Jeremiah 18:13 - Tedim Bible

¹³ “Tua ahih manin Topa in kong cihin-ah: Minam dangte’ lakah hih bang thu a kiza ngei hiam, dong dih un. Keima mituam Israel in a mulkimhuai mahmah na khat a hihzo hi.

Tedim Bible Revision 2017

¹³ “Tua ahih manin Topa in kong cih in ah: Minam dangteʼ lakah hih bang thu a kiza ngei hiam, dong dih un. Keima mituam Israel in a mulkimhuai mahmah na khat a hih zo hi.

Jeremiah 18:13 Referans Kwoze

Jeremiah 5:30

A dipkuathuai, a patauhhuai thu khat gam sungah a piang khinzo hi.

Hosea 6:10

Israel mite lakah siatna lianpi khat ka mu hi. Milim biakna tawh amaute kininsak uh hi.

Jeremiah 23:14

Ahih hangin Jerusalem khuasunga om kamsangte’ sungah a mulkimhuaizaw na khat ke’n ka mu hi. Angkawmin zuauthu gen uh a, mite a gitlohna uh pan a kikhel loh nadingin mi hoih lote a hanthawn zawlai uh hi. A vekpi-un kei’ muhna-ah Sodom khuamite tawh kibang khin ka sa a, Gomorrah khuamite tawh zong kilamdang lo uh hi.

Isaiah 66:8

A tuaci bang kua’n za ngei na hi uh hiam? A tuaci bang kua’n mu ngei na hi uh hiam? Ni khat thu-in gam khat piang ngei ahi hiam? Tomnokhat sungin minam khat piangkhia ngei ahi hiam? Bang hang hiam cih leh Zion in nausuak gimna a thuak phetin a minamte suakkhia pah hi.

Jeremiah 31:4

Aw, nungak siangtho Israel aw, nang kong bawlpha kik ding hi. Na khuangte na man kik ding a, a gualnuamte’ lamna-ah na va kihel ding hi.

Jeremiah 14:17

Tua ciangin Topa in kei tungah thu hong gen a, “Jeremiah aw, amaute kiangah, ‘Sun le zanin ka khitui luangluang hen la, kang ngei kei tahen. Bang hang hiam cih leh keima mite in nakpitakin liamna thuak uh a, nakpitakin a kisat uh hi.

1 KORIN MASA 5:1

Note lakah numei tawh paktatna nasia mahmahin, lawkite nangawn a gamtat lohte na gamtatna uh hong kigen a, mi khat in ama nukik nangawn a luppihna thu ka za hi.

Kah la 1:15

Topa in ka galkap a thahat pente nuihsan lel a, amah in kei a hong sim ding, ka tangvalte a susia dingin galkap honpi a hong kuansak hi. Amah in ka nungakte leenggah gawizan bangin a hong gawizansak hi.

Isaiah 36:22

Tua ciangin Hilkiah’ tapa ahi kumpi innsung a sai Eliakim, lai-at Shebna le Asaf’ tapa ahi thuciamteh pa Joah in a puan uh balkekin Hezekiah kiangah pai uh a, a ulianpa’ thugen teng a va gen uh hi.

1 SAMUEL MASA 4:7

Filistia mite lau uh hi. Bang hang hiam cih leh amaute in, “Giahphualah a pasian-te uh tungzo hi,” a ci uh hi. Amaute in, “Gimna ngah hi ta hang! Bang hang hiam cih leh nidangin hih bang piang ngei lo hi.

Jeremiah 18:14

Lebanon mualtung vuk in susia ngei ahi hiam? Mualtung panin a hong luang a vot kilkel luite kang ngei ahi hiam?

Amos 5:1

Israel mite aw, kap kawmin kong thugenna, limtakin ngai un:

Amos 5:2

Nungak Israel puk khin a, thokik ngei nawn lo ding hi. Leilakah lum dildel a, a phongto ding kuamah om lo hi.