Jeremiah 17:25 - Tedim Bible

²⁵ na kumpite uh le na uliante un David’ neih bang kumpi vangliatna a nei ding uh hi. Amaute in Judah mite le Jerusalem khuamite tawh sakol leeng le sakolte tungah tuangin hih khua kongpite-ah hong lut ding uh a, hih khuapi-ah zong mi teng tawntung ding hi.

Tedim Bible Revision 2017

²⁵ na kumpite uh le na uliante un Davidʼ neih bang kumpi vangliatna a nei ding uh hi. Amaute in Judah mite le Jerusalem khua mite tawh sakol leeng le sakolte tungah tuangin hih khua kongpite ah hong lut ding uh a, hih khuapi ah zong mi teeng tawntung ding hi.

Jeremiah 17:25 Referans Kwoze

Jeremiah 22:4

Bang hang hiam cih leh note in hih thute na zuih takpi uhleh David’ suante kumpi suak tawntung ding uh a, amaute a kipan a nasemte uh le a mite uh sakol leeng le sakol tungah tuangin hih inn kongpite-ah hong lut ding uh hi.

Isaiah 9:7

Tuhun a kipanin a tawntungin David kumpi tokhom tung le ama gam sungah thutang le thuman phutin, a lian semsem ama ukna le nopsakna in mong nei lo ding hi. Vanglian Topa’ deih luatna in hih thu hong tungsak ding hi.

Hebru 12:22

Ahi zongin note pen Zion Mual, a nungta Pasian’ khuapi, vantung Jerusalem, simzawh loh vantung mite a omna,

Jeremiah 33:21

keimah le ka nasempa David tawh ka thuciamna kisia pan ding a, amah in a kumpi tokhom luah ding tapa nei loin, ka na a sem ding siampi Levi minamte tawh ka thuciamna zong a kisia hi pan ding hi.

Jeremiah 33:17

“Bang hang hiam cih leh Topa in kong cihin-ah: Israel mite’ kumpi dingin David’ suan sung panin mi kitasam ngei lo ding hi.

Jeremiah 33:15

Tua hun ciangin David’ suan lak panin kumpi dingin a diktat mi khat ka khangsak ding a, amah in gam sungah thuman tawh thu hong khen ding hi.

2 SAMUEL NIHNA 7:16

Na suanlekhakte le na kumpi gam keima mai-ah a kip tawntungin kibawl ding a, na kumpi tokhom kip tawntung ding hi,’ ci-in gen in,” a ci hi.

Jeremiah 22:30

Topa in hih bangin ci hi: “Hih pa, ta nei lopa, a khan tawntungin a gualzo ngei lopa, ci-in ciamteh un. Ama suanlekhakte khat beek in David’ tokhom luah lo ding a, Judah gam a uk kei ding hi,” a ci hi.

Jeremiah 13:13

Tua ciangin nangmah in amaute kiangah, ‘Topa in hong cihin-ah: En un, David’ tokhom tungah a tu kumpite, siampite, kamsangte, le Jerusalem khua-a a teng mi khempeuh a kipan gam sungah a om mi khempeuh zu tawh kidim sakin ka khamsak ding hi.

2 SAMUEL NIHNA 8:4

David in ama tung panin sakol galkap tulkhat le zasagih le khe galkap tul sawmnih la hi. David in leengkai sakol khempeuh a zagui atsat a, ahih hangin leeng zakhat a dingin a kicing a siit hi.

1 SAMUEL MASA 8:11

Amah in, “Note hong uk ding kumpipa’ hih zia dingte in: Amah in na tapate uh la-in a leengte-ah na semin a sakol nasem ding, le a leengte mai-ah a tai dingin seh ding hi.

Thu-hilhkikna 17:16

Amah in ama aituam dingin sakol tampi nei lo ding hi. Topa in no kiangah, ‘Hih lampi tawnin na kilehkik ngei kei ding uh hi,’ hong ci ahih manin, amah in sakolte a lei dingin Egypt gamah mite paisak lo ding hi.

Paikhiatna 12:14

“Hih pen note a dingin phawkna ni hi ding a, note in Topa’ tungah pawi bawlna ni-in na nei ding uh hi. Na khang tawntungun note in biakna ngeina kip khatin na nei tawntung ding uh hi,” a ci hi.

Jeremiah 22:2

David tokhom tungah a tu Judah kumpipa aw, nang le na nasemte a kipan hih kongpi-ah a hong lut na gammite khempeuh in Topa’ kammal ngai dih un.

Jeremiah 25:5

Amaute in, ‘Tu-in na vekpi-un na gitlohna uh le na gamtat khialhnate uh panin na kihei uhleh Topa in note le tanglai-a na pu na pate uh tungah na neih tawntung dingun a hong piak gam sungah na teng thei ding uh hi.

Jeremiah 7:3

Vanglian Topa, Israel mite’ Pasian in hih bangin hong ci hi. Na nuntak zia uh le na gamtatnate uh kipuah un. Tua hileh hih munah kong tengsak bek ding hi.

Jeremiah 7:7

tanglai-a na pu na pate un a neih tawntung dingun ka piak hih gam sungah ka hong tengsak ding hi.