Jeremiah 20:8 - Tedim Bible

⁸ Bang hang hiam cih leh thu ka gen simin, “Ngongtatna le kisiatna!” ci-in ka kiko den hi. Bang hang hiam cih leh Topa’ kammal ka gen khiatna hangin nisimin simmawhna le zahpihna ka thuaklawh hi.

Tedim Bible Revision 2017

⁸ Bang hang hiam cih leh thu ka gen simin, “Ngongtatna le kisiatna!” ci-in ka kiko den hi. Bang hang hiam cih leh Topaʼ kammal ka gen khiatna hangin nisimin simmawhna le zahpihna ka thuak lawh hi.

Jeremiah 20:8 Referans Kwoze

Jeremiah 6:10

Keimah in ka dawng kik a, “Amaute in a zak theih dingun kua kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

1 PETER MASA 4:14

Khrih nungzui hihna hangin mite’ kosiatna na thuak uhleh note sungah a minthang Kha Siangtho ahi Pasian’ Kha Siangtho hong om ahihna lim ahih manin a hampha mahmah na hi uh hi.

Hebru 13:13

Tua ahih manin eite zong a pualamah pai-in Jesuh tawh maizumna thuakkhawm ni.

Hebru 11:26

Mailamah a thaman ding mukhol thei ahih manin Egypt gam sunga hauhna le nopsaknate khempeuh sangin Khrih hangin simmawhna thuak taakzaw tham hi, ci-in a ngaihsun hi.

Luka 11:45

Tua ciangin Thukham hilh siate khat in Jesuh kiangah, “Sia aw, hih bang thu na gen ciangin kote zong a hong ko bawl na hi hi,” a ci hi.

Jeremiah 28:8

Nang le kei’ ma-in a om, tanglai-a kamsangte in gam tampi le gam liante’ tungah gal ahi zongin, kial ahi zongin, pulnatna ahi zongin hong tung ding hi, ci-in a genkholzo uh hi.

Jeremiah 20:7

Topa aw, kei nong khem a, khemna ka thuak takpi hi. Kei sangin nang na hatzaw a, keimah nong zo hi. Nisimin mite’ nuihsat lel ka suak a, mi khempeuh in kei hong zahko uh hi.

Jeremiah 17:27

Ahih hangin ka thu nong ngaih kei uh a, Sabbath ni siangthosak loin, Jerusalem khua kongpite-ah van pua-in nong lutpih uhleh, tua kongpite ka hal ding hi. A mei in Jerusalem khua kumpi innte lawhin kangtum ding a, a mei a kiphelhzo kei ding hi,’ va ci in,” hong ci hi.

Jeremiah 7:9

Note in na gu-in, tual thatin, ang kawmin, ahi lopi kiciamin, Baal kiangah meihal biakna pia-in, na theih ngei loh uh pasian dangte delhin,

Jeremiah 5:6

Tua ahih manin tulak panin humpinelkai in amaute that ding a, sehnel gam panin keivom in amaute a petgawp ding hi. Kamkei in a khuapite uh limtakin vil gige a, a pusuakkhia peuhpeuh balzan gawp ding hi. Bang hang hiam cih leh amaute’ mawhna tamlua a, hong taisan mun lua uh hi.

Jeremiah 5:1

Jerusalem khua sungah kileh kawikawi un. Khuadak unla en dih un! A thuman gamtat leh thuman a zong mi khat beek na mu uh hiam, zong dih un. Na muh uhleh tua khua’ mawhna ka maisak ding hi.

Jeremiah 15:10

Gimna ka thuak hi; ka nu aw, gam sung khempeuh a mite tawh a kitawng a kisel dingin kei nong suaksak hi. Ka sumte kuamah lah leitawisak loin kuama-a’ lah leitawi la lo napi, a vekpi-un kei hong hamsiat teitei uh hi.

Jeremiah 15:15

Tua ciangin keimah in: Topa aw, nang na thei hi. Hong phawk inla hong veh in. Kei a hong bawlsiate tungah phu hong laksak in. Ka galte tungah na lungduaina hangin kei’ sih nading piangsak kei in. Nangma hangin minsiatna a thuak ka hihlam hong thei in.

Habakkuk 1:3

Bang hangin hih bang siatnate le lungkhamnate hong musak na hi hiam? Kisuksiatna le kisukgawpna in hong umcih a, kitotna le kiselna, mun citengah om hi.

2 KUMPI NIHNATE 2:23

Amah tua lai panin Bethel-ah paito hi. Lampi-ah a paitoh laitakin khuapi panin naupangneu pawlkhat hong paikhia-in amah zahko uh a, “Paito in, nang lukolh pa” a ci uh hi.

Isaiah 57:4

Note in kua mawlpih gawpgawp na hi uh hiam? Kua’ tungah na kam uh ka beba-in na leii uh phen na hi uh hiam? Tawsaw kung lak singkung hing khempeuh nuai-ah pasian biakna-in nulepa mawhna a bawl, kuamsung, suanghawm sungah na tate uh a that note pen khialhna tate, zuauna’ tuletate hi lo na hi uh hiam?