Jeremiah 19:13 - Tedim Bible

¹³ Jerusalem khua-a innte le Judah kumpite’ innte a kipan, innkhum zangah vantung a aksite khempeuh tungah paknamtui hal biakna a kipiakna innte le pasian dangte tungah dawn ding biakna a kibuakna innte khempeuh a vekin Tofeth mun bangin a nin a suak ding hi, ci hi, va ci in,” hong ci hi.

Tedim Bible Revision 2017

¹³ Jerusalem khua-a innte le Judah kumpiteʼ innte a kipan, innkhum zang ah vantung a aksite khempeuh tungah paknamtui hal biakna a kipiakna innte le pasian dangte tungah dawn ding biakna a kibuakna innte khempeuh a vekin Tofeth mun bangin a nin a suak ding hi, ci hi, va ci in,” hong ci hi.

Jeremiah 19:13 Referans Kwoze

Jeremiah 32:29

Hih khuapi a sim Khaldea mite hong pai-in mei tawh khuapi a hal ding uh a, ka heh nadingin innkhum tungah Baal milimte paknamtui halna tawh a biakna innte uh le pasian dangte’ kiangah tuidawn biakna a piakna uh innte zong a haltum ding hi.

2 KUMPI NIHNATE 23:12

Tua ciangin Judah kumpite in a bawlsa, Ahaz’ inndei tungnung khumzanga a om biakna taute, le Topa’ biakinn tual nihte sungah Manasseh in a bawlsa biakna taute, amah in phelin satnen a, tua a vuite Kidron lui-ah a paai hi.

Zefaniah 1:5

Innkhum zangah kahto-in, ni, kha, le aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.

Jeremiah 7:18

Naupangte in sing tomin, a pate un mei tawh uh a, nupite in a nusian uh vantung kumpinu a’ ding moh bawlna ding annel meek uh a, kei hong hehsak nadingun, pasian dangte’ dawn dingin leenggahzu tawh biakna a pia tazen uh hi.

Thu-hilhkikna 4:19

Note in na mit uh tawh vantung lam ento-in, ni le kha le aksite, vantung na khempeuh na muh uh ciangin, mun khempeuh a mite’ tungah Topa na Pasian un a piak nate’ lamah kihei-in tuate bia-in a na na sep khak loh nading uh kidawm un.

Jeremiah 44:18

Ahih hangin vantung kumpinu kiangah paknamtui halna le tuidawn biakna ka hih nawn loh uh a kipan bangmah ka nei nawn kei uh a, namsau le kial in hong thatlum zawsop hi,” a hong ci uh hi.

Late 79:1

Pasian aw, na luah gam sungah dawibiate hong pai uh hi. Amaute in na biakinn siangtho ninsak gawp uh a, Jerusalem khuapi siasak gawp khin uh hi.

Late 74:7

Amaute in mei tawh na biakinn hal uh a, nangmah hong kibiakna mun a susia uh hi.

2 KUMPI NIHNATE 23:10

Tua ciangin kuamah in Molek pasian tungah a tanu ahi a, a tapa ahi zongin biakna-in a hal theih nawn loh nadingin Hinnom Kuam sunga om Tofeth kici milim biakna mun a susia hi.

Sawltak 7:42

Tua ahih manin kamsangte laibu sungah, ‘Israel mite aw, gamlakah kum sawmli sung, gan go-in biakna na piakte uh kei tunga nong piak uh hi lo hi. Note in na puak uh puanbuk pen Molok pasian milim puanbuk le note’ aksi pasian Refan’ puanbuk ahi hi. Tuate pen na biak dingun note’ bawltawm milim ahih manin Babylon khuapi khen pekah salin ka hong paisak ding hi,’ ci-in a kigelh mah bangin Pasian in amaute nungngat a, vana om aksite a bia dingin amaute a sawlkhia hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khat peuhpeuh ahi zongin a muh uh ciangin tua bang mun khempeuhah biakna a pia uh hi. Meihal biakna a piakna uh le tuiphih biakna a piaknate uh tawh kei hong hehsak uh hi.

Jeremiah 52:13

Amah in Topa’ biakinnpi a kipan kumpipa’ inn le Jerusalem khua-a inn lian khempeuh a hal hi.

2 KUMPI NIHNATE 23:14

Tua ciangin amah in a biakna songte satkhamin, Asherah milimte phuk a, mihing guh tawh a dim tua munte a vuk hi.

Sawltak 10:9

A zing ciangin Joppa khua-ah amaute a tun dektak laitakun, thungen dingin sun laitakin innkhumzangah Peter a kahto hi.

2 KUMPI NIHNATE 17:16

Amaute in Topa a Pasian uh thupiakte khempeuh nusia-in amau a dingin a kisung bawngno lim nih bawl uh hi. Amaute in Asherah milim khat bawl uh a, vantung a om nate khempeuh bia-in Baal milim na sem uh hi.

Jeremiah 8:2

Amaute in a it uh, a na a sepsak uh, a delh uh, a zon uhleh a biak uh ahi ni le kha le vana om nate khempeuh mai-ah a kiphokhia ding hi. Tua guhte kikhawm nawn lo ding a, kiphum nawn lo ding hi. Leilak a ek kinusia bang ahi lel ding hi.

Jeremiah 19:12

Topa in kong cihin-ah, hih mun le hih mun a teng mite tungah tu-a bangin ka hih ding a, hih khuapi Tofeth ka bangsak ding hi.

Isaiah 22:1

Maangmuhna Kuam tawh kisai thu hih bangin gen hi: Kikona tawh a kidim, a gamlum khuapi, lungdamin a diang khua aw, note khempeuh, innkhumzangah na kah toh uh bang na cihnopna uh ahi hiam? A kithat nangma mite pen namsau tawh a kithat hi lo a, galsung a si hi lo uh hi.