Jeremiah 18:19 - Tedim Bible

¹⁹ Hong en in, Topa aw, keima hong thugennate le ka galte in keima thu a gennate hong ngai in.

Tedim Bible Revision 2017

¹⁹ Hong en in, Topa aw, keima hong thugennate le ka galte in keima thu a gennate hong ngai in.

Jeremiah 18:19 Referans Kwoze

Nehemiah 6:9

Kote in ka hanciamna uh khiamin nasep a kizawh loh nading deihna tawh amaute in kote hong lausak theih nading uh a hanciam uh ahi hi. Tua ahih ciangin ka hahkat semsem zaw uh hi.

Micah 7:8

Ka galte aw, kei tungah lungdam kei un. Ka puk hangin ka thokik veve ding hi. Khuamial sungah ka om hangin Topa in khuavak hong pia ding hi.

Jeremiah 20:12

A thuman mite a entel, lungsim le ngaihsutna a mu Vanglian Topa aw, amaute na thukkikna kei hong musak in. Bang hang hiam cih leh nangma khut sungah ka thu kong ap khin hi.

Late 109:28

Amaute in kei hong samsiat hangin nangmah in kei thupha nong pia ding hi. Ka langte zahhuaisak inla, na nasempa keimah hong kipsak ta in.

Late 109:4

Amaute ka itna, amaute a dingin thu ka ngetsakna nangawn amaute in hong thukna-in kei hong mawhsak uh hi.

2 KUMPI NIHNATE 19:16

Topa aw, na bil hong ngat inla hong za in. Topa aw, na mitte hak inla hong mu in. Tua ciangin a nungta Pasian a zahko nadingin a hong khak Sennakherib’ thute za in.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasian’ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Jeremiah 18:20

Hoihna pen siatna tawh a kituak ding mah ahi hiam? Keimah hong siahna-in gum a to uh hi. Nangma mai-ah kong ding a, amau a’ ding thuhoih kong gen hi. Na hehna amaute tungah na tunsak loh nadingin ka hong ngetnate hong phawk in.

Kah la 3:59

A mawkna-in kei hong kimawhsaknate thei khin na hih ciangin thu hong khen inla, kei hong khahkhia in.