Jeremiah 2:2 - Tedim Bible

² “Pai inla, Jerusalem khuamite’ zak dingin va taangko in. Topa in kong cihin-ah: Na khangno lai-a nong kipiakna, na mothak lai-a nong itna, a kikho nai lo gamlakah kei’ nung nong zuih lai hun ka phawk hi.

Tedim Bible Revision 2017

² “Pai inla, Jerusalem khua miteʼ zak dingin va taangko in. Topa in kong cih in ah: Na khangno lai-a nong kipiakna, na mothak lai-a nong itna, a kikho nai lo gamlak ah keiʼ nung nong zuih lai hun ka phawk hi.

Jeremiah 2:2 Referans Kwoze

Ezekiel 16:60

Ahi zongin na neu lai-a nang tawh i thuciamna lenkipin, a kimang tawntung ding thuciamna nang tawh ka bawl ding hi.

Ezekiel 16:8

“Nang kong muhkhak kik ciangin pasal nei thei ding hun na hita hi. Na pum guakin a om kimlai, ka puan tawh kong khuh a, na zumhuaina-teng hong seelsakin, tenpih dingin kam kong ciam hi. Kong kamciamna tangtung sakin nang pen keima-a’ nong suak hi, Topa Pasian in ci hi.

Jeremiah 11:6

Tua ciangin Topa in kei kiangah, “Hih thuciamna thute ngai-in a sep nadingun Judah gam khuapite le Jerusalem khua kongzing lakah va taangko in.

Jeremiah 7:2

“Topa’ biakinn kongkhakpi kiangah ding inla, hih thuteng va taangko in: Topa a bia dingin kongkhak sunga hong tum Judah mite aw, Topa’ kammal ngai dih un.

Thu-hilhkikna 2:7

“‘Bang hang hiam cih leh na sepna khempeuh uhah Topa na Pasian un note thupha hong pia hi. Hih a zai sehnel gam na paina uh amah in hong thei hi. Hih kum sawmli sung Topa na Pasian uh no tawh hong om hi. Bangmah na kisam kei uh hi, ci-in gen in,’ hong ci hi.

Hosea 2:15

Tua lai panin a leenggui lote ka piakik ding a, Lungkhamna Kuam a cihnopna Akhor Kuam pen lametna kongpi ka suaksak ding hi. Egypt panin a paikhiat, a nungakno hun lai mah bangin ka thugennate hong ngai ding hi.

Jeremiah 2:6

Amaute in, ‘Egypt gam panin eite hong paikhiatpihin sehnel lak le dum lak, lei keu lak le a lauhuai khuamial bekbak lak, kuama pai ngei lohna mun, kuama ten lohna gamlakah a hong makaih Topa koi-ah om ahi hiam?’ ci beek lo uh hi.

Thu-hilhkikna 8:2

A thupiakte na zui uh hiam, na zui kei uh hiam cih a theih nadingin note hong niamkhiatin, na lungsim uhah bang om hiam cih a theih nadingin Topa na Pasian un sehnel gamah hih kum sawmli sung note hong paipihna lampi khempeuh na ciamteh ding uh hi.

Paikhiatna 14:31

Israel mite in Egypt mite’ tungah Topa’ bawl nasepna lianpi mu uh a, mite in Topa a zahtak uh hi. Amaute in Topa le ama nasem Moses a um uh hi.

Mattiu 11:15

Tua ahih manin bil neite in na za ta un.

Luka 12:13

Tua laitakin mihon lak panin mi khat in Jesuh kiangah, “Sia aw, ka pa un a hong sihsan gamh pawlkhat tawh ka u in kei hong inntuan nadingin hong gensak in,” a ci hi.

Jonah 1:2

“Kithawi inla, a lian mahmah Nineveh khuapi-ah va pai-in thu va hilh in; bang hang hiam cih leh amau’ gitlohna thu ka za khinzo hi,” a ci hi.

Hosea 8:1

Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Ezekiel 23:19

A paktatna uang semsem a, a nungak lai-in Egypt gamah a paktat mah bangin gamta niloh hi.

Ezekiel 23:8

A nungakna beisakin, Egypt gam a a paktat mah zom lailai hi. A nungak tung a kipanin mite in luppihin numei paktatte bangin bawlin a ututun hih uh hi.

Ezekiel 23:3

Amaute Egypt-ah a omlai, a khangno laitakun, a nungakna lim uh bei-in numei paktat a suak uh hi.

Ezekiel 16:22

Hih bangin numei paktat nuntakna tawh a mindaihuai-in na om laitakin na neulai thu, guaktangin na omlai, sisan naisan lakah na kitomtom lai thu na phawkkha kei hi.

Jeremiah 19:2

nisuahna lam kongpi gei, Hinnom kuam-ah pai-in, kong gen thute tua lai-ah va taangko in.

Isaiah 58:1

Na aw siit hetloin nakpitakin kiko inla, peengkul aw bangin gingsak in. Ka mihingte tungah amau’ khialhnate gen inla, Jakob innkuan tungah amau’ mawhnate gen in.

Solomon la 3:11

Jerusalem nungakte aw, hong pai unla, Kumpi Solomon en dih ve un. A zi neih ni, a lungdam ni-a, a nu in amah a khuksak Kumpi lukhu hong khu hi.

Paunak 1:20

Ngai in! Kongzing lampi le van kizuakna phualpi-ah pilna hong kiko hi.

Paikhiatna 16:8

Moses in, “Ama tungah na phunnate uh Topa in a zakna hangin, Topa in note’ tungah nitak an nek ding sa, zingsangin na kham tak uha na nek ding uh an hong piak ciangin - kote pen a bang hi mawk ka hi uh hiam? Note’ phunnate pen kote’ tung hi loin Topa’ tung ahi hi,” a ci hi.

Jeim 4:4

A citak lo mite aw, leitung tawh kipawlna pen Pasian tawh kigalneihna ahih lamtak thei lo na hi uh hiam? Leitung tawh a kipawl mite pen Pasian tawh a kigalneih dingin a kibawlbawl ahi uh hi.

Mangmuhna 2:4

Ahi zongin note ka hong mawhsakna khat om a, tua in: A masa lai-a kei na hong it bangun tu-in na hong it nawn kei uh hi.

Late 129:1

“Ka neu lai a kipanin nakpitakin amaute in kei hong gimsak uh hi,” Israel in tu-in ci tahen.

Jeremiah 2:1

Topa in kei hong hopih a,

Jeremiah 3:4

“Tumahin kei nong sam a, ‘Ka pa aw, ka neulai pek pan ka lawm na hi hi

Hosea 2:7

Amah in a pasal dangte delh ding a, ahi zongin amaute kiang tung zo lo ding hi. Amah in amaute zong niloh ding a, ahi zongin mu zo lo ding hi. Tua ciangin amah in, “Ka pasal masa kiangah ciahkik ning; tu-a bangin ka om sangin ama kiang nuamzaw ding hi,” a ci ding hi.

Thu-hilhkikna 33:3

Hi taktak hi; amah in a mite it a, ama tungah a ki-ap mi khempeuh a khut sungah om hi. Tua ahih ciangin amaute in na kalsuanna hong zui uh a, nang tung panin lamlahna ngah uh hi.

Solomon la 3:6

Myrrh paknamtui le saledi pak namtui a kihel tawh a kibang, sumbuk a paknamtui om khempeuh a kihal khin a khu tawh a kibang, gamlak a hong khuto henhan bang ahi hiam?

Hosea 2:17

Ama kam panin Baal pasian min ka pulaksak nawn kei ding a, a min kilokha nawn lo ding hi.

Hosea 9:10

Topa in hih bangin gen hi: Israel kong muh cil-in hoih mahmah a, sehnel gam sunga a gah a zun kiuhkeuh leenggah tawh kibang hi. Na pu na pate uh ka muh cil-in hoih mahmah a, a hun ciangin a min a zun sitset theigah muh tawh kibang hi. Ahi zongin Baalpeor a tun uh ciangin amaute in Baal milim bia pah uh ahih manin, amau’ biak milimte ka muhdah zahin amaute nangawn ka mudah pah hi.

Hosea 11:1

Israel a neu lai-in ka it mahmah a, Egypt gam panin ka tapa ka samkhia hi.