Jeremiah 18:21 - Tedim Bible

²¹ Tua ahih manin a tate uh kial tawh puksisak inla, amaute namsau-in sisak in. A zite uh ta neisak kei inla, meigong suaksak in. A pasalte uh pulnatna tawh sisak inla, a tangvalte uh gal sungah namsau tawh kithatlum sak in.

Tedim Bible Revision 2017

²¹ Tua ahih manin a tate uh kial tawh puksisak inla, amaute namsau-in sisak in. A zite uh ta neisak kei inla, meigong suaksak in. A pasalte uh pulnatna tawh sisak inla, a tangvalte uh gal sungah namsau tawh kithat lumsak in.

Jeremiah 18:21 Referans Kwoze

Amos 4:10

Egypt gamah ka hong tunsak bangin note lakah gimna kong tungsak hi. Gal sungah na tangvalteng uh ka sisak a, na sakolte uh kong paihkhiatsak hi. Na giahphual sungte uh a uih mahmahna tawh na nakngek uh kong zensak hi. Tua bang hinapi-in kei lamah nong kihei kei uh hi, Topa in ci hi.

Kah la 5:3

Ka pate uh gal in hong thahsak khin a, ka nute uh meigong suak khin uh hi.

Jeremiah 15:8

Tuipi a sehnel omzah sangin nupi meigong ka tamsakzaw ding hi. Na tangvalte uh a khan laitakin ka that ding a, a nute uh ka lunggimsak ding hi. Note’ tungah thakhat thu-in lungkhamna le launa ka hong tungsak ding hi.

Jeremiah 9:21

Bang hang hiam cih leh tawlet vang panin sihna hong lut a, kumpipa’ inn sungah zong sihna hong lut hi. Kongzing a naupangte vatmang a, sumbuk a tangvalte vatlum hi.

Thu-hilhkikna 32:25

Namsau in gamlakah amaute susia-in, inn sungah launa lianpi om ding a, tangval le nungak, naungek nawi nete, samkangte tawh susia khawm ding hi.

Paikhiatna 22:24

Ka hehna so-in namsau tawh note kong that ding a, na zite uh meigong suakin, na tate uh tagah suak ding hi.

2 TIMOTI NIHNA 4:14

Sikseekpa Alexander in kei tungah siatna lianpi hong bawl hi. Ama gamtatna tawh kizui-in Topa in thuk ding hi.

Jeremiah 12:3

Ahih hangin Topa aw, nangmah in kei nong thei hi. Ka gamtatnate nong mu a, nang ka hong itna thu na hong thei hi. Amaute pen gawh dingin a kikoih tuu bangin kaikhia inla, a kigawh ni hun ding a tun mateng tuamkoih in.

2 KHANG TANGTHU NIHNATE 36:17

Tua ahih ciangin Topa in Khaldea mite’ kumpipa amaute’ langkhatah paipih a, tua kumpipa in amau’ Pasian’ biakinn sung nangawnah namsau tawh a tangvalte uh that a, numei pasal, a moi a ham, a dam a na, kuamah khasiat lo hi. Pasian in a vekpi-in ama khut sungah a pia hi.

1 SAMUEL MASA 15:33

Tua ciangin Samuel in, “Na namsau in nute ta bei-in a bawl mah bangin na nu zong ta bei hi ta ding hi,” a ci hi. Tua ciangin Samuel in Topa’ mai Gilgal-ah Agag a semnen hi.

Late 63:10

Gal sungah amaute si ding uh a, ngiate’ an suak ding uh hi.

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote le a meigong numeite uh tungah hehpihna nei lo hi. Bang hang hiam cih leh mi khempeuh pen Pasian’ thu a khual om loin siatna a bawl vive hi a, kam khempeuh in haina thu a gen uh hi. Hih thute khempeuh hangin ama hehna damzo nai lo a, ama khut kizanlai hi.

Isaiah 13:18

Amau’ thalte in tangvalte that ding hi. Amaute in gil sung pana piang naungekte hehpih lo ding uh hi. Amaute’ mit in naupangte khasiat lo ding hi.

Jeremiah 14:16

A hilh uh mite in zong kial le namsau thuakin amaute a kipan a zite uh, a tapate uh, le a tanute uh Jerusalem khua kongzing lakah kipaithang ding a, kuamah in a vui kei ding hi. Bang hang hiam cih leh amau’ gitlohna amau’ tung mahah ka buaksuk ding hi,” hong ci hi.

Jeremiah 15:7

Na gam sung khua kongpite-ah huihpi’ mut bangin note kong mutmang ding hi. Na tate uh ka beisak ding a, ka mite ka susia ding hi. Bang hang hiam cih leh na gitlohna uh le na omdan hoih lo panun na kiheikik kei uh hi.

Jeremiah 50:30

Tua ahih manin khuasung laizangah a tangvalte uh si ding uh hi. Tua ni ciangin a galkapte uh a beimang khin ding uh hi, Topa in kong ci hi.

Kah la 1:15

Topa in ka galkap a thahat pente nuihsan lel a, amah in kei a hong sim ding, ka tangvalte a susia dingin galkap honpi a hong kuansak hi. Amah in ka nungakte leenggah gawizan bangin a hong gawizansak hi.

Ezekiel 16:38

Midangte tawh na mawhna hang le na mi thahna hangin thu kong khen ding a, ka hehna tawh sihna kong thuaksak ding hi.

Ezekiel 22:25

A uliante uh, ganhing a that humpinelkai hawk tawh kibang uh hi. Amaute in mi thatin, a sum le a neihsa khempeuh laksak uh a, a mi thahna hangun numei tampi tak meigong suaksak uh hi.

Late 63:11

Ahi zongin Pasian’ hangin kumpipa lungdam ding a, Pasian tawh thuciamna a nei khempeuhte zong minthang ding uh hi. Bang hang hiam cih leh zuauthu a gen kam khempeuh kihubing ding hi.

Isaiah 9:16

Bang hang hiam cih leh hih minam a makaihte in lam khialsak a, amau’ makaih mite in siatna ngah uh hi.