Jeremiah 20:10 - Tedim Bible

¹⁰ Mite’ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khemzo kha ding hi. Tua hileh i zo kha ding a, tua ciangin i thukkik ding hi,” hong ci uh hi.

Tedim Bible Revision 2017

¹⁰ Miteʼ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khem zo kha ding hi. Tua hileh i zo kha dinga, tua ciangin i thukkik ding hi,” hong ci uh hi.

Jeremiah 20:10 Referans Kwoze

Late 41:9

Ka muan, ka lawm it pa, keima an a ne pa nangawn in a khetul tawh kei hong peek vial hi.

Late 31:13

Ka galte’ kihuauna ka za a, ka kiim ka pamah launa om hi. Kei hong langpangin amaute in vai hawmkhawm a, thah dingin kei hong sawm uh hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasian’ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Sawltak 24:13

Tu-a kei hong mawhsaknate uh zong a manna thu hong lakthei het lo ding uh hi.

Ezekiel 22:9

Mi pawlkhatte in midangte a sih theih nadingin zuauthu phuak uh hi. Mi pawlkhat in milim biakna sa ne uh hi. Pawlkhatte amau’ lanna tawh kizui-in gamta tawntung hi.

Jeremiah 6:25

Gamlakah paikhia kei unla, lampi-ah zong pai dah un. Bang hang hiam cih leh i galte in namsau tawi uh a, i kimkot khempeuh a lauhuai hi.

Paunak 10:18

Mi a mudahte bek in zuauthu gen a, mi a gensiate mihai ahi hi.

Luka 20:20

Tua ahih manin a hunhoih ngakin vil gige uh a, ukna aana a neite’ khut sungah Jesuh a aptheih nadingun ama kampau tawh a mat nopna-un, lungsim takpi tawh thudong a va kineihkhem dingin mi pawlkhat thukan dingin a cial uh hi.

JOB (Job) 19:19

Ka lawm it pente nangawn in kei hong muhdah et uh a, ka it pente nangawn in kei hong langbawl uh hi.

1 KUMPI MASATE 21:20

Ahab in Elijah a muh ciangin, “Ka gal pa aw, kei hong mu na hi hiam?” a ci hi. Amah in dawngin, “Topa’ muhna-ah a sia a gamta dingin nangmah kipiatawm na hih manin nang kong mu hi.

1 KUMPI MASATE 19:2

Tua ciangin Jezebel in Elijah kiangah kamtai khat sawlin, “Zing ciang tubang hunin amaute na thah bangin nangmah ka hong thah kei taak le pasian-te in kei hong dawm kei ta hen,” cisak hi.

Sawltak 7:54

A kikhawm uliante in Stefen’ thugen a zak uh ciangin nakpitakin heh uh a, a ha uh gawisan uh hi.

Sawltak 5:33

Uliante in hih thu a zak uh ciangin heh mahmah uh ahih manin sawltakte thah dingin a ngaihsun uh hi.

Late 57:4

Huaihamna tawh mihing a netum, humpinelkai tawh a kibang mite’ lakah ka om hithiat hi. Amau’ hate, namsau hiam tawh kibang hi.

1 KUMPI MASATE 22:27

Tua ciangin, ‘Kumpipa in hih bangin ci hi: “Hih mipa thong sungah koih unla, lungnuamin kei kong ciahkik matengin anletui tawmno cik bek tawh vak un,” ci hi,’ va ci un,” a ci hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih nading, Imlah’ tapa Mikaiah a kici mi khat omlai hi. Ahih hangin amah in kei’ thu a hoih gen ngei loin a sia gen den ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

Jeremiah 11:19

A kigo dingin a kipaipih mawhna a nei lo tuuno bang ka hi hi. Amaute in, “Singkung a gahphat hun laitakin phuktan ni. Ama min a kiphawk nawn loh nadingin amah thatlum ni,” ci-in a gen uh a, kei hong sawmna uh ahihlam ka thei kei kha hi.

Jeremiah 11:21

Tua ahih manin kei hong that nuamin, “Topa’ min tawh thu hilh kei in. Na hilh leh kote’ khutlumin na si ding hi,” a hong ci Anathoth khuamite tawh kisai-in

Jeremiah 20:3

A zing ciangin Pashhur in a kolbulhna panin Jeremiah a khah khit ciangin Jeremiah in, “Topa in nang, Pashhur ci-in hong sam nawn lo a, ‘Mun Khempeuhah Launa,’ ci-in hong samta hi.

Jeremiah 37:13

Benjamin Kongpi ka tun ciangin Shelemiah’ tapa, Hananiah’ tupa Irijah a kici kongcing pa in kei kiangah, “Nang Babylon mite’ lamah a taisim ding na hi hi,” ci-in a hong man hi.

Daniel 6:4

Tua ahih ciangin vaihawmpi dangte le gam ukpite in Daniel’ nasepna encikin a mawhna zon ding a hanciam uh hi. Ahih hangin Daniel pen a thuman le a citak khat ahih manin a mawhna le a simtatna a muzo kei uh hi.

Late 31:14

Ahih hangin nang kong muang hi, Topa aw. Keima Pasian na hi hi.

Late 41:10

Ahih hangin, Topa aw, amaute na thukkik theih nadingin kei hong hehpih inla, hong damsak in.

Jeremiah 1:19

Amaute in nang’ langkhatah hong do ding uh hi. Ahih hangin a hong zo kei ding uh hi; bang hang hiam cih leh Topa in kong cihin-ah, nangmah a hong hu dingin ka hong ompih ding hi,” a hong ci hi.