Jeremiah 17:24 - Tedim Bible

²⁴ “‘Ahih hangin Topa in kong cihin-ah, note in ka thu nong ngaih uh a, Sabbath ni-in hih khua kongpite-ah bangmah hong lutpih loin, Sabbath ni siangthosakin, na na sep kei uhleh,

Tedim Bible Revision 2017

²⁴ “‘Ahih hangin Topa in kong cih in ah, note in ka thu nong ngaih uh a, Sabbath ni-in hih khua kongpite ah bangmah hong lutpih loin, Sabbath ni siangthosakin, na na sep kei uh leh,

Jeremiah 17:24 Referans Kwoze

Thu-hilhkikna 11:13

“Topa na Pasian uh itin, na lungsim khempeuh uh le na nuntakna khempeuh uh tawh ama na na sep nadingun tuni-a kong gen ama thupiaknate na zuih uhleh,

Paikhiatna 15:26

“Note in Topa na Pasian uh thu limtakin na ngaih uh a, ama mai-ah a man nate hihin, ama thupiakte don a, ama ngeina kipte khempeuh na zuih uhleh, Egypt mite’ tungah ka tunsak natnate khat beek note’ tungah kong tungsak kei ding hi. Bang hang hiam cih leh kei pen Topa, note hong damsak pa ka hi hi,” a ci hi.

Zekhariah 6:15

Gamlapi-a a teng mite hong pai-in Topa’ innlam nasep hong huh ding uh hi. Tua biakinn a kilamkik ciangin Vanglian Topa in note kiangah kei a hong sawl ahihna thu na thei ding uh hi. Topa na Pasian uh’ thupiaknate cingtakin na zuih nak-uhleh tu-a ka gen bangin a hong piang ding ahi hi.

Isaiah 55:2

An ahi lo nate lei nadingin bang hangin na sum uh zang a, hong gilvahsak thei lo nate ngah nadingin bang hangin na sem na hi uh hiam? Keima thu limtakin ngai-in a limci an ne unla, anlimte ah nuamsa-in om un.

Isaiah 21:7

Amah in a kopkopin sakol tung tuang mite, la tunga a tuangte, kalaoh tunga a tuangte a muh ciangin limtak, phatakin encik hen,” hong ci hi.

Thu-hilhkikna 11:22

“Bang hang hiam cih leh Topa na Pasian uh itin, ama lampi khempeuh zui-in, amah beelin, nomau zuih dingin kong gen hih thupiakna khempeuh zuih ding na kingaihsut uhleh,

Paikhiatna 20:8

“Sabbath ni a siangtho-a zat ding phawk un.

Ezekiel 20:20

Kei pen Topa ahi note’ Pasian ka hihna na phawkna ding uh le note tawh i bawlsa thukimna lim dingin Sabbath-te na siangthosak un,’ ka ci hi.