Jeremiah 2:32 - Tedim Bible

³² Nungak khat in a kizepnate mangngilh thei ahi hiam? A kipi mothak in a mothak puante mangngilh thei ahi hiam? Ahih hangin ka mite in simzawh loh ni tampi sung a hong mangngilh uh hi.

Tedim Bible Revision 2017

³² Nungak khat in a kizepnate mangngilh thei ahi hiam? A kipi mothak in a mothak puante mangngilh thei ahi hiam? Ahih hangin ka mite in sim zawh loh ni tampi sung a hong mangngilh uh hi.

Jeremiah 2:32 Referans Kwoze

Late 106:21

Amaute in Egypt gam sungah na lianpite a bawl, Ham’ gam sungah na lamdangte le San Tuipi-ah a kihtakhuai nate a bawl, amau’ Honpa, Pasian mangngilh uh hi.

Jeremiah 13:25

Hih pen nangma ngah dingin ka hong sehsak ahi hi, Topa in kong ci hi. Bang hang hiam cih leh kei na hong mangngilh a, pasian zuau peuh na um hi.

Jeremiah 3:21

Mualtung panin awging khat hong kiza a, Israel mite’ kahna le tauna awging ahi hi. Lam a pialna hang uh le Topa a Pasian uh a mangngilhna hang uh ahi hi.

Jeremiah 2:11

Gam khat peuhpeuh in pasian ahi taktak beek lo a pasian-te uh nangawn a khek ngei peuhmah uh hiam? Ahih hangin ka mite in a minthanna uh ahi keimah, bangmahin a kimang lo na peuh tawh hong khek tazen uh hi.

Isaiah 17:10

Nomau hong honkhia Pasian note in mangngilhin, nomau’ belh Suangpi phawk lo na hih manun note in biakna huan bawlin kung hoihte suan a, kung namdangte tawh pehin,

Hosea 8:14

Bang hang hiam cih leh Israel mite in amau a Piangsak pa mangngilh uh a, inn lianpipite a lam uh hi. Judah mite in zong kulhnei khuapi tampi a lamthuah uh hi. Keimah in tua khuapite mei tawh halin a inn lianpite uh ka kangtumsak ding hi, ci hi.

Isaiah 61:10

Topa’ hangin nakpitakin ka lungdam ding a, ka Pasian’ hangin kipakin ka diang ding hi. Bang hang hiam cih leh zipi pa puanhoih tawh kizemin, mothak nu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawh kei hong tuam khin hi.

Late 9:17

Pasian a mangngilh minam khempeuh sung panin migilote, Leinuai-ah pai ding uh hi.

Jeremiah 18:15

Ahih hangin ka mite in kei hong mangngilh khin uh a, milim pasian-te kiangah paknamtui a hal uh hi. Amau’ tot ding lampi-ah tuk uh ahih manin a tot ngei uh lampi lui zui nawn loin, lampi lopi a tawn uh hi.

Jeremiah 13:10

Ka thu hong ngai nuam loin amau’ ngaihsutna bang bekin a pai tentan nuam, pasian dangte’ na a sem ding le a bia dingin a nung a zui hih migilote pen zattheih ding ahi nawn lo, hih dialkaih bang ahi ding uh hi.

Mangmuhna 21:2

Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong paisuk ka mu hi.

Ezekiel 22:12

Pawlkhat in sum deih manin mi that uh hi. Pawlkhatte in a Israel mipih sum leitawi a late tungah nuamtak sa-in a meet lakna tawh hauhlawh uh hi. Amaute in kei hong mangngilh uh hi, Topa Pasian in ci hi.

Piancilna 24:22

Kalaohte in tui a dawn khit ciangin mipa in shekel lang a gik kham nakbah khat le shekel sawm a gik kham tau nih tua nu a dingin la-in pia a,

2 SAMUEL NIHNA 1:24

“No Israel numeite aw, Saul’ hangin kap un. Puansan neel a silh, na puan tung uhah kizepna kham a suangte aw, ama hangin kap un.

Piancilna 24:53

Nasempa in ngun le kham kizepnate le puante hong suahkhia-in Rebekah a pia hi. A sanggampa le a nu zong a manpha kizepnate a pia hi.

Piancilna 24:30

Amah in nakbah le a sanggamnu’ khut tunga taaute a muh ciang le, “Mipa in hih bangin kei tungah hong gen,” ci-in a sanggamnu Rebekah’ kam gen a zak ciangin, mipa kiangah a pai ahi hi. Tuikhuka kalaohte kiangah amah na ding hi.

Isaiah 57:11

Nang zuautatin kei na hong phawk kei hi. Kei na hong ngaihsut loh nading a piangsak zah dingin hih pasian-te bang hi leltak ahi hiam? Sauveipi sung pau loin ka om hithiat manin kei hong zahtak lo na hi hiam?

Jeremiah 2:33

Na lawm ngaih ding na zon siam mahmah a, numei gilote nangawn a zia na hilh thei zen hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Honkhia pa thusim lo uh hi.

Thukhente 8:34

Israel mite in, mun khempeuh panin amau’ galte’ khutsung pan a honkhia Topa a Pasian uh phawk lo uh hi.

Jeremiah 23:27

A pute a pate un kei’ min hong mangngilhin Baal a biak uh bangin a mangmat uh a gen kawikawina uh tawh ka mite in ka min hong mangngilh ding uh hi, ci-in a ngaihsun uh hi.