Jeremiah 20:7 - Tedim Bible

⁷ Topa aw, kei nong khem a, khemna ka thuak takpi hi. Kei sangin nang na hatzaw a, keimah nong zo hi. Nisimin mite’ nuihsat lel ka suak a, mi khempeuh in kei hong zahko uh hi.

Tedim Bible Revision 2017

⁷ Topa aw, kei nong khem a, khemna ka thuak takpi hi. Kei sangin nang na hat zaw a, keimah nong zo hi. Nisimin miteʼ nuihsat lel ka suak a, mi khempeuh in kei hong zahko uh hi.

Jeremiah 20:7 Referans Kwoze

Hosea 9:7

Gimthuakna hun hong tungta a, thukkikna hun hong tungta hi. Tua hun ciangin Israel mite in na thei ding uh hi. Note’ mawhna hang le note in kei nong muhdahluat manun, “Hih kamsangpa mihai hi; hih thumu pa lungsim kicing lo hi,” nong ci uh hi.

Kah la 3:14

Mite in sun tawntung hong nuihsan niloh uh a, leitung bup in ciamnuihna-in a hong nei uh hi.

Ezekiel 3:14

Pasian’ kha in hong paikhiatpih laitakin lungkim hetloin ka heh suak mahmah hi. Ahi zongin Topa’ vangliatna in kei hong zozaw hi.

Jeremiah 20:9

Keimah in, “Ama thu ka gen kei ding a, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gimlua a, gen loin ka om thei kei hi.

Hebru 11:36

Mi pawlkhat in simmawhna, satna, sikkol bulhna le thongkiatna zong a thuak uh hi.

1 KORIN MASA 9:6

Kei le Barnabas bek, nektawmzon tawh a thuah ding ka hi zenzen kei uh hi.

Sawltak 17:32

Sihna panin thawhkikna thu Paul in a gen a zak uh ciangin mi pawlkhat in zahpihbawl uh a, ahi zongin mi pawlkhat in, “Hih thu khatvei zakik nuam lai ung,” a ci uh hi.

Sawltak 17:18

Epikuras thu ngaihsutzia le Stoik thu ngaihsutzia a um mite pawlkhat, Paul tawh thu kinial uh a, “Hih mi kipilsak thu mawk gengen pa in bang gennuam ahi hiam?” cihsan uh a, pawlkhat in, “Minam dangte’ pasian thu a gen tawh kibang hi,” a ci uh hi. Paul in Jesuh thu le a thawhkikna thu hilh ahih manin hih bangin a gen uh ahi hi.

Luka 23:11

Tua ciangin Herod le galkapte in Jesuh zahko-in simmawh bawl uh a, kumpi puantualpi a silhsak khit uh ciangin Pilat kiangah a puakkik uh hi.

Luka 16:14

Sum a deih phadiak Farisi mite in hih thute a zak uh ciangin Jesuh a nuihsan uh hi.

Micah 3:8

Ahi zongin kei ahihleh, Israel mite tungah a mawhna uh a genkhia dingin Topa’ kha le a vang tawh ka kidim a, thutang gen ngamna ding lungsim ka nei hi.

Jeremiah 29:26

“Topa in siampi Jehoiada tangin nangmah siampi-in hong koih khinzo a, Topa’ biakinnpi sungah a ukpi ding na hi ta hi. Tua ahih manin thu a hilh mawkmawk mihaite thong kia sakin kol na bulh ding hi.

Jeremiah 17:16

Ahih hangin amaute tungah gimna na tunsak ding kong ngen kei a, siatna ni hong tun ding ka deihsak lohlam zong na hong thei hi. Ka kam panin a gingkhia thu khempeuh na thei khin hi.

Jeremiah 15:18

Bang hangin ka natna dai thei lo a, ka liamna dam thei lo a, dam nuam het lo ahi hiam? Tui a kang lui tawh kibangin lungkiatna hong thuaksak ding na hi hiam, ka ci hi.

Jeremiah 15:10

Gimna ka thuak hi; ka nu aw, gam sung khempeuh a mite tawh a kitawng a kisel dingin kei nong suaksak hi. Ka sumte kuamah lah leitawisak loin kuama-a’ lah leitawi la lo napi, a vekpi-un kei hong hamsiat teitei uh hi.

2 KUMPI NIHNATE 2:23

Amah tua lai panin Bethel-ah paito hi. Lampi-ah a paitoh laitakin khuapi panin naupangneu pawlkhat hong paikhia-in amah zahko uh a, “Paito in, nang lukolh pa” a ci uh hi.

JOB (Job) 12:4

Ka lawmte nangawn in tu-in kei hong nuihsan uh a, kei dikin paubaang lo napi hong nuihsan uh hi. Ahi zongin Pasian in ka thungetna a hong piak hun om hi.

Late 119:51

Mi kiphasakte in kei hong zahko gawp uh a, ahih hangin nangma thupiakna panin kei ka pial kei hi.

Jeremiah 38:19

Kumpipa Zedekiah in kei kiangah, “Babylon mite’ kiangah a tai Judah mite ka kihta hi. Amaute’ khut sungah kei hong kipia leh amaute in kei hong bawlsia ding uh hi,” a hong ci hi.

Jonah 4:2

Topa’ kiangah thu ngen a, “Kong thum hi, Topa aw; ka gam sungah ka omlai pekin hici mah in teh, ci hi lo ka hi hiam? Hanciamin Tarshish khua-ah ka taisimna zong tua hang mah ahi hi; bang hang hiam cih leh nang pen a hehpih thei Pasian, a hehhak, a migi mahmah, siatna tunsak ding a kisiknuam Pasian na hihna kong thei hi.

JOB (Job) 30:9

Tu-in amaute in kei hong simmawh bawlin hong nuihsan uh a, amaute’ ciamnuihna bek ka suak khinta hi.

Isaiah 8:11

Bang hang hiam cih leh Topa in ama vangliatna tawh kei tungah thu hong gen a, hih mite’ lampi ka zuih loh nadingin hong hilhkhol a,