Jeremiah 19:3 - Tedim Bible

³ Nangmah in, ‘Judah kumpite le Jerusalem khuamite aw, Topa’ kammal ngai un. Vanglian Topa, Israel mite’ Pasian in hong cihin-ah: En un, hih munah kong tunsak ding siatna lianlua ahih manin a za mi khempeuhte’ bil sungah ging den ding hi.

Tedim Bible Revision 2017

³ Nangmah in, ‘Judah kumpite le Jerusalem khua mite aw, Topaʼ kammal ngai un. Vanglian Topa, Israel miteʼ Pasian in hong cih in ah: En un, hih munah kong tunsak ding siatna lian lua ahih manin a za mi khempeuhteʼ bil sungah ging den ding hi.

Jeremiah 19:3 Referans Kwoze

1 SAMUEL MASA 3:11

Tua ciangin Topa in Samuel kiangah, “En in, a za mite khempeuh’ bil nihte a vut ding na khat Israel-te’ sungah a sem ding ka hi hi.

Jeremiah 17:20

‘Hih kongpi sunga hong lut no Judah gam kumpite, Judah mi khempeuh, le Jerusalem khuami khempeuhte aw, Topa’ kammal ngai un.

Jeremiah 6:19

Leitung aw, ngai in! En un, hih mite tungah a thuak ding mahun a kilawm siatna ka tungsak ding hi. Bang hang hiam cih leh ka thu hong ngai lo uh a, ka thukhamte a nial uh hi.

Isaiah 28:19

Hong nawk sialin note hong ban ding hi; bang hang hiam cih leh zingsang khat khit zingsang khat, sun le zanin hong nawk tawntung ding hi. Topa’ tung panin na zak uh thute a banbanin launa lianpi vive hi ding hi.

Mangmuhna 2:29

Tua ahih manin zak nading bil a neite in Kha Siangtho in pawlpite kiangah a gen thute na za un.

Mattiu 10:18

Keima hangin gam ukte le kumpite mai-ah thu hong kisit ding hi. Hih bang na tuah uh ciangin thu hong sit mite le Gentail mite tungah Lungdamna Thu gentheih nading hunhoih a nei na hi uh hi.

Jeremiah 13:18

Topa in kei kiangah, “Kumpipa le a nu kiangah, ‘Na kumpi tokhomte tung panun hong tuaksuk un. Bang hang hiam cih leh na kumpi lukhute uh na lu tung uh panin kia khinzo hi,’ va ci in.

Late 110:5

Nangma taklamah Topa hong om a, ama heh ni-in kumpite a zogawp ding hi.

Late 102:15

Minamte in Topa hong zahtakin, leitung kumpi khempeuh in na minthanna hong zahtak ding uh hi.

Late 2:10

Tua ahih ciangin kumpite aw, tu-in pil ta un; leitung gam a ukte aw, tu-in thu phawk ta un.

Jeremiah 19:15

“Vanglian Topa, Israel mite’ Pasian in a cihin-ah: En un, hih khuapi le a kiima khuaneute tungah ka gensa siatna khempeuh ka tungsak ding hi. Bang hang hiam cih leh amaute in a lungsim uh khauhsak uh a, ka thute a ngai nuam kei uh hi, ci hi,” ka ci hi.

Jeremiah 35:17

Tua ahih manin keimah Topa Vanglian Pasian in kong genin-ah: En un, Judah mite le Jerusalem khua-ah a teng mi khempeuh tungah a tung dingin ka gen khiatsa khempeuh ka tungsak ding hi. Bang hang hiam cih leh amau tungah ka gen hangin amaute in ka thu hong ngai lo uh a, amaute ka sap hangin hong dawngkik lo uh hi, ci hi, ci-in va gen in,” a hong ci hi.

Jeremiah 18:11

Tua ahih manin tu-in, Judah mite le Jerusalem khuamite’ kiangah Topa in a cihin-ah, ‘En un, note’ siatna ding ka geel a, note’ langkhatah ngimna khat ka nei hi. Na vekpi-un na siatna uh pan kilehkik unla, na omdan uh le na nasepnate uh bawlpha un,’ va ci in.

Jeremiah 25:29

Bang hang hiam cih leh en un, ka min tawh a kilo khuapi sungah suksiatna ka pan ding hi. Note in bangmah a thuak lo ding kisa na hi uh hiam? Gim thuak loin na om kei ding uh hi; bang hang hiam cih leh Vanglian Topa in kong cihin-ah, leitung a teng mite khempeuh a that dingin namsau khat ka sawl hi,’ ci in.

Jeremiah 44:3

Bang hang hiam cih leh amaute in ka heh nadingin gitlohna bawl uh a, amaute a kipan note le na pu na pate un a theih ngei loh uh pasian-te’ na semin paknamtui halin a bia uh hi.

Ezekiel 7:5

Topa Pasian in a gen thu in: “Note’ tungah haksatna khat khit khat a banbanin hong tung thuahthuah ding hi.