Jeremiah 20:9 - Tedim Bible

⁹ Keimah in, “Ama thu ka gen kei ding a, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gimlua a, gen loin ka om thei kei hi.

Tedim Bible Revision 2017

⁹ Keimah in, “Ama thu ka gen kei dinga, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gim lua a, gen loin ka om thei kei hi.

Jeremiah 20:9 Referans Kwoze

Late 39:3

Ka sungah ka lung so a, ka lungngaih ciangin ka lung so semsem hi. Tua ciangin ka paukhia a,

Sawltak 4:20

Tua ahih manin kote in ka muhsa uh le ka zaksa uh thute gen loin ka om thei kei ding uh hi,” ci-in a dawng uh hi.

Ezekiel 3:14

Pasian’ kha in hong paikhiatpih laitakin lungkim hetloin ka heh suak mahmah hi. Ahi zongin Topa’ vangliatna in kei hong zozaw hi.

Sawltak 17:16

Paul in Athen khua-ah Silas le Timoti ngakin a om laitakin tua khua sungah milim a dimin a om lamtak mu ahih manin a lungsim ommawk thei lo hi.

Jeremiah 6:11

Tua ahih ciangin Topa aw, kei zong ka heh mahmah a, ka thuakzo nawn kei hi,” ka ci hi. Tua ciangin Topa in kei hong hopih a, “Kei’ tang dinga na hehna kongzing lak a naupangte tungah buakhia inla, tangvalte’ kikhopna-ah zong buakhia in. Papite le nupite zong kilakhia ding a, piteek puteekte zong kipaikhiatpih ding hi.

Luka 9:62

Jesuh in ama kiangah, “Bawng lokhawhna lenkawmin a nunglam a en mi pen Pasian’ Ukna tawh kituak lo hi,” ci-in a dawng hi.

Sawltak 18:5

Masedonia gam panin Silas le Timoti hong tun ciangin Paul in a hun neih khempeuh thuhilhna-in zang a, Jesuh pen Khrih ahi hi, ci-in Jew mite kiangah teltakin a gen hi.

Jeremiah 4:19

Aw, ka lungtang, ka lungtang! Na ka sa mahmah hi. Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Jeremiah 23:9

Kamsangte tawh kisai-in: Topa’ hang le ama thugen kammal siangthote’ hangin keima sungah ka lungsim hong kitamkham a, ka guh ka taang a ling hi. Zu tam ne lua-in a kham mipa tawh ka kibang hi.

Jeremiah 23:29

Ka kammal pen mei tawh ahi a, suangtum a satnenzo sek tawh ahi zongin kibang hi lo ahi hiam, Topa in kong ci hi.

Ezekiel 3:3

Amah in, “Mihing ahi Ezekiel aw, ka hong piak laizial ne inla, na gilpi dimtakin ne in,” a hong ci hi. Kei zong tua laizial ka ne a, khuaizu tawh kibangin khum ka sa mahmah hi.

Amos 3:8

Humpinelkai a hawk ciangin lau loin ki-om thei ahi hiam? Topa Pasian in thu a gen ciangin kua in ama thu gen loin om thei ding ahi hiam?

Jonah 1:2

“Kithawi inla, a lian mahmah Nineveh khuapi-ah va pai-in thu va hilh in; bang hang hiam cih leh amau’ gitlohna thu ka za khinzo hi,” a ci hi.

Jonah 1:3

Ahih hangin Topa’ kiang pan Jonah taikhia-in Tarshish khua lamah a taisim dingin a kithawi zawsop hi. Joppa khua-ah paisuk a, Tarshish khua a zuan ding teembaw khat a mu hi. A sap man ding pia-in a tungah kah a, Topa’ kiang pan a taikhia dingin teembaw hawlte tawh Tarshish khua-ah a pai hi.