Jeremiah 2:27 - Tedim Bible

²⁷ Amaute in singtawng khat kiangah, ‘Nang pen ka pasian na hi hi,’ ci uh a, suangtum khat kiangah, ‘Ka pianna ka nu na hi hi,’ peuh a ci uh hi. Bang hang hiam cih leh amaute in kei hong nungngatin hong maingat lo uh hi. Ahih hangin haksatna a tuah uh ciangin, ‘Tho inla hong hon in,’ hong ci uh hi.

Tedim Bible Revision 2017

²⁷ Amaute in singtawng khat kiangah, ‘Nang pen ka pasian na hi hi,’ ci uh a, suangtum khat kiangah, ‘Ka pianna ka nu na hi hi,’ peuh a ci uh hi. Bang hang hiam cih leh amaute in kei hong nungngatin hong maingat lo uh hi. Ahih hangin haksatna a tuah uh ciangin, ‘Tho inla hong hon in,’ hong ci uh hi.

Jeremiah 2:27 Referans Kwoze

Isaiah 26:16

Topa aw, ka cihmawh uh ciangin nang kong zong uh a, nangma hong taina pen kote nong gimpiakna ahi hi.

Hosea 7:14

Amaute in lungsim takpi tawh kei tungah huhna hong ngen lo uh a, dawibia mite bang lelin a gamta uh hi. An le leenggahzu a nget uh ciangin zong lawkite bangin a ngen uh hi. Amaute in kei hong lehdo uh hi.

Hosea 5:15

Ka mite in a mawhna hangun gimna thuakin kei hong zonkik mateng ka tuaci nusiat phot ding hi. A lungkham uh ciangin kei hong zong ding uh hi.

Ezekiel 23:35

“Tu-in Topa Pasian in hih bangin gen hi: Nangmah in kei hong mangngilhin hong nungngat na hih manin na hukna le na paktatna hangin na thuak ding hi,” a hong ci hi.

Ezekiel 8:16

Tua ciangin biakinn tual sungnungah hong paipih hi. Tua lai-ah biakinn kongkhak gei, biakna taute le innliim kikal sanah mihing sawmnih le nga khawng na om a, biakna tau nungngatin nisuahna lam nga-in nisuak tung na bia uh hi.

Jeremiah 32:33

Amaute in kei hong nungngatin hong maingat lo uh a, ka hilh tawntung hangin ka hilhna a hong mang kei uh hi.

Jeremiah 22:23

Lebanon gam panin a kila taamtak inn sungah nuamtakin na teng uh hi. Ahih hangin gimna hong tun ciangin bangzah takin na tau ding uh hiam? Numei nausuak dingte tawh na kibang ding uh hi.

Jeremiah 18:17

Nisuahna lam huih in nin a mutmang bangin a galte uh mai-ah amaute ka thehthang ding hi. Haksatna a tuah ni-un amaute ka nungngat ding a, ka maingat kei ding hi,” hong ci hi.

Jeremiah 10:8

A mipilte uh mihai mimawl ahi uh hi. Sing milim in amaute bangci-in hilh thei mah ding ahi hiam?

Jeremiah 2:24

Gamlak nuam a sa, lano hukte na bang tazen hi. A huk laitakin kua in khamzo ding ahi hiam? Amah a hih nuam peuhpeuh in haksa loin, a ut hunhunin a ngah lel ding uh hi.

Jeremiah 3:9

Tua bang hih ding amah in baih ngaihsut lel ahih manin suangtum le singtawng peuh bia-in khial a, gam a ninsak hi.

Jeremiah 30:7

Nu e! Tua ni lianpi hong tung ding a, nidang tawh tehtheih ding hi lo hi. Jakob suante’ gimhun hi ding a, ahih hangin amaute suakta veve ding uh hi.

Jeremiah 37:3

Kumpi Zedekiah in Shelemiah’ tapa Jehukal le Maaseiah’ tapa siampipa Zefaniah keima kiangah hong sawl a, “Topa i Pasian’ kiangah kote a dingin thu hong ngetsak in,” ci-in a hong gensak hi.

Daniel 9:7

Topa, nang na hih leh na siangtho a, ahih hangin kote ka hih uhleh a zumhuai-in ka gamta uh hi. Judah gam le Jerusalem khuasunga teng Israel mite khempeuh thuman lo uh ahih manin, a nai a gamla gam tuamtuamah na thehthangzo hi.

Hosea 4:12

Ka mite in aisanin singthem peuh thudotin nei uh a, amau’ thu theihnopte, ciangkang peuh in gen tazen hi. Amaute in kei hong taisan uh a, a paktat numei bangin pasian dangte a zuan uh hi.

2 KHANG TANGTHU NIHNATE 29:6

Bang hang hiam cih leh i pute i pate citak lo a, Topa i Pasian’ muhna-ah a sia gamta uh hi. Amaute in amah nusia-in, Topa i Pasian’ muhna-ah a sia gamta uh hi. Amaute in amah nusia-in, Topa’ tenna panin a mai uh heikhia uh a, a nung uh ngat uh hi.

Jeremiah 42:2

kei kiangah, “Kong thumna uh hong ngai inla, a hong kinusia ko teng a dingin Topa na Pasian kiangah thu hong ngetsak in. Bang hang hiam cih leh khatvei lai-in mi tampi ka hih uh hangin tu-in nong muh bangin mi tawmno khat bek ka hita uh hi.