Jeremiah 18:23 - Tedim Bible

²³ Ahih hangin Topa aw, amaute in thah dingin kei a hong sawmna uh nang na thei hi. Amau’ khialhnate na maisak kei inla, nangma muhna panin amau’ mawhnate phiatmangsak kei in. Nangma mai-ah amaute guallelsak inla, na heh ni mahin hih ek in.

Tedim Bible Revision 2017

²³ Ahih hangin Topa aw, amaute in thah dingin kei a hong sawmna uh nang na thei hi. Amauʼ khialhnate na maisak kei inla, nangma muhna panin amauʼ mawhnate phiat mangsak kei in. Nangma mai ah amaute guallelsak inla, na heh ni mahin hih ek in.

Jeremiah 18:23 Referans Kwoze

Late 35:4

Kei hong sawmte mai zumin mindaisak ta in! Keima siatna ding a bawlte nungkik sakin sisak in!

Isaiah 2:9

Tua ahih ciangin mite kiniamkhiat sukin, mite a niamin kikoih suk hi. Amaute’ mawhna maisak kei in.

ROM (Romans) 2:5

Lungsim khauhin na kisik nop lohna hangun Pasian’ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.

Luka 21:22

Bang hang hiam cih leh Lai Siangtho sungah a kigelh mah bangin, ‘Gim Piak Ni,’ ahi hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasian’ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Jeremiah 15:15

Tua ciangin keimah in: Topa aw, nang na thei hi. Hong phawk inla hong veh in. Kei a hong bawlsiate tungah phu hong laksak in. Ka galte tungah na lungduaina hangin kei’ sih nading piangsak kei in. Nangma hangin minsiatna a thuak ka hihlam hong thei in.

Jeremiah 11:23

Anathoth khuamite tungah siatna tungsakin gim ka piak hun ciangin a suakta kuamah a om nawn kei ding uh hi,” a ci hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawnkhia ding uh hi, Topa in kong ci hi.

Isaiah 10:3

Gimpiak ni hun, gamlapi panin huihpi hong nun’ ciangin note in bangcih ding na hi uh hiam? Huhna ngenin kua kiangah tai ding a, na neihsa uh koi lai-ah koih ding na hi uh hiam?

Late 59:5

Nang, Vanglian Topa Pasian, Israel’ Pasian na hi hi. Minam khempeuh gim a pia dingin tho inla, khemna tawh siat gamtat ding a sawmte kuamah siit kei in.

Late 119:126

Topa aw, nangma thu kipalsat khin ahih ciangin thu na khen ding hun hita hi.

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site’ lak mahah amaute zong si ding uh a, gim ka piak ni ciangin a kilawnkhia ding uh hi,” Topa in hong ci hi.

Jeremiah 6:21

Tua ahih manin Topa in kong cihin-ah: En un, hih mite a puk nadingin a mai uhah suangtum ka koih ding a, pate le tate, inn vengte le lawmte pukin a si ding uh hi,” a ci hi.

Jeremiah 7:20

Tua ahih manin Topa in kong cihin-ah: En in, ka hehna le ka thangpaihna hih munah ka bua ding a, mihingte’ tung le ganhingte’ tung, lo lai-a singkungte le leilak a singgahte tungah ka sung ding hi. Ka hehna mei bangin kuang ding a, kisumit lo ding hi.

Jeremiah 17:4

Note kong piak na gam uh zong na taan ding uh a, na theih ngei loh uh gam khatah na galte uh’ na ka hong semsak ding hi. Bang hang hiam cih leh ka hehna kitawhkuang a, a mit nawn kei ding hi,” a ci hi.

Jeremiah 26:8

Mi khempeuh tungah Topa in gen dingin a sawlteng Jeremiah in a gen khit ciangin siampite, kamsangte, le mi khempeuhte in amah man uh a, “Nang na sih ding kilawm hi.

Jeremiah 26:11

Tua ciangin siampite le kamsangte in kumpi uliante le mi khempeuhte’ kiangah, “Note in na bil uh tawh na zak ciat uh mah bangin hih pa in hih Jerusalem khuapi langpangin thu hilh ahih manin thah ding kilawm hi,” a ci uh hi.

Jeremiah 37:15

Kumpi uliante zong kei tungah heh mahmah uh a, hong sat khit uh ciangin thong dingin a kizangsa, kumpi thuvanpi pa Jonathan’ inn-ah thong hong kiasak uh hi.

Jeremiah 38:4

Tua ciangin kumpipa’ uliante in kumpipa kiangah, “Hih mipa i thatlum ding hi. Bang hang hiam cih leh hih thute a gen manin hih khuapi sungah a omlai galkapte le mi khempeuhte lungkia sakin thazawsak hi. Hih mipa in i gam mite’ phattuamna ding zong loin a gim ngah nading uh a zongzaw ahi hi,” a ci uh hi.

Late 56:8

Ka sin linnate khempeuh nangmah in na ciamteh khin hi. Ka khituite khempeuh na thawl sungah thun in. Tuate na laibu sungah kiciamteh hi lo ahi hiam?

Jeremiah 17:18

Kei hong bawlsiate na zahhuaisak inla, ahih hangin kei hong zahhuaisak kei in. Amaute lung-amsak inla, ahih hangin kei hong lung-amsak kei in. Amaute tungah siatna ni tungsak inla, a zah nihin susia in!

Kah la 3:60

Ka galte’ hong muhdahna le a vaihawm simna thute uh na thei khinzo hi.

Kah la 3:61

“Topa aw, amau’ hong simmawhnate na thei khinzo a, a ngimnate khempeuh uh zong na theizo hi.