Jeremiah 18:8 - Tedim Bible

⁸ tua ka gensa minam le gam a siatna panin a kiheikik leh, ama tungah siatna tunsak dingin ka sehsa pen ka kisikkik ding a, ka tungsak nawn kei ding hi.

Tedim Bible Revision 2017

⁸ tua ka gen sa minam le gam a siatna panin a kiheikik leh, ama tungah siatna tunsak dingin ka seh sa pen ka kisikkik dinga, ka tungsak nawn kei ding hi.

Jeremiah 18:8 Referans Kwoze

Ezekiel 18:21

“Migilo khat in a mawh bawlna khawlin ka thukham zui hen la, a hoih a manin gamta leh, tua mipa si lo ding a, pel loin nungta ding hi.

Jeremiah 26:13

Tua ahih manin tu-in na nuntak dante uh le na gamtatziate uh kheel unla, Topa na Pasian uh thu ngai un. Tua hileh Topa in note’ kisiatna ding a gensa thu a kheelkik ding hi.

Hosea 11:8

Israel mite aw, bangci-a hong nusia thei ding a, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua banga hih ding ka lungsimah om lo hi.

Jeremiah 26:3

Amaute in na thugen hong ngai-in, a gitlohna uh pan kihei khathei ding uh hi. Tua hileh amau’ gitlohna hanga amaute suksiat dingin ka ngaihsutsa ka kheelkik ding hi.

Thukhente 2:18

Topa in amaute a dingin thukhente a khansak sialin Topa in thukhente huh a, thukhente’ nuntak sung tawntung a galte uh khutsung panin amaute hon hi. Bang hang hiam cih leh amaute a gimsak a nengniamte’ hangin amau’ tauna in Topa’ hehpih nading piangsak hi.

Late 106:45

Amaute a’ ding a ngaihsutna-in ama thuciamna phawk a, ama itna kip tawh kizui-in a kolsak hi.

Late 135:14

Bang hang hiam cih leh Topa in ama mite’ thu khenin, ama nasemte tungah hehpihna a nei ding hi.

Late 90:13

Topa aw, hong kihei kik in. Bang tan sauvei ding hiam? Na nasemte hong hehpih in.

2 KHANG TANGTHU NIHNATE 12:6

Tua ciangin Judah uliante le kumpipa kiniamkhiatin, “Topa thuman hi,” a ci uh hi.

Thu-hilhkikna 32:36

Bang hang hiam cih leh amaute’ vang a beina le sila le sila a hilote a beina a muh ciangin Topa in a mite’ dikna kilangsak ding a, ama nasemte tungah hehpihna nei ding hi.

Paikhiatna 32:12

Bang hangin Egypt mite in, ‘Mualtungah amaute a that ding le leitung panin amaute a beisak dingin siatna ngaihsutna tawh amah in amaute paikhiatpih hi,’ ci ding uh ahi hiam? A kihtakhuai na hehna daisak inla, na lungsim kheelin na mite tungah hih siatna tungsak kei in.

Jonah 4:2

Topa’ kiangah thu ngen a, “Kong thum hi, Topa aw; ka gam sungah ka omlai pekin hici mah in teh, ci hi lo ka hi hiam? Hanciamin Tarshish khua-ah ka taisimna zong tua hang mah ahi hi; bang hang hiam cih leh nang pen a hehpih thei Pasian, a hehhak, a migi mahmah, siatna tunsak ding a kisiknuam Pasian na hihna kong thei hi.

Ezekiel 33:13

Midik khat tungah nuntakna ding kam ka ciam hangin, a beisa-a ama hoihna suangin mawh gamtat ding hong kipan leh, ama gamtat hoihnasate ka phawk kei ding hi. Ama mawh gamtatna hangin si veve ding hi.

Ezekiel 33:11

Amaute kiangah hih bangin gen in: Kei pen a nungta Topa Pasian ka hih mah bangin mawhnei mi khat a si ka muh ciangin nuam ka sa het kei hi. A mawh gamtatna khawlin a nuntak ding ka deih hizaw hi. Israel mite aw, na mawh gamtatnate uh khawl un. Bang hangin si nuam se na hi uh hiam?

Jeremiah 42:10

Hih gamah note na omsuak uhleh note kong lam ding a, kong phel kei ding hi. Kong phut ding a, kong botkhia kei ding hi. Bang hang hiam cih leh note’ tungah siatna kong tunsak manin ka dah hi.

Jeremiah 36:3

Judah mite in amau’ tungah tunsak dingin ka ngaihsut siatna khempeuh za-in, mi khempeuh in a siatna uh panin kiheina-in nei khathei ding uh a, keimah in zong amau’ khialhna le amau’ mawhnate ka maisak thei kha ding hi,” a hong ci hi.

Jeremiah 26:19

“Tua hinapi, Judah kumpipa Hezekiah le Judah mi khempeuhte in amah that zenzen uh ahi hiam? Kumpipa in Topa zahtakin, Topa’ pahtak ding a nget ciangin Topa in zong amau’ tungah siatna tunsak dingin a gensa khelkikzaw hi lo ahi hiam? Ahih hangin eite in eite’ tungah siatna lianpi khat i tungsak dektak hi,” a ci uh hi.

Jeremiah 15:6

Nangmah in kei nong taisanzo hi, Topa in kong ci hi. Kei nong nungngat niloh hi. Tua ahih manin ka khut zanin nang kong susia hi. Ka hehna ka ki-ipzo nawn kei hi.

Jeremiah 12:16

Tua ciangin, ka mite’ omdan hoihtakin a sin uh a, Baal min tawh a kiciam dingin ka mite a sinsak mah bangun, ‘Topa a nuntak mah bangin,’ ci-in keima min tawh kiciam ding a sin uhleh ka mite lakah kiptakin a om ding uh hi.

Ezekiel 33:14

Migilo khat kiangah, na si taktak ding hi, ci-in ka hilhkholh hangin, a mawh gamtatna khawlin a man a hoihin hong gamtakik hen la,

Paikhiatna 32:14

Tua ciangin Topa in a lungsim kheel a, ama mite’ tungah a tunsak ding siatna tungsak nawn lo hi.

Ezekiel 33:12

“Mihing ahi Ezekiel aw, tu-in Israel mite kiangah hih bangin gen in: Midik khat in mawhna a bawl leh, a beisa-a ama hoihna in amah suaktasak thei lo hi. Migilo khat a gitlohna khawl leh gim kipia lo ding a, midik khat in mawhna bawl leh nungtasuak tuan lo ding hi.

Amos 5:15

Thusia mudahin thupha deih unla, thukhen zumah a manin thu khen un. Tua hileh Josef minam a suakta sunte tungah Topa, Vanglian Pasian hong thunuam khathei ding hi.