Jeremiah 21:9 - Tedim Bible

⁹ Hih khuapi sunga om mi peuhmah namsau tawh ahi a, kial tawh ahi a, pulnatna tawh ahi zongin a si ding uh hi. Ahi zongin pusuak khia-in note a hong sim Khaldea mite kiangah a lut peuhmah suakta liailiai ding uh hi.

Tedim Bible Revision 2017

⁹ Hih khuapi sunga om mi peuhmah namsau tawh ahi a, kial tawh ahi a, pulnatna tawh ahi zongin a si ding uh hi. Ahi zongin pusuak khia-in note a hong sim Khaldea mite kiangah a lut peuhmah suakta liailiai ding uh hi.

Jeremiah 21:9 Referans Kwoze

Jeremiah 38:2

Keimah in mite kiangah, “Topa in hong cihin-ah: Hih khuapi sungah a om mi peuhmah namsau tawh ahi a, kial tawh ahi a, pulnatna tawh ahi zongin a si ding uh hi. Ahih hangin pusuak khia-in Babylon mite a beel peuhmah nungta ding a, suakta liailiai ding uh hi.

Jeremiah 45:5

Tua sung panin nang a pengthei tuam dingin kingaihsun na hi hiam? Tua bangin kingaihsun kei in; bang hang hiam cih leh en in, Topa in kong cihin-ah, mi khempeuh tungah gimna ka tungsak ding hi. Ahih hangin nang pen na paina mun khempeuhah kong suaktasak liailiai ding hi, ci hi,” ka ci hi.

Jeremiah 39:18

Bang hang hiam cih leh nang kong honkhia taktak ding a, namsau tawh thahna na thuak kei ding hi. Topa in kong cihin-ah, kei hong muang na hih manin na nuntakna na suahtak liailiai ding hi, hong ci hi,’ ci-in va gen in,” a hong ci hi.

Jeremiah 14:12

An a tan’ uh hangin amau’ thumna ka ngai kei ding a, meihal biakna le an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisakzaw ding hi,” hong ci hi.

Jeremiah 27:13

Bang hangin namsau tawh, kialpi tawh, pulnatna tawh nang le na mite si ding uh ahi hiam? Babylon kumpipa’ na a sem lo gam khat peuhpeuh tuaci sih ding, ci-in Topa in a gen hi.

Jeremiah 21:7

Tua khit ciangin, Topa in kong cihin-ah, Judah kumpipa Zedekiah le a nasemte, le pulnatna, namsau, le kialin a si lo a nungta laiteng pen, amau’ galte le amaute a thatnuam Babylon kumpipa Nebukhadnezzar’ khut sungah ka pia ding hi. Amah in amaute namsau tawh that ding a, hehpih loin, zong a maap kei ding a, itna lungsim a nei kei ding hi,’ va ci un,” a ci hi.

Jeremiah 24:10

Namsau tawh kithahna, kialpi, le pulnatnate ka tungsak ding a, amaute le a pu a pate’ kiangah ka piaksa gam sungah khat beek ka nungtasak nawn kei ding hi,” hong ci hi.

Jeremiah 27:11

Ahih hangin Babylon kumpipa’ hakkol pua a, ama na a sem gam pen, lo kho-in a tentheih nadingin ama gam sung mahah ka omsak ding hi, ci-in Topa in hong gen hi,’ ci-in gen uh hen,” hong ci hi.

Ezekiel 5:12

Note seh thum suah seh khat pen cina le gilkialin khuapi sungah na si ding uh hi. Seh thum suah seh khat, khuapi kiimah namsau-in na si ding uh hi. A omlai seh thum suah seh khat ahihleh mun khempeuhah hong thehthangin namsau tawh kong delh ding hi.

Jeremiah 27:12

Judah kumpipa Zedekiah kiangah zong tua bangmahin ka gen a, “Na nuntak theih nadingin Babylon kumpipa’ hakkol pua in.

Jeremiah 38:3

Topa in hong cihin-ah, Babylon kumpipa’ khut sungah hih khuapi kipia taktak ding a, a kila ta ding ahi hi,” ka ci hi.