Jeremiah 20:5 - Tedim Bible

⁵ Tua tham loin khuapi sunga hauhna khempeuh, a nasepsa uh khempeuh, a neih a lam a thupiteng khempeuh uh le Judah kumpite’ sumlepai khempeuhte a galte’ khut sungah ka pia ding a, amaute in sutin, manin, Babylon khua-ah a paipih ding uh hi.

Tedim Bible Revision 2017

⁵ Tua tham loin khuapi sunga hauhna khempeuh, a na sep sa uh khempeuh, a neih a lam a thupi teng khempeuh uh le Judah kumpiteʼ sumlepai khempeuhte a galteʼ khut sungah ka pia dinga, amaute in sutin, manin, Babylon khua ah a paipih ding uh hi.

Jeremiah 20:5 Referans Kwoze

Ezekiel 22:25

A uliante uh, ganhing a that humpinelkai hawk tawh kibang uh hi. Amaute in mi thatin, a sum le a neihsa khempeuh laksak uh a, a mi thahna hangun numei tampi tak meigong suaksak uh hi.

Jeremiah 15:13

Topa in, “Na gam sung tenga na bawl uh mawhna khempeuhte’ hangin na neih na lam uh le na sum na paite uh man ngah loin na galte uh ka tuahsakmang ding hi.

Kah la 1:10

A galte in a neih a lam khempeuh a laksak khinmang hi. Biakinnpi sungah lut uh a, Topa in Gentail-te a pai ding a phal lohna munah a lut uh a mu hi.

Jeremiah 17:3

zanglei-a om mualte tungah zong tua mawhna a kilang hi. Na gam sung khempeuh uhah na bawl uh mawhnate hangin na neih na lam uh le na sum na paite uh, na galte uh ka tuahmangsak ding hi.

2 KHANG TANGTHU NIHNATE 36:10

Tua kum khuakhal sungin Kumpi Nebukhadnezzar in mi sawlin Topa’ biakinn-a umlebeel manphate tawh amah Babylon-ah lasak a, Judah le Jerusalem tungah Jehoiakhin’ sanggampa Zedekiah kumpi-in a koih hi.

Daniel 1:2

Topa in kumpi Jehoiakim le biakinnpi na manphate kumpi Nebukhadnezzar a mansak hi. Amah in a mi matte Babylon gam ama pasian biakinn-ah paipih a, na manpha a matte sumkoihna inn-ah a koih hi.

Kah la 4:12

Namdangte’ gam ukte le mi khempeuh Jerusalem a simzo ding kuamah om lo ding hi, ci-in a up laitakun hih thu hong piang hi.

Kah la 1:7

Tu-in Jerusalem kisiazo ta a, nidanga a thupinate a nung phawkkik hi. Galte in a sim laitakin a huh ding khat beek a om kei hi. Guallel ahih manin a galte in a nuihsan uh hi.

Jeremiah 39:8

Babylon mite in kumpipa’ inn le midangte’ innte hal uh a, Jerusalem khua kulhpi a susia uh hi.

Jeremiah 39:2

Zedekiah in a ukzawh kum sawm le kum khat, a kha lina, a ni kua ni-in, kumpipa’ khuapi kulh a hong phulet uh hi.

Jeremiah 12:12

Sehnel gam mualsang panin a susia dingte hong paizo uh hi. Gammong khat panin gammong khat dongah a lungmuang kuamah om lo hi. Bang hang hiam cih leh Topa’ namsau in mi khempeuh a vattuk hi.

Jeremiah 4:20

Siatna khat khit ciangin adang khat hong tung a, gam sung khempeuh kisia khinta hi. Thakhat thu-in ka bukte hong kisuksiatsak a, ka puankhaite kikekgawp hi.

Jeremiah 3:24

“Ahih hangin i neu lai a kipan a zumhuai Baal pasian i biakna hangin i pu i pate’ biakna ahi tuulebawngte, a tapate le a tanute khempeuh uh i sum khinzo hi.

Isaiah 39:6

En in, na innsunga a omte khempeuh le na pu na pate in tuni donga a kholsate, Babylon-ah a kipuak ding ni hong tung ding hi; bangmah kinusia lo ding hi, Topa in ci hi.

Jeremiah 32:24

“‘En in, khuapi lak nadingin kan a to khinzo uh hi. Namsau tawh kithahna hang, kialpi hang, le pulnatna hangin amaute a sim Khaldea mite’ khut sungah khuapi a kipia ding hi. Nong gensa bangin hong tun loh phamawh ahih manin en in, nang’ na mu ta hi.

Hosea 13:15

Israel mite kiak bangin a pung ahi zongin sehnel gam panin nisuahna huih sa mahmah ka nungsak ding a, a tuikhukte uh le a tuinakte uh a kangsak ding hi. Tua huih in a manpha nate le deih theih peuhpeuh leenmang ding hi.