Jeremiah 21:2 - Tedim Bible

² “Kote a dingin Topa’ kiangah thu hong dotsak in. Babylon kumpipa Nebukhadnezzar in a sim dingin hong umcih hi. Topa in a na lamdangte khat kei’ tungah hong zang leh amah kilehkiksak thei kha ding hi,” ci-in a dongsak hi.

Tedim Bible Revision 2017

² “Kote adingin Topaʼ kiangah thu hong dotsak in. Babylon kumpipa Nebukhadnezzar in a sim dingin hong umcih hi. Topa in a nalamdangte khat keiʼ tungah hong zang leh amah kilehkiksak thei kha ding hi,” ci-in a dongsak hi.

Jeremiah 21:2 Referans Kwoze

Jeremiah 37:3

Kumpi Zedekiah in Shelemiah’ tapa Jehukal le Maaseiah’ tapa siampipa Zefaniah keima kiangah hong sawl a, “Topa i Pasian’ kiangah kote a dingin thu hong ngetsak in,” ci-in a hong gensak hi.

Jeremiah 37:7

“Topa ahi Israel mite’ Pasian in kong cihin-ah: Kei’ tungah thu a hong dongsak Judah kumpipa kiangah hih bangin na va gen ding hi: ‘En in, nang hong huh dingin a hong pai Faro kumpipa’ galkapte a gam uhah ciahkik ding uh hi.

1 SAMUEL MASA 28:15

Tua ciangin Samuel in Saul kiangah, “Bang hangin keimah saptohna tawh hong nawngkaisak na hi hiam?” a ci hi. Saul in dawngin, “Nakpi takin ka lungkham hi; Filistia-te in kei hong sim a, kei kiang panin Pasian kiheikhia-in kamsangte tawh ahi a, mang tawh ahi zongin hong dawng nawn lo hi. Tua ahih ciangin ka gamtat nading zia a hong gen dingin nang kong sam hi,” a ci hi.

1 SAMUEL MASA 28:6

Saul in Topa tungah thu a dot ciangin, Topa in mang tawh hitaleh, Urim tawh hitaleh, kamsangte tawh hitaleh dawng lo hi.

Jeremiah 32:24

“‘En in, khuapi lak nadingin kan a to khinzo uh hi. Namsau tawh kithahna hang, kialpi hang, le pulnatna hangin amaute a sim Khaldea mite’ khut sungah khuapi a kipia ding hi. Nong gensa bangin hong tun loh phamawh ahih manin en in, nang’ na mu ta hi.

Jeremiah 32:17

‘Topa Pasian! Nangma vangpi le na khut tawh vantung le leitung na bawl khinzo hi. Nang a dingin a haksalua khat beek om lo hi.

2 KHANG TANGTHU NIHNATE 32:21

Tua ciangin Topa in Assiria kumpipa’ giahphual ah a thahat galhang khempeuh le galkap a ukte le uliante a susia vantungmi khat a sawl hi. Tua ahih ciangin ama gamah maizumna tawh a ciahkik hi. Ama pasian’ inn sungah amah a tun ciangin ama tapate pawlkhat in namsau tawh amah satlum uh hi.

2 KUMPI NIHNATE 1:3

Ahih hangin Topa’ vantungmi in Tishbe mi Elijah kiangah, “Ding in, Samaria kumpipa’ kamtaite a dawn dingin paito-in amaute kiangah, ‘Ekron pasian, Baalzebub kiangah thu a dong dingin na pai nadingun Israel sungah Pasian om nawn lo ahi hiam?’ ci in.

1 SAMUEL MASA 10:22

Tua ahih ciangin amaute in Topa kiangah dongkik uh a, “Tua mipa hih lai-ah hong pai hiam?” ci uh a, Topa in, “En un, amahmah van kawm lakah bu hi,” a ci hi.

Thukhente 20:27

Israel mite in Topa thu dong uh a (bang hang hiam cih leh tua hunin Pasian’ Thuciamna Singkuang tua lai-ah om a,

Piancilna 10:10

Ama kumpi gam kipatna Babel, Erek, le Akkad hi a, tuate khempeuh Shinar gam sungah om hi.

Paikhiatna 9:28

Topa’ tungah thum un. Bang hang hiam cih leh hih vanging le gialpi kicingzo hi. Note kong paisak ding a, note na khawl nawn kei ding uh hi,” a ci hi.

2 KUMPI NIHNATE 17:24

Tua ciangin Assiria kumpipa in Babylon, Kuthah, Avva, Hamath, le Sefarvaim panin mite paipih a, Israel mite’ tangin Samaria khuapite-ah amaute a koih hi. Amaute in Samaria gam luahin a khuapite-ah teng uh hi.

Isaiah 48:2

Note tua bang hinapi-in, khuapi siangtho sungah a teng mite ihi a, Israel Pasian i muang hi. Ama min pen Vanglian Topa ahi hi, ci-in kisaktheihna-in na neizaw lai uh hi.

Jeremiah 15:11

Topa aw, amaute’ hoih nadingin nang tungah kong thumsak kei a, gimna le haksatna hun ciangin ka galte a dingin nang’ tungah kong ngetsak kei leh tua amau’ hong hamsiatnate kei’ tungah hong tung ta hen!

Jeremiah 21:3

Tua ciangin Jeremiah in dawngkik a,

Jeremiah 37:17

kumpi Zedekiah in kei hong samsak hi. Kumpipa in a inn sungah, “Topa’ hong thugen kam khat beek om lo ahi hiam?” ci-in a hong dongsim hi. Kei zong, “Om mah hi,” ka cih khit ciangin, “Babylon kumpipa’ khut sungah nang hong kipia taktak ding hi,” ci-in ka gen hi.

Ezekiel 7:26

Lungkhamna khat khit khat a banbanin na tuak ding uh a, thusia bekbek na zaza ding uh hi. Kamsangte kiangah thu na dong ding uh hi. Siampite in mite tungah hong hilh ding thu thei lo ding uh a, upate in hong gen ding mel thei lo ding uh hi.

Jeremiah 34:1

Babylon kumpipa Nebukhadnezzar in a galkapte khempeuh, a ukna gam khempeuh le a mi khempeuh tawh Jerusalem khua le a kiima khuapite a sim laitakin Topa in kei hong hopih a,