Jeremiah 18:18 - Tedim Bible

¹⁸ Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasian’ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Tedim Bible Revision 2017

¹⁸ Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasianʼ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Jeremiah 18:18 Referans Kwoze

Late 52:2

Zuau nasempa aw, na leii a hiam pha mahmah mulkiatna tem tawh kibang hi.

Malakhi 2:7

Siampite’ nasep pen Pasian a manin theih nading a hilh ding uh ahi hi. Amaute pen, Vanglian Topa’ kamtaite ahih manun, mite in keima deihna a theih nadingun amaute’ tungah thu a dot ding uh ahi hi.

Jeremiah 11:19

A kigo dingin a kipaipih mawhna a nei lo tuuno bang ka hi hi. Amaute in, “Singkung a gahphat hun laitakin phuktan ni. Ama min a kiphawk nawn loh nadingin amah thatlum ni,” ci-in a gen uh a, kei hong sawmna uh ahihlam ka thei kei kha hi.

Jeremiah 18:11

Tua ahih manin tu-in, Judah mite le Jerusalem khuamite’ kiangah Topa in a cihin-ah, ‘En un, note’ siatna ding ka geel a, note’ langkhatah ngimna khat ka nei hi. Na vekpi-un na siatna uh pan kilehkik unla, na omdan uh le na nasepnate uh bawlpha un,’ va ci in.

Late 21:11

Nangma langah siatna ding vaihawmin, gitlohna a bawl uh hangin tangtung lo ding uh hi.

Jeremiah 43:2

Hoshaiah’ tapa Azariah le Kareah’ tapa Johanan a kipan migilo dangte khempeuh in kei kiangah, “Nang in zuau na phuak hi. Topa i Pasian in, ‘Egypt gamah a teng dingin pai kei un,’ ci-in a gen dingin nang hong sawl lo hi.

Paunak 18:21

Kampauna in sihna ahi a, hinna ahi zongin piangsak thei a, i kampauna bangin a piangte san loh phamawh hi.

Late 64:3

namsau taat bangin a leii uh a taatte, thaltang bangin thu hoih lo a ngimte,

Late 57:4

Huaihamna tawh mihing a netum, humpinelkai tawh a kibang mite’ lakah ka om hithiat hi. Amau’ hate, namsau hiam tawh kibang hi.

Jeremiah 2:8

Siampite in, ‘Topa koi-ah om ahi hiam?’ ci-in dong lo uh hi. Thukham a theite nangawn in kei hong thei lo uh hi. Kei tungah kumpi uliante hong khial khin uh a, kamsangte in Baal min tawh thu genin kimanna a nei lo milimte a bia uh hi.

Isaiah 32:7

Mi ginalo’ ginat lohna siahuai mahmah hi. Zuauna kam tawh mizawngte a siasak ding le mi cimawhte’ thu a thuman ciang nangawnin a siasak dingin amah in gitloh nasepna a bawl hi.

JOB (Job) 5:13

Amah in migilote amau’ gitlohna mahah awksak a, ngian a zangte’ geelna zong a lumletsak hi.

1 KUMPI MASATE 22:24

Tua ciangin Khenaanah’ tapa Zedekiah a nai-ah hong pai-in Mikaiah a paang bengin, “Nang’ tungah thu a gen dingin Topa’ kha in cikin kei hong nusia-in nang kiang hong tung ahi hiam?” a ci hi.

2 SAMUEL NIHNA 17:14

Tua ciangin Absalom le Israel mite khempeuh in, “Arkhi mi Hushai’ thugen pen Ahithofel’ thugen sangin hoihzaw hi,” a ci uh hi. Bang hang hiam cih leh Topa in Absalom’ tungah siatna a tunsak theih nadingin Ahithofel’ thugen hoih in a lelh ding Topa in a sehsa ahi hi.

2 SAMUEL NIHNA 15:31

Tua laitakin David kiangah, “Ahithofel zong mi sawmsimte lakah Absalom tawh om hi,” ci-in kigen hi. Tua ahih ciangin David in, “Topa aw, kong thum hi; Ahithofel’ thugente haina-in na heisak in,” a ci hi.

Siampi Laibu 10:11

Topa in Moses tungtawnin amaute’ tunga a gensa thukhamte khempeuh note in Israel mite a hilh ding na hi uh hi,” a ci hi.

Johan 9:40

Ama kiangah a om Farisi mi pawlkhat in hih bangin a thugenna a zak uh ciangin, “Kote zong a mittaw-in hong ngaihsun na hi hiam?” ci-in a dong uh hi.

Jeremiah 26:11

Tua ciangin siampite le kamsangte in kumpi uliante le mi khempeuhte’ kiangah, “Note in na bil uh tawh na zak ciat uh mah bangin hih pa in hih Jerusalem khuapi langpangin thu hilh ahih manin thah ding kilawm hi,” a ci uh hi.

Luka 11:45

Tua ciangin Thukham hilh siate khat in Jesuh kiangah, “Sia aw, hih bang thu na gen ciangin kote zong a hong ko bawl na hi hi,” a ci hi.

Jeremiah 44:17

Ahih hangin ka ciamsa uh bangin kote, ka pute ka pate, ka kumpite uh le kumpi uliante in Judah gam khuapite le Jerusalem khua kongzing lakah ka hih ngei uh bangin vantung kumpinu kiangah paknamtui halin tuidawn biakna ka hihzaw ding uh hi. Bang hang hiam cih leh ka tuacih uh ciangin an tampi ka nei uh a, hau-in gimna zong ka thuak kei uh hi.

Jeremiah 8:8

Bangci bangin note in, ‘Ko ka pil uh a, Topa’ thukham ka nei uh hi,’ ci thei ding na hi uh hiam? En un, thuman lo laitheite in tua thukham zuauthu a suah uh hi.

Jeremiah 18:19

Hong en in, Topa aw, keima hong thugennate le ka galte in keima thu a gennate hong ngai in.

Jeremiah 20:10

Mite’ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khemzo kha ding hi. Tua hileh i zo kha ding a, tua ciangin i thukkik ding hi,” hong ci uh hi.

Jeremiah 37:13

Benjamin Kongpi ka tun ciangin Shelemiah’ tapa, Hananiah’ tupa Irijah a kici kongcing pa in kei kiangah, “Nang Babylon mite’ lamah a taisim ding na hi hi,” ci-in a hong man hi.

Ezekiel 7:26

Lungkhamna khat khit khat a banbanin na tuak ding uh a, thusia bekbek na zaza ding uh hi. Kamsangte kiangah thu na dong ding uh hi. Siampite in mite tungah hong hilh ding thu thei lo ding uh a, upate in hong gen ding mel thei lo ding uh hi.

2 KHANG TANGTHU NIHNATE 24:21

Ahih hangin amaute in amah sawmsim uh a, kumpipa’ thupiakna tawh amaute in Topa’ biakinn tualah suang tawh amah denglum uh hi.

Jeremiah 1:19

Amaute in nang’ langkhatah hong do ding uh hi. Ahih hangin a hong zo kei ding uh hi; bang hang hiam cih leh Topa in kong cihin-ah, nangmah a hong hu dingin ka hong ompih ding hi,” a hong ci hi.

Jeremiah 44:16

“Topa’ mina nong gen thute kong mang kei ding uh hi.

Kah la 3:62

Sun tawntung keimah bawlsiat ding bekbek kikumin a vaihawm tawntung uh hi.

Micah 3:6

“Keima mite lam khialsak na hih manun mailam thu gentheihna maang na mu nawn kei ding uh a, mailam thu peuhmah na gen thei nawn kei ding uh hi. Kamsangte aw, note’ hun beita ding a, ni in hong tumsan ta ding hi,” ci hi.

Micah 3:7

Hih bang thugen kamsangte, a thugen kholhna uh Pasian in a tunsak loh manin maizumin mindai ding uh hi.