Jeremiah 21:5 - Tedim Bible

⁵ Kei mahmah in hehna le thangpaihna lianpi tawh ka khut zanin, a hat mahmah ka khut tawh note kong do ding hi.

Tedim Bible Revision 2017

⁵ Kei mahmah in hehna le thangpaihna lianpi tawh ka khut zanin, a hat mahmah ka khut tawh note kong do ding hi.

Jeremiah 21:5 Referans Kwoze

Isaiah 63:10

Ahih hangin amaute in lehdo uh a, ama kha siangtho a dahsak uh hi. Tua ahih ciangin amah pen amaute’ gal suak a, amahmah in amaute a do hi.

Isaiah 5:25

Tua ahih ciangin Topa’ hehna ama mite tungah hong khangin, a khut zanin amaute vatgawp a, mualte a kiling hi. Amaute’ luanghawmte kongzing lampite-ah nin bangin a om hi. Hih bang teng hangin zong a hehna damzo nai loin ama khut kizanlai hi.

Paikhiatna 6:6

Tua ahih ciangin Israel mite’ tungah, ‘Kei pen Topa ka hi hi. Egypt mite’ na na sepna uh panin note kong paikhiatpih ding hi. Amau’ sal hihna panin note kong khahkhia ding a, a thahat ka khut zanin thukhenna nasep lian tawh note kong honkhia ding hi.

Jeremiah 32:17

‘Topa Pasian! Nangma vangpi le na khut tawh vantung le leitung na bawl khinzo hi. Nang a dingin a haksalua khat beek om lo hi.

Jeremiah 6:12

A innte uh midangte in luah ding uh a, a lote le a zite uh a taan ding uh hi. Bang hang hiam cih leh Topa in kong cihin-ah, hih mite’ langkhatah ka khut zanin gim ka pia ding hi.

Isaiah 9:21

Manasseh in Efraim, Efraim in Manasseh ne-in, tua tegel in Judah langpang khawm uh hi. Hih thute khempeuh hangin ama hehna damzo nai lo a, ama khut kizanlai hi.

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote le a meigong numeite uh tungah hehpihna nei lo hi. Bang hang hiam cih leh mi khempeuh pen Pasian’ thu a khual om loin siatna a bawl vive hi a, kam khempeuh in haina thu a gen uh hi. Hih thute khempeuh hangin ama hehna damzo nai lo a, ama khut kizanlai hi.

Paikhiatna 9:15

Bang hang hiam cih leh tu-in keimah in ka khut zanin natna tawh nang le na mite hong vatgawpin, leitung panin note hong kibeisak thei hi.

Jeremiah 32:37

En in, ka hehna, ka thangpaihna le ka lungkim lohna lianpi tawh ka hawlkhiatna gam khempeuh panin amaute ka kaikhawm kik ding a, hih munah tunpih kikin, lungmuang takin ka omsak ding hi.

Isaiah 10:4

Thongkiate’ lakah tonbucipin om ding le a kithat mite lakah sih ding bek a om hi. Hih thute khempeuh hangin ama hehna damzo nai lo a, ama khut kizanlai hi.

Isaiah 9:12

Ama mai-a om Syria mite le a nunga om Filistia mite in kam ka-in Israel netum uh hi. Hih thute khempeuh hangin ama hehna damzo nai lo a, ama khut kizanlai hi.

Thu-hilhkikna 4:34

Tua ahih kei leh, Topa na Pasian un Egypt gam sungah note a dingin na muhna uhah a bawlte khempeuh tawh a kibangin, ze-etna, lim, nalamdang, gal, a vanglian le a thahatna le a lauhuai mahmah tawh pasian dang khat peuhpeuh in ama mite a dingin minamdang khat sung pan minam khat a va lak ding hanciam ngam ngei ahi hiam?

Thu-hilhkikna 4:23

Topa na Pasian un note tawh hong bawl thuciamna mangngilhin, Topa na Pasian un note’ hih dinga hong kham lim khat peuhpeuh tawh a kibang a kiseek milim na bawlkhak loh nadingun kidawm un.

Jeremiah 36:7

Topa’ tungah amaute thumin a vekpi-un a hoih lohna uh panin a kihei thei kha ding uh hi. Bang hang hiam cih leh hih mite’ tungah Topa in tunsak dingin a gensa a hehna le a thangpaihna lian mahmah hi,” ka ci hi.

Jeremiah 37:10

Nangmah in na gal Babylon galkap khempeuh zolua kisa-in buk sunga mi liam teng bek na suaktasak khaphial ahi zongin, amaute hong thokik teitei ding uh a, hih khuapi hong halsak veve ding uh hi,’ ci-in va gen in,” a hong ci hi.

Kah la 2:3

A hehna tawh Israel-te’ thahatnate hong suksiatsak gawp a, gal in a hong sim ciangin amah in eite a hong huh nuam kei hi. Meikuang tawh kibangin eite’ langah hong pang a, na khempeuh a susia hi.

Ezekiel 5:8

Tua ahih manin Topa Pasian ahi keimah in nang kong langpanna thu a hong gen ka hi hi. Minam dang khempeuhte’ muhin nang tungah thu kong khen ding hi.

Ezekiel 39:3

Tua lai mun panin na veilam khutah na tawi na thal hong betkhiatsakin, na taklam khutah na tawi na thaltangte zong kong betkhiatsak ding hi.