KHANG TANGTHU NIHNATE 34:2

Topa’ mitah a man gamta a, a pu David’ khekhap zui-in themkhat zong lampial lo hi.

1 KHANG TANGTHU MASATE 3:15

Josiah’ tapate: A tacil Johanan, a nihna Jehoiakim, a thumna Zedekiah, a lina Shallum ahi uh hi.

Thu-hilhkikna 4:40

Tua ahih ciangin note le note’ khita na tate uh tungah thu hong nuamin, Topa na Pasian un a tawntung a hong piak gam sungah na khan uh na sausak theih nadingun tuni-a no kiangah kong gen ahi ama thukhamte le a thupiakte na zui ding uh hi,” a ci hi.

Jeremiah 7:5

“Bang hang hiam na cih uhleh na nuntak zia uh le na gamtatnate uh na kipuah uh a, khatlekhat kikalah thuman le thutakin na vaihawm uh a,

2 KHANG TANGTHU NIHNATE 35:22

Ahi zongin ama kiang panin Josiah kiheikhia nuam lo a, amah tawh a kido theih nadingin a mel kiseel hi. Amah in Neko’ kam pana Pasian’ thugente ngai lo a, Megiddo zanglei-a gal kidona-ah va pawm hi.

2 KHANG TANGTHU NIHNATE 35:26

Tu-in Josiah’ gamtatna a omlaite, le Topa’ thukham sungah a kigelh bangin a nasep hoihte,