Jeremiah 2:5 - Tedim Bible

⁵ Topa in hih bangin ci hi: “Na pute na pate uh kei kiang panin gamlapi-ah paikhia-in, bangmahin a kimang lo milim peuh bia-in, amau mahmah zong bangmahin a kimang lo a suah khit nadingun kei tungah bang mawhna hong mu uh ahi hiam?

Tedim Bible Revision 2017

⁵ Topa in hih bangin ci hi: “Na pute na pate uh kei kiang panin gamlapi ah pai khia-in, bangmahin a kimang lo milim peuh bia-in, amau mahmah zong bangmahin a kimang lo a suah khit nadingun kei tungah bang mawhna hong mu uh ahi hiam?

Jeremiah 2:5 Referans Kwoze

2 KUMPI NIHNATE 17:15

Amaute in ama thukhamte, le a pu a pate uh tawh a bawl a thuciamna, le amaute tungah a piak hilhkholhnate simmawh uh hi. Amaute in a mawkna milimte zui-in a mawkna suak uh a, amaute tawh kibangin gamta kei un ci-in Topa in a thupiak tawh kisai-in, amaute in amau’ kiima om minamte zui uh hi.

ROM (Romans) 1:21

Amaute in Pasian thei napi-in a zahtak dingun a kilawm bangin zahtak loin, a tungah a lungdam dingun a kilawm bangin lungdam lo uh hi. Amaute in thuhoih ngaihsun nuam lo uh a, a ngaihsutnate uh a mawknapi a suak hi.

Jonah 2:8

Kimanna a nei lo milim a biate in nangmah hong taisan uh hi.

Late 115:8

Tuate a bawlte le tuate a muangte khempeuh pen tuate mah tawh kibang uh hi.

Isaiah 44:9

Milim a bawl mite khempeuh a mawkna hi a, amau’ deih milimte in phattuamna piangsak lo hi. Milim a biate in khua mu thei loin, thu theithei lo a, amaute in maizumna a thuak uh hi.

1 SAMUEL MASA 12:21

Meetna hong pia thei lo, hong hon thei lo, a mawkna milimte biakna lamah pial kei un; bang hang hiam cih leh tuate pen a mawkna ahi hi.

Thu-hilhkikna 32:21

Amaute in pasian a hilote tawh ka hazat nading hong bawl uh a, a milimte uh tawh kei hong hehsak uh hi. Tua ahih ciangin mi-a a gen taak lo mite tawh amaute’ hazat theih nading ka bawl ding a, a hai mahmah minam khat tawh amaute ka hehsak ding hi.

Sawltak 14:15

“Lawmte aw, bang hangin hih bangin gamta na hi uh hiam? Kote pen note mah bangin mihing ka hi lel uh hi. Bangmahin a kimang lo hih milimte na biakna uh panin kihei-in, vantung, leitung, tuipi le tuate tung le a sunga om khempeuh a bawl a nungta Pasian na biak nadingun Lungdamna Thu note kiangah a gen dingin hih lai-ah a hong om ka hi uh hi.

Jeremiah 2:31

No Israel mite aw, Topa’ kammal limtakin ngai dih un. Israel-te a dingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Mattiu 15:8

‘Hih mite in a kampi bek uh tawh kei hong zahtak bawl uh a, ahi zongin a lungsim taktak uh kei tawh kigamla hi.

Ezekiel 11:15

“Mihing ahi Ezekiel aw, Jerusalem khuasunga teng mite in nang le salin a om na mipihte’ thu gen uh a, ‘Salin a om mite pen Topa tawh kigamla om lua khinta uh hi. Amah in eima luah dingin hih gam hong pia khinta hi,’ ci uh hi.

Jeremiah 14:22

Gamdang pasian zuaute’ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa kote’ Pasian aw, nangmah in tuate khempeuh hih na hih manin nangma sungah lametna kong nei uh hi.

Jeremiah 12:2

Nangmah in amaute na suan a, amaute in zong zung kha-in, khangin, gah hong gah uh hi. A kam uh tawh hong phat khem uh a, a lungsim uh nang tawh kigamla hi.

Jeremiah 10:8

A mipilte uh mihai mimawl ahi uh hi. Sing milim in amaute bangci-in hilh thei mah ding ahi hiam?

Isaiah 29:13

Tua ciangin Topa in, “Amaute’ lungsim kei tawh kigamla napi-in hih mite in a kam uh tawh kei kiangah hong pai uh a, a muk uh tawh kei hong pahtawi-in, amaute in kei hong kihtakna pen mihingte’ thupiak a zuihna uh ahi lel hi.

Isaiah 46:12

“Suahtakna ding haksa mahmah ding hi, a ci lungsim khauh mite aw, ka thu ngai un:

Jeremiah 2:4

Jakob suan le Israel innkuan khempeuhte aw, Topa’ kammal ngai dih un.

Jeremiah 8:19

Ngai un, gam sung mun khempeuhah ka mite’ tanute kap uh a, “Zion khua-ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawngkik a, “Bang hangin milim bawltawmte le a gamdang milimte uh tawh kei hong hehsak ahi uh hiam?” a ci hi.

Ezekiel 14:5

Tua milimte in keima kiang panin Israel mite paikhiatpih uh a, ahi zongin tua bangin ka dawnna tawh kei lamah ka mite ngahkik dingin ka kilamen hi.