Jeremiah 18:17 - Tedim Bible

¹⁷ Nisuahna lam huih in nin a mutmang bangin a galte uh mai-ah amaute ka thehthang ding hi. Haksatna a tuah ni-un amaute ka nungngat ding a, ka maingat kei ding hi,” hong ci hi.

Tedim Bible Revision 2017

¹⁷ Nisuahna lam huih in nin a mut mang bangin a galte uh mai ah amaute ka thehthang ding hi. Haksatna a tuah ni-un amaute ka nungngat dinga, ka maingat kei ding hi,” hong ci hi.

Jeremiah 18:17 Referans Kwoze

Jeremiah 13:24

Sehnel gam panin a hong nung huih in buhvai a mut bangin note kong thehthang ding hi.

Jeremiah 2:27

Amaute in singtawng khat kiangah, ‘Nang pen ka pasian na hi hi,’ ci uh a, suangtum khat kiangah, ‘Ka pianna ka nu na hi hi,’ peuh a ci uh hi. Bang hang hiam cih leh amaute in kei hong nungngatin hong maingat lo uh hi. Ahih hangin haksatna a tuah uh ciangin, ‘Tho inla hong hon in,’ hong ci uh hi.

Hosea 13:15

Israel mite kiak bangin a pung ahi zongin sehnel gam panin nisuahna huih sa mahmah ka nungsak ding a, a tuikhukte uh le a tuinakte uh a kangsak ding hi. Tua huih in a manpha nate le deih theih peuhpeuh leenmang ding hi.

Late 48:7

Nisuahna huihpi tawh Tarshish kici teembaw liante nang na susia hi.

JOB (Job) 27:21

Nisuahna huihpi in amaute leenkhia-in a inn panun gamlapi-ah leenkhia ding hi.

Jeremiah 46:21

A galkap cialte nangawn amaute’ lakah bawngno hat lote a bang lel uh hi. Pang loin, do tentan lo uh a, nungkikin a taikeek uh hi. Bang hang hiam cih leh amau’ kisiat ding ni, amau’ gimthuak ding ni, hong tungzo hi.

Jeremiah 32:33

Amaute in kei hong nungngatin hong maingat lo uh a, ka hilh tawntung hangin ka hilhna a hong mang kei uh hi.

Thu-hilhkikna 32:35

Phulakna le thukkikna kei a’ hi a, a hun ciangin amaute puk ding uh hi. Bang hang hiam cih leh amau’ gim ngah hun ding hong naita a, amau’ siat nading hong tung pah hi.

Thu-hilhkikna 31:17

Tua hun ciangin amaute tungah ka sin so-in, amaute nusia-in ka mai ka seel ding a, amaute beimang ding uh hi. Tua ni ciangin amaute in, ‘Eite’ lakah i Pasian a om loh manin hih siatnate i tungah hong tung hi lo ahi hiam?’ a cih theih nadingun amaute tungah siatna le gimna tampi tung ding hi.

Thu-hilhkikna 28:64

“Topa in leimong khat panin mong khat, mi khempeuhte lakah note hong thehthang ding hi. Tua lai-ah note le na pu na pate un a theih nai loh singlesuang tawh a kibawl pasian dangte’ na na sem ding uh hi.

Thu-hilhkikna 28:25

“Topa in na galte uh mai-ah note hong guallelsak ding hi. Amaute a do dingin lam khatah na kuan khawm ding uh a, amau’ mai-ah lam sagihin na taikeek ding uh hi. Leitung kumpi gamte khempeuh’ muhna-ah note a cikzethuai na hi ding uh hi.

Paunak 24:16

Mihoihte sagihvei dong a puk hangin tho kikkik thei a, migilote ahihleh tuahsiatna thuakin kithallot hi.

Ezekiel 7:22

Ka biakinn a kinitsak ciangin ka kho kei ding hi. Gutate in ka biakinn luhin ninsak ding uh hi.

Ezekiel 27:26

Nang hong hotte in tuipi thukna gamlapi-ah hong hot uh a, nisuahna huihpi in tuipi laizangah nang hong mutsia hi.