Jeremiah 2:31 - Tedim Bible

³¹ No Israel mite aw, Topa’ kammal limtakin ngai dih un. Israel-te a dingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Tedim Bible Revision 2017

³¹ No Israel mite aw, Topaʼ kammal limtakin ngai dih un. Israel-te adingin gamlak tawh kibang ngei ka hi hiam? A mial mahmah gam tawh kibang ngei ka hi hiam? Tua ahihleh bang hangin ka mite in, ‘Ko ka suakta uh hi; nang kiangah kong pai nawn kei ding uh hi,’ ci uh ahi hiam?

Jeremiah 2:31 Referans Kwoze

Thu-hilhkikna 32:15

“Israel mite thau mahmah uh a, a lehdo thei mi suak uh hi. Note thau-in lianpi pha-in, na zol uh hi. Tua ciangin amaute a bawl Pasian amaute in nusia-in, amau a Honkhia pa thusim lo uh hi.

1 KORIN MASA 4:8

Na deih khempeuh uh neikhin na kisa uh a, haukhin na kisa uh hi. Kote’ om loh kalin kumpi a suak khinin na kingaihsun uh hi. Note tawh kumpi hikhawm ding ihih manin kumpi taktak a suak takpi na hi le-uhcin ka ut mahmah hi.

Micah 6:9

Topa, zahtak ding kilawm hi. Khua sungah amah hong kiko a, “Ngai un, khuapi sungah a hong kikhawm mite aw.

Amos 1:1

Tekoa khua-a a teng tuucingte lakah Amos a kici mi khat om hi. Uzziah pen Judah kumpi hi-in Joash’ tapa Jeroboam in Israel kumpi a sep laitak, zinlin’ ma kum nih hun laitakin Pasian in Amos tungah hih thute kilangsak hi.

Hosea 13:6

Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Isaiah 45:19

Keimah in mun simtham, khuamialna gam sungah thu ka gen kei hi. Jakob suanlekhakte tungah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.

Paunak 30:9

Haulua leng nang hong nialin, “Topa i cih kua ahi hiam?” kong ci kha ding a, zawnglua leuleu leng mi’ na guksakin ka Pasian’ min kong daisak khazel ding hi.

Late 10:4

Migilo in kiphatsakna lungsim nei a, Topa zong lo hi. Ama ngaihsutna khempeuhah, “Pasian om kei,” a ci hi.

2 KHANG TANGTHU NIHNATE 31:10

Zadok’ suan ahi siampi lianpen pa Azariah in amah dawngin, “Amaute in amau’ piakte uh Topa’ biakinn sungah paipih ding hong kipat uh a kipan kote in an ka ne uh a, a kicing nei-in tampi vallai hi. Topa in ama mite thupha pia ahih manin hih na tampi a omlai i nei hi,” a ci hi.

Thu-hilhkikna 31:20

Bang hang hiam cih leh a pu a pate uh tungah piak dinga ka kiciamna, bawngnawi le khuaizu tui bangin a luanna gamah amaute tunpih khinin, amaute in ne-in khamin a thau khit uh ciangin, pasian dangte a bia dingin kihei-in kei hong simmawhin ka thuciamna siasak ding uh hi.

Jeremiah 2:20

“Sawtpek lai a kipanin ka hakkol kuaitanin ka ukna nong nial a, hong kihenna khau sutatin, ‘Na na ka sem kei ding hi,’ na hong ci hi. Numei paktatte na bang uh a, mual sang tung teng le sing liim nuai tengah milim na bia kawikawi uh hi.

Jeremiah 2:25

Na khe guakin lam pai kei inla, na dang taaksak kei in, kong cih hangin, nangmah in, ‘Bang phamawh ahi hiam? Gamdang pasian-te ka it a, amau’ nung ka zui ding hi,’ na ci hi.

Thu-hilhkikna 32:18

Note a hong Honkhia pa na phawk kei uh a, note a hong suaksak Pasian na mangngilh uh hi.

1 KUMPI MASATE 11:22

Ahih hangin Faro in ama kiangah, “Nangma gamah ciah ding na hanciam nadingin kei tawh na omna-ah bang kitangsapna nei na hi hiam?” a ci hi. Ahi zongin amah in Faro’ kiangah, “Hong paisak hoh in,” a ci hi.

JOB (Job) 21:14

“Migilote in Pasian nawlkhin uh a, Pasian in amau’ nuntak ding a deihsakte thei nuam lo uh hi.

Jeremiah 5:5

Miliante kiangah pai-in ka va kiho ding uh hi. Amaute in Topa’ lampi thei uh a, amau’ Pasian’ deihna thei uh hi,” ci-in ka ngaihsun hi. Ahih hangin a vekpi-un ka uk ding nial khin uh a, ka hakkol kuaitanin ka henna khaute sutat khinzo uh hi.

Jeremiah 5:6

Tua ahih manin tulak panin humpinelkai in amaute that ding a, sehnel gam panin keivom in amaute a petgawp ding hi. Kamkei in a khuapite uh limtakin vil gige a, a pusuakkhia peuhpeuh balzan gawp ding hi. Bang hang hiam cih leh amaute’ mawhna tamlua a, hong taisan mun lua uh hi.

Ezekiel 14:5

Tua milimte in keima kiang panin Israel mite paikhiatpih uh a, ahi zongin tua bangin ka dawnna tawh kei lamah ka mite ngahkik dingin ka kilamen hi.