Jeremiah 2:35 - Tedim Bible

³⁵ nang in, ‘Kei ka mawh kei hi, kei tungah Pasian heh nawn lo hi,’ na ci hi. En in, ‘Kei ka mawh kei hi,’ na cih manin nang tungah thu kong khen ding hi.

Tedim Bible Revision 2017

³⁵ nang in, ‘Kei ka mawh kei hi, kei tungah Pasian heh nawn lo hi,’ na ci hi. En in, ‘Kei ka mawh kei hi,’ na cih manin nang tungah thu kong khen ding hi.

Jeremiah 2:35 Referans Kwoze

Paunak 28:13

A khialhna a im mite a dau pai lo ding a, a mawhna pulakin a kikheel mite in hehpihna ngah ding uh hi.

ROM (Romans) 7:9

Thukham ka theih ma-in mi nungta ka hi ngei a, thukham ka theih ciangin mawhnopna lungsim hong khangin kei ka si hi.

Jeremiah 25:31

A awging, leimong dongah kithawn ding hi; bang hang hiam cih leh gamte’ langkhatah Topa pang hi. Amah in mi khempeuh thu sit ding a, namsau tawh migilote a thatlum ding hi, Topa in ci hi,’ na ci ding hi.

Jeremiah 2:29

Kei na hong mawhsakna uh bang thu teng tawh ahi hiam? Na vekpi-un kei nong langpan’ khin uh hi, Topa in kong ci hi.

Jeremiah 2:23

Bangci bangin nangmah in, ‘Kei ka nin kei hi. Baal pasian-te’ nung ka zui kei hi,’ bang hangin ci thei ding na hi hiam? Mualkuam zangah a om na lampi totte ento inla, na hihsate mu dih in. A suktai a totai kawikawi kalaoh huk na bang tazen hi.

Jeremiah 2:9

“Tua ahih manin Topa in kong cihin-ah, note kong mawhsaklai ding a, na tate uh’ tate zong ka mawhsak ding hi.

Isaiah 58:3

“Kote in an tang napi-in bang hangin kote hong phawk lo na hi hiam? Kote kiniamkhiatin om napi-in bang hangin kote hong thei kha lo na hi hiam?” hong ci uh hi. Note in an na tan’ uh ciangin nomau’ deihna na zong uh a, na nasemte uh na nengniam uh hi.

JOB (Job) 33:9

Nang in, ‘Kei ka mawh kei a, ka gamta khial kei hi. Ka paubaang kei a, mawhna ka sukha kei hi.

Ezekiel 17:20

Amah a awk theih nadingin ngenthang ka zak ding a, amah ka awksak ding hi. Kei tungah amah hong thutak lo ahih manin Babylon-ah paipihin tua lai-ah gim ka pia ding hi.

Jeremiah 16:10

“Hih thuteng hih mite tungah na gen ciangin amaute in, ‘Bang hangin Topa in hih gimna lianpi eite tungah hong tungsak ahi hiam? I khialhna bang ahi hiam? Topa i Pasian’ tungah bang mawhna bawl ihi hiam?’ hong ci ding uh hi.