Jeremiah 21:1 - Tedim Bible

¹ Zedekiah kumpipa in Malkhiah’ tapa Pashhur le Maaseiah’ tapa Zefaniah-te, Jeremiah kiangah sawl a,

Tedim Bible Revision 2017

¹ Zedekiah kumpipa in Malkhiahʼ tapa Pashhur le Maaseiahʼ tapa Zefaniah te, Jeremiah kiangah sawl a,

Jeremiah 21:1 Referans Kwoze

Jeremiah 37:3

Kumpi Zedekiah in Shelemiah’ tapa Jehukal le Maaseiah’ tapa siampipa Zefaniah keima kiangah hong sawl a, “Topa i Pasian’ kiangah kote a dingin thu hong ngetsak in,” ci-in a hong gensak hi.

Jeremiah 52:24

Kumpi cing galkap mangpa in siampi lianpen pa Seraiah, siampi lian a nihna Zefaniah, le kongpi uk biakinn upa thum a paikhiatpih hi.

Jeremiah 38:1

Mattan’ tapa Shefatiah, Pashhur’ tapa Gedaliah, Shelemiah’ tapa Jehukal, le Malkhiah’ tapa Pashhur-te in mi khempeuh tungah keima thugenna a za uh hi.

Jeremiah 37:1

Babylon kumpipa Nebukhadnezzar in Jehoiakim’ tapa Jehoiakhin’ tangin Judah gam a uk dingin Josiah’ tapa Zedekiah a koih hi.

1 KHANG TANGTHU MASATE 9:12

le Malkhijah’ tapa Pashhur, a tapa Jehoram’ tapa Adaiah, le Immer’ tapa Meshilemith, a tapa Meshullam, a tapa Jahzerah, a tapa Adiel’ tapa Maasai ahi hi.

Nehemiah 11:12

le inn nasep a sem a behte hi uh a, mi zagiat sawmnih le nih pha uh hi. Tua ciangin Malkhijah’ tapa Pashhur, a tapa Zekhariah, a tapa Amzi, a tapa Pelaliah, a tapa Jehoram, a tapa Adaiah,

1 KHANG TANGTHU MASATE 3:15

Josiah’ tapate: A tacil Johanan, a nihna Jehoiakim, a thumna Zedekiah, a lina Shallum ahi uh hi.

2 KHANG TANGTHU NIHNATE 36:17

Tua ahih ciangin Topa in Khaldea mite’ kumpipa amaute’ langkhatah paipih a, tua kumpipa in amau’ Pasian’ biakinn sung nangawnah namsau tawh a tangvalte uh that a, numei pasal, a moi a ham, a dam a na, kuamah khasiat lo hi. Pasian in a vekpi-in ama khut sungah a pia hi.

Jeremiah 29:29

Siampipa Zefaniah in hih laikhak kei kiangah hong simkhia hi.

Jeremiah 37:7

“Topa ahi Israel mite’ Pasian in kong cihin-ah: Kei’ tungah thu a hong dongsak Judah kumpipa kiangah hih bangin na va gen ding hi: ‘En in, nang hong huh dingin a hong pai Faro kumpipa’ galkapte a gam uhah ciahkik ding uh hi.

Jeremiah 37:17

kumpi Zedekiah in kei hong samsak hi. Kumpipa in a inn sungah, “Topa’ hong thugen kam khat beek om lo ahi hiam?” ci-in a hong dongsim hi. Kei zong, “Om mah hi,” ka cih khit ciangin, “Babylon kumpipa’ khut sungah nang hong kipia taktak ding hi,” ci-in ka gen hi.

Jeremiah 38:14

Kumpi Zedekiah in kei hong vaikhak a, Topa’ biakinn kongkhak tumna-ah a hong sam hi. Kumpipa in kei kiangah, “Thu khat kong dong ding hi; bangmah hong im kei in,” hong ci hi.

2 KUMPI NIHNATE 22:13

“Pai unla, a kimu hih laibu sunga thute tawh kisai-in keima a’ ding, mite a’ ding, le Judah mi khempeuh a dingin Topa’ tungah thu va dong un; bang hang hiam cih leh hih laibu sunga thu, eite tawh kisai-in a kigelh khempeuh bangin gamtat ding i pu i pate in na mang lo uh ahih manin eite tungah Topa’ hehna lian hi,” a ci hi.

Jeremiah 35:4

Amaute, Topa’ biakinnsung, kumpi uliante’ inndei gei, Shallum’ tapa, kongpi uk biakinn upa lian Maaseiah’ inndei tung sanah a om, Igdaliah’ tapa, Pasian’ mi ahi Hanan’ tate’ inndei sungah ka lutpih hi.