Jeremiah 17:26 - Tedim Bible

²⁶ Mite in Judah gam khuapite le Jerusalem khua kiim panin ahi zongin, Benjamin gam, Shefelah zanglei gam, mualtung gam, le leitaw lam Negeb gamte panin ahi zongin meihal biakna le biakpiaknate, an tawh biakna, paknamtui le lungdam biakpiaknate, Topa’ biakinn-ah hong pia ding uh hi.

Tedim Bible Revision 2017

²⁶ Mite in Judah gam khuapite le Jerusalem khua kiim panin ahi zongin, Benjamin gam, Shefelah zanglei gam, mual tung gam le leitaw lam Negeb gamte panin ahi zongin meihal biakna le biakpiaknate, an tawh biakna, paknamtui le lungdam biakpiaknate, Topaʼ biakinn ah hong pia ding uh hi.

Jeremiah 17:26 Referans Kwoze

Zekhariah 7:7

Jerusalem cithei-in a khua sungah mi tampi om a, leitaw lam gam, nitumna lam gam, a kiim a pam khuapite-ah mi tampi tengin a om hun laitakin, tu-a bangmahin Topa in a kamsang masate’ tungtawnin a gensa thu ahi hi.

Jeremiah 33:13

Mualtung a khuapite, Shefelah zanglei-a khuapite le leitaw lam Negeb gam a khuapite, Benjamin gam, Jerusalem khua kimkot le Judah gam khuapite-ah, Topa in kong cihin-ah, tuucingte in a tuute uh a phazah a sim ding uh hi.

Jeremiah 32:44

Benjamin gam, Jerusalem khua kimkot le Judah gam khuapite a kipan mualtung a khuapite, Shefelah zanglei-a khuapite le leitaw lam Negeb gam a khuapite-ah sum tawh lo kilei ding a, a theihpih mite tawh thukimna min gelhin gip tawh kikhen ding hi; bang hang hiam cih leh keimah in amaute a gam mah uhah ka omsakkik ding hi, Topa in kong ci hi,” a hong ci hi.

Late 107:22

Lungdam koh piaknate pia-in ama nasepnate lungdam la tawh amaute gensak un.

Jeremiah 33:11

Ahih hangin lungdamna aw le kipahna awte, zinei thakte le mothakte’ awte kiza kik ding hi. Topa’ biakinn-ah mite hong pai-in lungdam kohna-in: ‘Vanglian Topa’ tungah lungdamna ko un. Bang hang hiam cih leh Topa hoih a, ama itna kip tawntung hi,’ ci-in a lasakna awte uh a kiza kik ding hi. Bang hang hiam cih leh Topa in kong cihin-ah, a masa-a mah bangin hih gam ka hausakkik ding hi.

Late 116:17

Lungdam koh biakpiakna nang tungah kong pia ding a, Topa’ tungah thu kong ngen ding hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,

1 PETER MASA 2:5

Note zong nuntakna a piathei suangpi mah bangin kha thu tawh kisai biakinn lam nadingin na kizang unla, Jesuh Khrih hangin Pasian’ santheih biaknate a pia dingin a siangtho siampi na suak un.

Hebru 13:15

Tua ahih manin Jesuh tungtawnin amah i biakna-in i kam tawh ama min pulakin Pasian phat tawntung ni.

Ezra 3:11

Tua ciangin amaute in Topa phatna le lungdamkohna a kidawngin sa uh a, “Topa hoih hi; bang hang hiam cih leh Israel-te hong itna kip tawntung hi,” a ci uh hi. Topa’ biakinn bulpi kiphut khin ahih manin mi khempeuh in nakpitakin Topa phat uh hi.

Late 66:13

Meihal biaknate tawh nangma inn sungah kei ka hong pai ding hi. Ka lungkham laitakin ka muk pana a gingkhia, ka kama ka thuciamte nangma tungah ka hong pia ding hi.

Jeremiah 30:19

Tuate sung panin lungdamna la kisa ding a, gualnopna aw kiza ding hi. Amaute ka pungsak ding a, tawmkha bek hi lo ding uh hi. Amaute ka kipahtawisak ding a, ka neusak kei ding hi.

Isaiah 58:13

Note in Sabbath siangtho sakin, keima ni siangtho ni-in na nasepna panun khawlin Sabbath ni pen deihhuai sa-in, Topa’ ni siangtho pen pahtawihuai na cih uh a, note in pahtawi-in note’ deih bang zui loin, note’ ut bang hi loin motpau loin na om uhleh,